II Pêtrôs 2:9 - Nau Brah Ndu Ngơi 2023

⁹ pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

Bunong Bible Latin Script Cambodian dialect

⁹ Kơt ndri Kôranh Brah blao ƀơk lơi, ăn klaih bơh nau jêr nau ndơm ma phung i tâng iăt nau Păng, yơn ma phung djơh Păng krŭng lơi ma tê̆ dôih ta nar Păng phat dôih ri tay.

Bunong

⁹ កើត​នទ្រី​កោរាញ​ឞ្រាស​ឞ្លាវ​បើក​លើយ អ៝ន់​ក្លាយ្ស​ឞើស​នាវ​ជេរ​នាវ​នទើម​មា​ផូង​អី​តឹង​អ្យាត់​នាវ​ពាង់ យើន​មា​ផូង​អ្យើស​ពាង់​ក្រុង​លើយ​មា​តេៈ​ទោយ្ស​តា​នារ​ពាង់​ផាត​ទោយ្ស​រី​តៃ។

II Pêtrôs 2:9 ပူးပေါင်းရင်းမြစ်များ

Ndrom Samƀŭt bơh Yôp 21:30

‘Tâm nar rêh ni phung ƀai dơi klaih bơh nau mhĭk tât, Jêh ri tâm nar geh nau ji nuih mâm păng dơi klaih săk jăn’?

Ndrom Samƀŭt bơh Yôp 5:19

Păng mra rklaih may bơh prao ntil nau rêh ni, Nđâp ma pơh ntil, nau mhĭk mâu lĕ hôm tât ma may.

Nau Mprơ Ơm 12:1

Hơi Brah Yêhôva! Dăn rklaih hên yorlah bunuyh klach yơk mâu hôm geh đŏng ôh, Bunuyh răp jăp hŏ du roh jêh ta bơh phung kon bunuyh.

Nau Mprơ Ơm 32:6

Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 37:33

Ƀiălah Brah Yêhôva mâu ăn bunuyh nây tâm ti păng, Mâu lĕ ăn bu kơp păng tih tơlah bu djôt hăn phat dôih.

Nau Mprơ Ơm 4:3

Khân may mra gĭt Brah Yêhôva hŏ prăp êng jêh bunuyh blau yơk ma Păng. Tơlah gâp kuăl mbơh sơm, Brah Yêhôva mra iăt nau gâp.

Nau Hôr 12:13

Phung ƀai geh dăk yor nau tih bâr mbung, Bi ma phung sŏng srăng klaih bơh nau rêh ni.

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Mathay 10:15

Nanê̆, Gâp lah ma khân may, tât nar phat dôih, ƀon Sôdôm jêh ri ƀon Gômôrơ mra geh nau tâm rmal n'gơch lơn ma ƀon nây.”

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

II Timôthê 3:12

Nanê̆ ngăn, mbu nơm ŭch gŭ rêh nau rêh klach yơk tâm Brah Yêsu Krist mra dơn nau bu ƀư mhĭk.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

II Pêtrôs 2:4

Yorlah tơlah Brah Ndu mâu yô̆ an ma phung tông mpăr nôk khân păng ƀư tih, ƀiălah klŭp lơi khân păng tâm ndrung ŭnh jêh ri krŭng prăp tâm ntŭk ngo ngăn gay gŭ kâp tât nar phat dôih;

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.

Nau Tâm Mpơl 3:10

Yorlah may djôt prăp jêh nau Gâp ntĭm nti ma nau srôih, Gâp ăt mra djôt prăp may bơh mông rlong uănh, jêng mông dăch tât tâm lam neh ntu, gay rlong uănh phung bunuyh gŭ tâm neh ntu.

I Samuel 29:10

Yor ri, may jêh ri phung oh mon kôranh may hŏ hăn tĭng may, dâk ơm hom; di ngăn, dâk ơm hom jêh ri lah trôk ang, hăn du luh hom.”