II Pêtrôs 1:9 - Nau Brah Ndu Ngơi 2023

⁹ Yorlah mbu nơm pưt lĕ nau nĕ jêng bunuyh uănh ngai mâu saơ, bunuyh chieh măt, chuêl ma păng nơm geh jêh nau ƀư kloh bơh lĕ nau tih ơm.

Bunong Bible Latin Script Cambodian dialect

⁹ Yơn ma bu moh i mâu geh ôh dâng lĕ nau i nây, păng i nây jêng tâm ban ma bunuyh cheh măt, uănh ngai mâu ôh say, jêh ri lĕ chuêl nau Kôranh Brah jut ăn kloh nau tih i păng lĕ jan ê lor ma sât nsing nơh.

Bunong

⁹ យើន​មា​ឞូ​ម៝ស​អី​មោ​គែស​អោស​ទឹង​លែៈ​នាវ​អី​នៃ ពាង់​អី​នៃ​ជេង​តឹម​ឞាន​មា​ឞូនុយ្ស​ចែស​មាត់ អ្វាញ់​ងាយ​មោ​អោស​ឆៃ ជេសរី​លែៈ​ច្វេល​នាវ​កោរាញ​ឞ្រាស​ជូត​អ៝ន់​ក្ល៝ស​នាវ​តីស​អី​ពាង់​លែៈ​ជាន​អេ​ល៝រ​មា​ឆឹត​ញឆីង​នើស។

II Pêtrôs 1:9 ပူးပေါင်းရင်းမြစ်များ

Kan Lêvi 13:55

Lah bu pih jêh ndơ nây, kôranh ƀư brah mra sek uănh tay, tơlah têl nây mâu rgâl ôh, nđâp lah nau têl mbrĭng mâu jêng bĭk ôh, ndơ nây jêng ƀơ̆ yơh; ăn phung kon su păng tâm ŭnh, nđâp lah têl mbrĭng sa ta ndŭr kơi mâu lah panăp.

Markôs 10:21

Brah Yêsu uănh ma păng ma nau rŏng jêh ri lah: “May hôm pưt du ntil. Hăn hom, tăch lĕ rngôch ndơ may geh jêh ri tâm pă ma phung o ach, jêh nây may mra geh jay ndơ khlay klơ trôk; jêh nây văch hom tĭng Gâp.”

Luka 18:22

Tơlah Brah Yêsu tăng nau nây, Păng lah: “May hôm pưt du ntil: Tăch hom lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk, jêh nây văch hom tĭng Gâp.”

Samƀŭt Pôl Njuăl Ăn Ma Phung Nsing Ta Ƀon Rôm 6:11

Pôri, khân ay may kơp hom khân may nơm khĭt jêh đah nau tih jêh ri dôl gŭ rêh ma Brah Ndu tâm Yêsu Krist.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

Nau Tâm Mpơl 3:17

May lah: ‘Gâp ndrŏng, gâp geh âk drăp ndơ, gâp mâu pưt ndơ ôh.’ Ƀiălah may mâu gĭt ma may nơm geh nau rêh ni, yô̆ nđach ngăn, o ach, chieh măt jêh ri rhôk.