II Pêtrôs 3:13 - Nau Brah Ndu Ngơi 2023

¹³ Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.

Bunong Bible Latin Script Cambodian dialect

¹³ Ndri dâng bân gŭ kŏp tât geh trôk mhe, ndrel ma neh ntu mhe i geh nau ueh nau sŏng i lĕ Păng ton jêh.

Bunong

¹³ នទ្រី​ទឹង​ឞ៝ន់​គុ​ក៝ប់​ត៝ត់​គែស​ត្រោក​មហែ នទ្រែល​មា​នែស​នតូ​មហែ​អី​គែស​នាវ​អ្វែស​នាវ​ឆ៝ង់​អី​លែៈ​ពាង់​ត៝ន​ជេស។

II Pêtrôs 3:13 ပူးပေါင်းရင်းမြစ်များ

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 65:17

“Yorlah aơ, Gâp mra rhăk njêng trôk mhe jêh ri neh mhe; Bu mâu hôm kah gĭt ôh ma lĕ ndơ kăl e, Mâu lĕ bu hôm mĭn ma ndơ nây.

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 8:21

lĕ rngôch ndơ geh jêh aơ mra geh nau rklaih bơh nau rêh ƀư dĭk ma nau rai yot, gay ndrel dơn nau kon me tâm chrêk rmah phung kon Brah Ndu.

II Pêtrôs 1:4

Tă bơh nau chrêk rmah jêh ri nau ueh nây, Păng ăn jêh ma he lĕ nau ton toyh jêh ri dŭt khlay, gay tă bơh nĕ khân may dơi der luh bơh nau djơh mhĭk tâm neh ntu tă bơh nau kơnh mhĭk, jêh ri plơ̆ jêng bunuyh geh kô̆ tâm nau ŭch ta klơ trôk.

Nau Tâm Mpơl 21:1

Nôk nây gâp saơ trôk mhe jêh ri neh ntu mhe; yorlah trôk tal nguay jêh ri neh ntu tal nguay rlau lôch jêh, jêh ri mâu hôm geh dak mƀŭt đŏng.

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.