II Pêtrôs 2:7 - Nau Brah Ndu Ngơi 2023

⁷ jêh ri tơlah Păng tâm rklaih Y-Lot, jêng nơm sŏng srăng rngot ngăn ma nau gŭ rêh blă blơ phung bunuyh mâu ƀư tĭng nau vay

Bunong Bible Latin Script Cambodian dialect

⁷ Yơn ma Kôranh Brah lĕ rklaih du huê bu klô rnha Lŭt i bunuyh sŏng, i bunuyh rngot ngăn ta nuih n'hâm yor ma say bunuyh ta nôk nây jan djơh nâng ăp nar, tâm dŏng ăp ntil.

Bunong

⁷ យើន​មា​កោរាញ​ឞ្រាស​លែៈ​រាក្លាយ្ស​ទូ​ហ្វេ​ឞូ​ក្លោ​រាញា​លុត  ​អី​ឞូនុយ្ស​ឆ៝ង់ អី​ឞូនុយ្ស​រាង៝ត​ងាន់​តា​នូយ្ស​នហ៝ម់​យ៝រ​មា​ឆៃ​ឞូនុយ្ស​តា​នោក​នៃ​ជាន​អ្យើស​នឹង​អាប់​នារ តឹម​ទ៝ង់​អាប់​នតីល។

II Pêtrôs 2:7 ပူးပေါင်းရင်းမြစ်များ

Nau Ntơm 13:13

Phung bunuyh Sôdôm djơh mhĭk ngăn jêh ri ƀư tih toyh đah Brah Yêhôva.

Nau Ntơm 19:16

Yor nau yô̆ nđach Brah Yêhôva rĭ dĭng tâm nôk Y-Lot hôm bem ir, bar hê tông mpăr hŏ kuăn ti mphâk păng, ur păng jêh ri bar hê phung kon bu ur păng du luh bơh ƀon nây.

Nau Ntơm 19:22

Nchuăt hom gơnh oi du krap ta nây, yorlah gâp mâu dơi ƀư ôh lah may ê hŏ tât ta nây.” Yor nây, ƀon aơ bu rnha ƀon Sôar.

Nau Ntơm 19:29

Nôk Brah Ndu ƀư rai lĕ ƀon tâm neh lâng, ntŭk Y-Lot dôl gŭ, Păng kah gĭt ma Y-Abraham rĭ dĭng hŏ rklaih jêh Y-Lot du luh bơh nau ƀư rai nây.

Nau Ntơm 19:5

Khân păng kuăl Y-Lot jêh ri ôp: “Hŏ phung bu năch lăp tâm ngih may măng aơ? Leo hom khân păng tât ta aơ gay hên sông sa bê̆ch ndrel ma khân păng.”

Nau Mprơ Ơm 120:5

Rêh ni ngăn ma gâp! Yor gâp gŭ ta neh Mêsek Jêh ri gŭ tâm dâng lĕ vâl bok n'gor Kêdar!

Yêrêmi 23:9

Ma lĕ nơm mbơh lor: Nuih n'hâm gâp lĕ nchah rai; Nting nđăng Gâp lêt rgănh; Gâp nâm bu bunuyh nhŭl ndrănh, Nâm bu bunuyh nhŭl ndrănh hâu ngăn yor ndrănh, Yor Brah Yêhôva Yor lĕ rngôch nau kloh ueh Păng.

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

II Pêtrôs 2:18

Yorlah khân păng ngơi lĕ nau ngơi hưn mâu jêng khlay ôh, dŏng lĕ nau kơnh ŭch nglay săk gay ndơm phung bunuyh mhe klaih bơh ti phung gŭ rêh tâm nau vĭ nhhơt.

II Pêtrôs 2:2

Âk bunuyh mra hăn tĭng trong nau tih mhĭk khân păng; yorlah khân păng yơh bu ngơi djơh ma trong nau ngăn.

II Pêtrôs 3:17

Hơi phung gâp rŏng, khân may gĭt jêh lor nau aơ; pôri, njrăng hom, klach lah phung djơh mhĭk nây têk leo khân may tĭng nau vĭ nhhơt khân păng, jêh ri khân may roh nau nâp.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.