II Pêtrôs 3:10 - Nau Brah Ndu Ngơi 2023

¹⁰ Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

Bunong Bible Latin Script Cambodian dialect

¹⁰ Nar Kôranh Yêsu văch, bu mâu ôh gĭt lor, jêng tâm ban ma bunuyh ntŭng hăn ntŭng bu. Nôk nây trôk mra lêk lĕ phiao nđâp ma dŭt nteh, jêh ri dâng lĕ ntil ndơ ŭnh mra sa lĕ phiao, jêh ri neh ntu, nđâp ma dâng lĕ ndơ bu jan ta neh ntu nơh bu mra say n'hêl nanê̆ ngăn, gay ma Kôranh Brah phat dôih.

Bunong

¹⁰ នារ​កោរាញ​យេឆូ  ​វាច់ ឞូ​មោ​អោស​គឹត​ល៝រ ជេង​តឹម​ឞាន​មា​ឞូនុយ្ស​នតុង​ហាន់​នតុង​ឞូ។ នោក​នៃ​ត្រោក​មរា​លេក​លែៈ​ផ្យៅ​នអ៝ប់​មា​ទុត​នតែស ជេសរី​ទឹង​លែៈ​នតីល​នទើ​អុញ​មរា​ឆា​លែៈ​ផ្យៅ ជេសរី​នែស​នតូ នអ៝ប់​មា​ទឹង​លែៈ​នទើ​ឞូ​ជាន​តា​នែស​នតូ​នើស​ឞូ​មរា​ឆៃ​នហេល​នានេៈ​ងាន់ គៃ​មា​កោរាញ​ឞ្រាស​ផាត​ទោយ្ស។

II Pêtrôs 3:10 ပူးပေါင်းရင်းမြစ်များ

Nau Mprơ Ơm 102:26

Trôk neh mra rai lôch, ƀiălah Kôranh Brah ăt hôm n'ho ro; Khân păng mra mŭnh sat nâm bu kho ao. May mra tâm rgâl khân păng nâm bu du blah ao jêh ri bu mra tâm rgâl.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 97:5

Phung yôk lêk hoch nâm bu mpêt tanăp Brah Yêhôva, Tanăp Kôranh Brah ma lĕ rngôch neh ntu.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 24:19

Neh ntu bu mbang rai, Neh ntu hêk âk rngơl, Neh ntu n'gơ ktang ngăn.

Êsai 34:4

Lĕ rngôch phung mănh mbing tâm trôk mra rai lơi, Lĕ ndâr trôk mra klôn tay tâm ban ma klôt ndrom samƀŭt; Lĕ rngôch phung mănh mbing mra rai lĕ Tâm ban ma n'ha krăk ƀâu kro tŭp rŭng, Tâm ban ma n'ha rvi kro tŭp rŭng bơh tơm rvi.

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Yôel 1:15

Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 3:14

Mpôl bunuyh âk ngăn, n'hêl nanê̆ jêng âk râk ngăn Tâm rlŭng Nau Phat Dôih! Yorlah nar Brah Yêhôva dăch jêh Tâm rlŭng Nau phat dôih.

Amôt 9:13

Brah Yêhôva lah: “Aơ lĕ nar mra tât, tơlah nơm kai mra tĭng ban nơm rek, Nơm jot play krăk ƀâu tĭng ban nơm srih ntil. Phung yôk ăn truh ndrănh njŭng, Jêh ri ăp yôk mra hoch.

Amôt 9:5

Yorlah Kôranh Brah jêng Brah Yêhôva ma phung tahan, Nơm pah bi neh ntu jêh ri păng lêk hoch, Lĕ rngôch phung ƀon lan gŭ tâm păng mra nhĭm vơl; Lĕ bri dak mra hao lip ler nâm bu dak krong Nil Jêh ri djoh hŭch nâm bu dak krong n'gor bri Êjipt

Mika 1:4

Lĕ yôk mra lêk hoch tâm dâng Păng, Lĕ rlŭng mra đang Nâm bu jrêng sŭt gŭ panăp ŭnh, Nâm bu dak hoch jŭr sop.

