II Pêtrôs 2:4 - Nau Brah Ndu Ngơi 2023

⁴ Yorlah tơlah Brah Ndu mâu yô̆ an ma phung tông mpăr nôk khân păng ƀư tih, ƀiălah klŭp lơi khân păng tâm ndrung ŭnh jêh ri krŭng prăp tâm ntŭk ngo ngăn gay gŭ kâp tât nar phat dôih;

Bunong Bible Latin Script Cambodian dialect

⁴ Bol lah phung tông păr i lĕ jan tih kăl e nơh, Kôranh Brah kŏ mâu yô̆ đŏng, Kôranh Brah nklăch khân păng ta ntu brŏng dŭt ngo, kât krŭng khân păng ta ntŭk nây gŭ kŏp tât nar Kôranh Brah phat dôih tay.

Bunong

⁴ ឞ៝ល​លាស​ផូង​តោង​ពារ់​អី​លែៈ​ជាន​តីស​កាល់​អែ​នើស កោរាញ​ឞ្រាស​ក៝ៈ​មោ​យោៈ​ដ៝ង់ កោរាញ​ឞ្រាស​ងក្លាច់​ខាន់​ពាង់​តា​នតូ​ឞ្រ៝ង់​ទុត​ង៝ ក៝ត់​ក្រុង​ខាន់​ពាង់​តា​នតុក​នៃ​គុ​ក៝ប់​ត៝ត់​នារ​កោរាញ​ឞ្រាស​ផាត​ទោយ្ស​តៃ។

II Pêtrôs 2:4 ပူးပေါင်းရင်းမြစ်များ

Ndrom Samƀŭt bơh Yôp 21:30

‘Tâm nar rêh ni phung ƀai dơi klaih bơh nau mhĭk tât, Jêh ri tâm nar geh nau ji nuih mâm păng dơi klaih săk jăn’?

Ndrom Samƀŭt bơh Yôp 4:18

Nđâp ma phung oh mon Păng, Păng kŏ mâu rnơm đŏng, Tông mpăr Păng, Păng hôm e nduyh nau tih;

Nau Mprơ Ơm 78:50

Păng pơk trong ma nau Păng ji nuih; Mâu yô̆ ôh ma khân păng bơh nau khĭt, Ƀiălah jao nau rêh khân păng ma nau ji tưp.

Êsai 14:12

Hơi mănh mbing ôi, kon bu klâu ƀhit rvi ang, Mâm ƀư may tŭp jêh tă bơh trôk! Hơi nơm ƀư rai lĕ bri dak, Mâm ƀư bu n'glưh lơi may ta neh!

Êsêkiêl 5:11

Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.

Êsêkiêl 7:4

Măt Gâp uănh mâu nhhuach ôh ma may, Gâp mâu mra geh nau yô̆ ma may; ƀiălah Gâp mra mplơ̆ ma may tĭng nâm trong may hăn, jêh ri ntil nau ƀơ̆ ƀơch may mra gŭ ta nklang may. Rnôk aơ, khân may mra gĭt Gâp jêng Brah Yêhôva.’

Êsêkiêl 7:9

Măt Gâp uănh mâu nhhuach ôh ma may, mâu lĕ yô̆ ôh ma may. Gâp mplơ̆ ma may tĭng trong may hăn jêh ri lĕ nau ƀơ̆ ƀơch may mra gŭ ta nklang may. Rnôk nây, khân may mra gĭt Gâp yơh, Brah Yêhôva, jêng Nơm tâm rmal.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Mathay 8:29

Khân Păng lŭng nter: “Ơ Kon Brah Ndu, moh nau hên geh đah May? Di lĕ May tât ta aơ ŭch tâm rmal hên êlor tât nar tâm nal?”

Markôs 5:7

jêh ri kuăl huy: “Ơ Brah Yêsu, Kon Brah Ndu Nơm Dŭt Prêh, moh nau gâp geh đah May? Tâm amoh Brah Ndu gâp vơh vơl ma May lơi ƀư mhĭk ma gâp ôh.”

Luka 10:18

Brah Yêsu lah ma khân păng: “Gâp saơ jêh Satan tŭp tă bơh trôk tâm ban ma lơp nglaih.

Luka 8:31

Phung brah mhĭk vơh dăn Brah Yêsu mprơh khân păng jŭr brŏng jru.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Samƀŭt Pôl Njuăl Ăn Ma Phung Nsing Ta Ƀon Rôm 11:21

Yorlah tơlah Brah Ndu mâu nhhuach ma đơ n'gĭng păng nơm, Păng mâu đŏng nhhuach ma may ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

Nau Vay Nkah Tay 29:20

Brah Yêhôva mâu mra yô̆ an ôh ma păng nây, ƀiălah nau ji nuih jêh ri nau ntôn bơh Brah Yêhôva mra su bunuyh nây. Lĕ rngôch nau rak rtăp hŏ nchih jêh tâm ndrom samƀŭt aơ mra nkhŭt ta păng jêh ri Brah Yêhôva mra jut lơi amoh păng bơh tâm neh ntu aơ.

II Pêtrôs 2:11

tâm nôk phung tông mpăr, nđâp lah geh nau ktang jêh ri nau brah lơn, mâu đŏng geh nau ngơi djơh gay phong ma phung toyh nĕ tanăp Kôranh Brah.

II Pêtrôs 2:5

tơlah Păng mâu yô̆ an ma neh ntu kăl e, ƀiălah ăn dak lêng toyh ƀư rai neh ntu mâu chroh nây, knŏng prăp Y-Nôê, bunuyh mbơh nkoch ma nau sŏng srăng, jêh ri pơh nuyh êng;

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.

Yuđas 1:13

Khân păng tâm ban rbuh dak mƀŭt ma nau ktang, luh mpŭnh nau ƀơ̆ ƀơch khân păng nơm; khân păng nâm bu lĕ mănh mbing nhhơt, nau ngo vêt vê prăp ma khân păng n'ho ro.

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.

Nau Tâm Mpơl 20:10

Bi brah mhĭk jêng nơm ndơm mƀruh khân păng bu klŭp mƀăr păng lăp nglao ŭnh geh mô ŭnh, Ta nây geh mpô mpa dŭt janh jêh ri nơm mbơh lor nklă gŭ jêh. Khân păng geh nau rêh ni măng nâm nar ma tât n'ho ro.