II Pêtrôs 2:6 - Nau Brah Ndu Ngơi 2023

⁶ tơlah Păng tâm rmal lĕ ƀon Sôdôm jêh ri ƀon Gômôrơ, ƀư ăn khân păng jêng mbŭch ŭnh buh gay ƀư leo trong ma phung bunuyh ŭch gŭ rêh mâu geh nau rêh;

Bunong Bible Latin Script Cambodian dialect

⁶ Lŏng ƀon Sôđŭm, ndrel ma ƀon Kômôra Kôranh Brah lĕ tê̆ dôih đŏng, ăn lêk jêng ŭnh buh, i nây jêng nau ntât, Păng ŭch nhhơ moh mra geh ta bunuyh djơh ta nar jât năp tay.

Bunong

⁶ ល៝ង់​ប៝ន​ឆោដុម  នទ្រែល​មា​ប៝ន​កោមោរា  ​កោរាញ​ឞ្រាស​លែៈ​តេៈ​ទោយ្ស​ដ៝ង់ អ៝ន់​លេក​ជេង​អុញ​ឞុស អី​នៃ​ជេង​នាវ​នតឹត ពាង់​អុច​ញហើ​ម៝ស​មរា​គែស​តា​ឞូនុយ្ស​អ្យើស​តា​នារ​ជឹត​នាប់​តៃ។

II Pêtrôs 2:6 ပူးပေါင်းရင်းမြစ်များ

Nau Ntơm 19:28

Păng uănh mpeh ma Sôdôm jêh ri Gômôrơ, jêh ri lam n'gor neh lâng, păng saơ nhhŭk ŭnh bơh neh hao klơ tâm ban ma nhhŭk du mlâm ŭnh năk toyh ngăn.

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 13:19

Babilôn jêng nau chrêk rmah ma lĕ rngôch bri hađăch, Jêng nau hưn n'glưh ma phung Kaldê, Mra jêng tâm ban ma Sôdôm jêh ri Gômôrơ, Lah Brah Ndu nklơ̆ rlă khân păng.

Yêrêmi 50:40

Brah Yêhôva lah: “Nâm bu rnôk Brah Ndu ƀư rai ma ƀon Sôdôm, Gômôrơ jêh ri ƀon chiau meng, mâu mra geh bunuyh gŭ rêh, mâu lah du huê bunuyh hăn tât gŭ ta nây đŏng ôh.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Amôt 4:11

“Gâp hŏ ƀư rai ƀaƀă tâm phung khân may Nâm bu Brah Ndu ƀư rai Sôdôm jêh ri Gômôrơ Jêh ri khân may nâm bu rlŭt ŭnh bu rhuăt bơh ntŭk ŭnh sa, Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah.

Sôphôni 2:9

Yor nây, Brah Yêhôva ma phung tahan, Jêng Brah Ndu phung Israel lah pô aơ: “N'hêl nanê̆ tĭng nâm Gâp gŭ rêh mro mrăng! Môap mra jêng tâm ban Sôdôm Jêh ri phung ƀon lan Ammôn mra jêng tâm ban Gômôrơ; Khân păng mra jêng du ntŭk bêng ma pôm lok, Du ntu boh, du ntŭk rngol n'ho ro. Phung ƀon lan Gâp hôm e gŭ rêh mra ntŭng pit ƀư rai lơi khân păng, Phung ƀon lan Gâp hôm klen mra pit in bri neh khân păng ƀư drăp ndơn.”

Nau Kơp Bunuyh 16:38

Bi lĕ khăl gŭch ƀâu kah phung bunuyh ƀư tih jêh ri kŏ tât roh nau rêh khân păng; pôri ăn bu chiăr jêng lĕ pŏk n'hơ gay nkŭm nơng ƀư brah, yorlah lĕ khăl gŭch ƀâu kah nây hŏ nhhơr panăp Brah Yêhôva jêh ri jêng kloh ueh jêh. Pôri khân păng jêng du ndơ tâm mbên ma phung ƀon lan Israel.”

Nau Kơp Bunuyh 26:10

Neh hŏ hă mbung rvăn bar hê khân păng ndrel ma Y-Kôra, lĕ bunuyh hăn tĭng khân păng khĭt da dê, tơlah dôl ŭnh sa bar rhiăng prăm jât bunuyh. Khân păng dơi jêng du nau ngơi nkah ma phung ƀon lan.

Mathay 10:15

Nanê̆, Gâp lah ma khân may, tât nar phat dôih, ƀon Sôdôm jêh ri ƀon Gômôrơ mra geh nau tâm rmal n'gơch lơn ma ƀon nây.”

Mathay 11:23

Bi may, ƀon Kapernum, bu n'hao jêh may tât ta klơ trôk? Mâu, may mra ntrŭnh tâm dâng tât ta ƀon phung khĭt. Yorlah nau mbên khlay ƀư jêh ta nklang may, tơlah nau nây dơi ƀư ta ƀon Sôdôm ƀon nây ăt hôm tât ta nar aơ.

Samƀŭt Pôl Njuăl Ăn Ma Phung Nsing Ta Ƀon Rôm 9:29

Y-Êsai hŏ mbơh lor jêh pô aơ: “Tơlah Kôranh Brah phung tahan mâu rong ma he bunuyh thoi noi deh, Pôri he hŏ jêng nâm bu ƀon Sôdôm jêh ri tâm ban ma ƀon Gômôrơ.”

I Kôrintô 10:11

Lĕ rngôch nau nây tât geh ma khân păng nâm bu du nau nti, jêh ri bu nchih jêh gay lah lor ma he jêng phung gŭ êp nar dăch lôch.

Nau Vay Nkah Tay 29:23

Tâm lam n'gor knŏng jêng ndrêch gơ̆ kro ŭnh de sa đah lŭ mô ŭnh jêh ri boh, mâu geh tuch tăm, mâu lŏ kan, mâu geh tơm si chăt nkŭr, mâu geh hon gơ̆, tâm ban ma nau ƀư rai ta ƀon Sôdôm, Gômôrơ, Adma, jêh ri Sêbôim jêng lĕ ƀon Brah Yêhôva ƀư rai jêh tâm nau ji nuih klach krit ngăn bơh Păng.

ហេឞ្រើ 4:11

Yor nây, ăn he nsrôih hăn lăp tâm nau rlu aơ, gay mâu geh du huê tâm he tŭp yor tĭng nơm leo trong mâu tông bâr.

Yuđas 1:15

gay ƀư nau phat dôih ma lĕ rngôch bunuyh, jêh ri tâm rmal lĕ rngôch phung mâu yơk ma lĕ nau mâu yơk khân păng ƀư tih jêh, jêh ri ma lĕ nau ngơi sưr bơh phung tih mâu yơk hŏ lah jêh tâm rdâng đah Păng.”

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.