Nahum 1:5

Yor tă Kôranh Brah, gôl yôk n'găr n'gơ, Lĕ yôk chah rai da dê; Tanăp măt Păng, rplay neh jêh ri neh ntu Nđâp ma lĕ rngôch phung ƀon lan gŭ ta klơ neh dâk da dê.

Malachi 4:5

Aơ, Gâp mra njuăl nơm mbơh lor Y-Êli văch ma khân may êlor tât nar Brah Yêhôva jêng toyh jêh ri klach hâu ngăn.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Markôs 13:31

Trôk neh ntu mra rlau lôch, ƀiălah lĕ nau Gâp ngơi mâu mra rlau lôch ôh.

Luka 12:39

Gĭt hom nau nây, tơlah du huê kôranh ngih gĭt moh mông bunuyh ntŭng văch, păng mâu mra ăn ôh bunuyh ntŭng lăp tâm ngih păng.

Samƀŭt Pôl Njuăl Ăn Ma Phung Nsing Ta Ƀon Rôm 8:20

Lĕ rngôch ndơ tâm dâng nau dơm dam, mâu di ŭch mĭn êng, ƀiălah yor Nơm ŭch khân păng gŭ tâm dâng, tâm nau kâp gân pô aơ

I Kôrintô 1:8

Brah Ndu mra djôt prăp khân may nâp tât lôch, gay ma mâu geh nau nduyh tâm nar Kôranh Brah he jêng Brah Yêsu Krist.

I Kôrintô 5:5

he jao bunuyh ƀư pônây ma brah Satan ƀư rai nglay săk păng, gay ma huêng păng dơi tâm rklaih tâm nar Kôranh Brah.

II Kôrintô 1:14

Nâm bu khân may gĭt rbăng jêh hên du kô̆: Hên jêng nau khân may tâm rnê, jêh ri hên geh nau tâm rnê yor khân may ta nar Kôranh Brah he jêng Brah Yêsu.

I Têsalônik 5:2

yorlah khân may nơm gĭt rah vah pô aơ nar Kôranh Brah mra tât nâm bu bunuyh ntŭng dôl măng.

I Têsalônik 5:4

Ƀiălah hơi phung oh nâu, khân may mâu gŭ ôh tâm nau ngo, kŏ tât Nar nây tât ndal ma khân may nâm bu nơm ntŭng.

II Pêtrôs 3:11

Yorlah lĕ rngôch ndơ nĕ mra rai lôch kơt nĕ, pôri ăn khân may gŭ rêh nau rêh kloh ueh jêh ri blau yơk

II Pêtrôs 3:12

dôl dŭh nuih n'hâm kâp gân ma nar Brah Ndu gơnh tât. Nar nĕ ndâr trôk mra geh ŭnh sa lĕ jêh ri roh rai, lĕ rngôch ndơ mra lêk hoch tâm ŭnh!

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.

Nau Tâm Mpơl 16:15

“Aơ, gâp văch nâm bu du huê bunuyh ntŭng, ueh maak yơh ma mbu nơm gŭ njrăng jêh ri mât mray ma kho ao păng nơm, gay ma lơi ăn păng rhôk, lơi ăn bu saơ nau bêk păng nơm!”

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

Nau Tâm Mpơl 21:1

Nôk nây gâp saơ trôk mhe jêh ri neh ntu mhe; yorlah trôk tal nguay jêh ri neh ntu tal nguay rlau lôch jêh, jêh ri mâu hôm geh dak mƀŭt đŏng.

Nau Tâm Mpơl 3:3

Kah gĭt tay hom moh nau may dơn jêh ri tăng; djôt prăp hom jêh ri rmal hom nau tih. Tơlah may mâu rngeh njrăng Gâp mra văch nâm bu du huê nơm ntŭng; jêh ri may mâu mra gĭt ôh moh mông Gâp văch ƀât lât ta may.

Nau Tâm Mpơl 6:14

Trôk roh lĕ nâm bu ndrom samƀŭt bu klôn, lĕ rngôch yôk, lĕ rngôch kôdak trơn du bơh ntŭk ơm khân păng nơm.