II Pêtrôs 2:3 - Nau Brah Ndu Ngơi 2023

³ Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.

Bunong Bible Latin Script Cambodian dialect

³ Khân păng kơnh ma prăk hô ngăn, jêh ri mƀrôh, gay ma geh prăk khân ay may. Kăl e nơh Kôranh Brah lĕ ơm mbơh nkoch nau tê̆ dôih khân păng, jêh ri nau lơh hêng lơi khân păng mâu ôh kŏp jŏ.

Bunong

³ ខាន់​ពាង់​កើញ​មា​ព្រាក់​ហោ​ងាន់ ជេសរី​មរោស គៃ​មា​គែស​ព្រាក់​ខាន់​អៃ​មៃ។ កាល់​អែ​នើស​កោរាញ​ឞ្រាស​លែៈ​អើម​មឞើស​ងក៝ច​នាវ​តេៈ​ទោយ្ស​ខាន់​ពាង់ ជេសរី​នាវ​លើស​ហេង​លើយ​ខាន់​ពាង់​មោ​អោស​ក៝ប់​ជ៝ៈ។

II Pêtrôs 2:3 ပူးပေါင်းရင်းမြစ်များ

Ndrom Samƀŭt bơh Yôp 6:27

Khân may tâm nchroh tâm pă phung kon đơi, Tăch nđâp ma mĭt jiăng khân may.

Nau Mprơ Ơm 18:44

Tơlah tăng nkoch bri ma gâp, khân păng hŏ tông bâr jêh; Phung bu năch mra jan lah yơk panăp gâp.

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Nau Mprơ Ơm 81:15

Phung tâm rmot ma Yêhôva mra pah kan ma Păng Bi ma phung ƀon lan Gâp mra hôm e n'ho ro.

Êsai 5:19

Khân păng lah: “Dăn ƀư ndal jêh ri ƀư gơnh nau kan Păng, Gay ma hên dơi saơ! Dăn nau dăp dơm Nơm Kloh Ueh Israel dơi ƀư, dơi jêng Gay ma hên dơi gĭt!”

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Êsai 60:22

Nơm djê̆ lơn mra geh rbăn phung kon sau, Nơm rdja lơn mra jêng du mpôl băl bunuyh ktang. Gâp jêng Brah Yêhôva, Gâp mra ƀư gơnh nau nây di nau tâm nal!

Yêrêmi 6:13

“Yorlah ntơm bơh bunuyh dŭt jê̆ tât ma nơm toyh, Lĕ rngôch kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Habakuk 3:3

Brah Ndu văch tă bơh bri Têman Nơm Kloh Ueh văch tă bơh yôk Paran. Nau chrêk ma lơp Păng nkŭm lĕ ndâr trôk, Nau tâm rnê Păng nter huy lam neh ntu. (Sêla)

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Luka 18:8

Gâp lah ma khân may, Păng mra gơnh ro phat dôih sŏng ma khân păng. Ƀiălah tơlah Kon Bunuyh văch, Păng hôm saơ nau chroh ta klơ neh ƀơh?”

Luka 20:20

Pôri, khân păng uănh nđôi Brah Yêsu jêh ri njuăl phung uănh n'hut n'hi săk ƀư bunuyh sŏng, ŭch ngơi ƀrôk Păng tâm nau Păng ngơi, gay jao Păng ma phung kôranh chiă uănh jêh ri ma kôranh toyh chiă uănh.

Luka 22:47

Dôl Păng hôm ngơi, aơ, geh du phung âk tât, Y-Yuđas, du huê tâm jât ma bar kôranh oh mon, hăn panăp phung âk nây. Păng hăn dăch Brah Yêsu gay ma chŭm Păng.

Yôhan 2:16

Brah Yêsu lah ma phung bunuyh tăch plŭk pô aơ: “Mƀăr lơi hom lĕ ndơ aơ bơh aơ, lơi ƀư ngih Mbơ̆ Gâp jêng ngih tăch drăp.”

Samƀŭt Pôl Njuăl Ăn Ma Phung Nsing Ta Ƀon Rôm 16:18

Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

Nau Vay Nkah Tay 24:17

Khân may mâu dơi ôh gŭ ngao mâu sŏng đah nơm gŭ njưh ƀât lât mâu lah kon se kon đơi, jêh ri kŏ mâu đŏng sŏk bok ao bu ur ndrô jêng ndơ nchăm.

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

I Têsalônik 2:5

Yorlah khân may gĭt, jêh ri geh Brah Ndu jêng nơm mbơh, hên mâu mâp ôh dŏng lĕ nau ngơi ueh rlau keh ir, mâu lah ƀư kan yor ma nau kơnh drăp ndơ;

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

I Timôthê 3:8

Ăn phung bunuyh kơl kan gŭ ngao ueh, mâu ngơi ôh bar bâr, mâu vay nhêt ndrănh, mâu hưp ndơ tâm nau ƀư djơh,

I Timôthê 6:5

nau tâm djrel mro mrăng ta nklang phung bunuyh geh nau mĭn mhĭk, lơh roh nau ngăn, uănh nau klach yơk tâm ban nau gay ma sŏk drăp nkhôm.

Titus 1:11

Yor ma drăp ndơ jê̆ jănh, khân păng hŏ ƀư lĕ nau mâu dơi nti, nau ƀư rai lĕ rnăk vâl bunuyh ƀa bă.

Titus 1:7

Yorlah jêng nơm mât uănh ngih Brah Ndu, kôranh chiă uănh jêng bunuyh mâu geh ôh nau nduyh; bunuyh nây mâu sưr rlau, mâu gơnh nuih, mâu vay nhêt ndrănh, mâu janh ƀai jêh ri mâu lah hưp ndơ mâu di;

I Pêtrôs 2:8

jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.

I Pêtrôs 5:2

Chiăp hom phung biăp Brah Ndu jao jêh ma khân may, mâu di yor ma nau nchâp ôh, ƀiălah ŭch nđơr êng, mâu di yor ma drăp ndơ nkhôm mâu khlay ôh ƀiălah ma lĕ nuih n'hâm nđơr,

II Pêtrôs 1:16

Nôk nkoch mbơh ma khân may gĭt nau brah jêh ri nau plơ̆ văch Kôranh Brah he jêng Brah Yêsu Krist, hên mâu nsing tâm lĕ nau mbơh nkoch ơm dŭt blau nau nklă, ƀiălah hên saơ jêh nau chrêk rmah Păng ma măt hên nơm.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.

Yuđas 1:15

gay ƀư nau phat dôih ma lĕ rngôch bunuyh, jêh ri tâm rmal lĕ rngôch phung mâu yơk ma lĕ nau mâu yơk khân păng ƀư tih jêh, jêh ri ma lĕ nau ngơi sưr bơh phung tih mâu yơk hŏ lah jêh tâm rdâng đah Păng.”

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.