II Pêtrôs 2:19 - Nau Brah Ndu Ngơi 2023

¹⁹ Khân păng ton djôt leo nau kon me tât ma bunuyh êng, ƀiălah khân păng nơm ƀư dĭk ma nau djơh mhĭk; yorlah moh ntil dơi lơh du huê bunuyh pôri bunuyh nây plơ̆ jêng dĭk ma ntil nây.

Bunong Bible Latin Script Cambodian dialect

¹⁹ Khân păng lah ma mpôl i nây: “Lah khân ay may jan tâng nau hên dja, mâu ôh khăch jan tâng nau bu đă bu buay tâm ban ma jan dâk ma nau đă buay i nây, dah nơm ŭch jan hŏ” tih ma khân păng nơm jêng tâm ban ma dâk ma nau tih chrao mâu hôm ôh blao bah jan tih, yorlah bunuyh jêng tâm ban ma dâk ma dâng lĕ nau i geh nau dơi ma păng nơm.

Bunong

¹⁹ ខាន់​ពាង់​លាស​មា​មពោល​អី​នៃ៖ “លាស​ខាន់​អៃ​មៃ​ជាន​តឹង​នាវ​ហេន​អ្យា មោ​អោស​ខាច់​ជាន​តឹង​នាវ​ឞូ​ដាៈ​ឞូ​ឞ្វៃ​តឹម​ឞាន​មា​ជាន​ទឹក​មា​នាវ​ដាៈ​ឞ្វៃ​អី​នៃ ទាស​នើម​អុច​ជាន​ហ៝ៈ” តីស​មា​ខាន់​ពាង់​នើម​ជេង​តឹម​ឞាន​មា​ទឹក​មា​នាវ​តីស​ច្រាវ​មោ​ហោម​អោស​ឞ្លាវ​ឞាស​ជាន​តីស យ៝រ​លាស​ឞូនុយ្ស​ជេង​តឹម​ឞាន​មា​ទឹក​មា​ទឹង​លែៈ​នាវ​អី​គែស​នាវ​ទើយ​មា​ពាង់​នើម។

II Pêtrôs 2:19 ပူးပေါင်းရင်းမြစ်များ

Êsai 28:1

Rêh ni ngăn ma đon hađăch sưr phung mơng nhêt ndrănh ta bri Êphraim, Rêh ni ngăn ma rvang kao gơnh nhop, jêng ndơ nkrơ̆ khlay prăk Ma ƀon toyh ta klơ kô yôk rlŭng jêng ngăn, ma phung vay nhŭl ndrănh!

Yêrêmi 23:9

Ma lĕ nơm mbơh lor: Nuih n'hâm gâp lĕ nchah rai; Nting nđăng Gâp lêt rgănh; Gâp nâm bu bunuyh nhŭl ndrănh, Nâm bu bunuyh nhŭl ndrănh hâu ngăn yor ndrănh, Yor Brah Yêhôva Yor lĕ rngôch nau kloh ueh Păng.

Kan Lêvi 13:8

Kôranh ƀư brah mra sek uănh păng tay, tơlah nau ok eh nây jêng bĭk jêh tâm ntâu kôranh ƀư brah sâm mbơh ma păng jêng ƀơ̆ ƀơch, yor nây jêng nau ji phŭng.

Yôhan 8:34

Brah Yêsu plơ̆ lah: “Nanê̆ ngăn, Gâp lah ngăn ma khân may, mbu nơm ƀư tih jêng dĭk ma nau tih.

Kôranh Oh Mon 19:16

Bunuyh brah mhĭk lơh nchuăt ran ta khân păng, rduh lăp jêh ri dơi ƀư ma phung khân păng kŏ tât khân păng nchuăt du tă bơh ngih, rhôk rhak jêh ri sôt găt da dê.

Galati 5:1

Brah Krist hŏ tâm rklaih jêh gay he geh nau kon me. Pôri dâk nâp hom, lơi dơm khân may nơm tâm dâng mbăk jêng dĭk du tơ̆ tay đŏng.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

II Timôthê 2:26

jêh ri kah gĭt gay klaih bơh dăk brah mhĭk sân, yorlah brah mhĭk nhŭp kât khân păng gay ƀư tĭng nau păng ŭch.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

I Pêtrôs 2:16

Jêng oh mon Brah Ndu, khân may gŭ rêh hom tâm ban ma phung bunuyh kon me, ƀiălah mâu dŏng ôh nau kon me khân may nơm ƀư bok nkŭm nau djơh mhĭk.

II Pêtrôs 1:4

Tă bơh nau chrêk rmah jêh ri nau ueh nây, Păng ăn jêh ma he lĕ nau ton toyh jêh ri dŭt khlay, gay tă bơh nĕ khân may dơi der luh bơh nau djơh mhĭk tâm neh ntu tă bơh nau kơnh mhĭk, jêh ri plơ̆ jêng bunuyh geh kô̆ tâm nau ŭch ta klơ trôk.

II Pêtrôs 2:20

Yorlah tơlah ma nau gĭt năl Kôranh Brah jêh ri Nơm Tâm Rklaih he jêng Brah Yêsu Krist, khân păng klaih bơh nau ƀơ̆ ƀơch tâm neh ntu, ƀiălah aƀaơ ri lŏ geh nau têk leo jêh ri plơ̆ lăp tâm dâng lĕ nau nây du tơ̆ đŏng, pôri tâm nau nglĕ dŭt khân păng mra mhĭk lơn rnôk dak bôk.