II Pêtrôs 1:21 - Nau Brah Ndu Ngơi 2023

²¹ yorlah mâu geh du ntil nau mbơh lor luh tă bơh bunuyh mĭn, ƀiălah Brah Huêng Ueh sŭk nsôr khân păng ngơi nau luh bơh Brah Ndu.

Bunong Bible Latin Script Cambodian dialect

²¹ yorlah dâng lĕ nau ntơyh i lôh bơh mpôl bunuyh ntơyh nau ngơi Kôranh Brah, mâu ôh di lôh tă bơh nuih n'hâm bunuyh, jêng lôh tă bơh Brah Huêng Ueh i kloh ueh nsŭk nsôr nuih n'hâm khân păng i nây.

Bunong

²¹ យ៝រ​លាស​ទឹង​លែៈ​នាវ​នតើយ្ស​អី​លោស​ឞើស​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស មោ​អោស​ទី​លោស​តាៈ​ឞើស​នូយ្ស​នហ៝ម់​ឞូនុយ្ស ជេង​លោស​តាៈ​ឞើស​ឞ្រាស​ហ្វេង​អ្វែស​អី​ក្ល៝ស​អ្វែស​ញឆុក​ញឆោរ​នូយ្ស​នហ៝ម់​ខាន់​ពាង់​អី​នៃ។

II Pêtrôs 1:21 ပူးပေါင်းရင်းမြစ်များ

II Samuel 23:2

Huêng Brah Yêhôva ăn ma gâp nau ngơi Păng, Jêh ri nau Păng ngơi gŭ ta mpiăt gâp.

I Phung Hađăch 13:1

Nôk nây, tĭng nâm nau Brah Yêhôva ntăm, geh du huê bunuyh Brah Ndu luh bơh Yuđa hăn tât ta Bêthel tâm nôk Y-Jêrôbôam dâk dăch nơng ƀư brah gay su ndơ ƀâu kah.

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

I Phung Hađăch 17:24

Bu ur nây lah ma Y-Êli: “Aƀaơ aơ gâp gĭt ngăn ma may jêng bunuyh Brah Ndu, jêh ri nau Brah Yêhôva ngơi tâm trôm mbung may jêng nau nanê̆ ngăn.”

II Phung Hađăch 4:22

Jêh nau nây, păng kuăl sai păng jêh ri lah: “Dăn ma may ăn ma gâp du huê oh mon jêh ri du mlâm seh bri me, gay gâp nchuăt tât ma bunuyh Brah Ndu, jêh nây gâp mra plơ̆ sĭt.”

II Phung Hađăch 4:7

Nôk nây, păng hăn nkoch ma bunuyh Brah Ndu. Păng lah: “Djôt leo hom dak ngi ôlive hăn tăch jêh ri mplơ̆ rnon ay, jêh nây ay jêh ri phung kon ay mra sŏk dak ngi ôlive hôm e nây siăm nau rêh khân ay nơm.”

II Phung Hađăch 4:9

Bu ur nây lah ma sai păng: “Aơ, gâp gĭt ma nơm vay veh lăp ngih he jêng du huê bunuyh kloh ueh Brah Ndu.

II Phung Hađăch 6:10

Pônây, hađăch Israel prơh bunuyh hăn tât ma ntŭk bunuyh Brah Ndu hŏ mbơh ma păng, jêh ri njrăng ta lĕ ntŭk nây. Y-Êlisê vay mbơh lor kơt nĕ, mâu di knŏng du tơ̆ mâu lah bar tơ̆.

II Phung Hađăch 6:15

Phung oh mon bunuyh Brah Ndu kah rngăl ơm ôi jêh ri hăn luh du padih, saơ du phung tahan ndrel ma seh jêh ri ndeh seh dôl nchueng jŭm ƀon. Păng lah đah Y-Êlisê: “Hơi kôranh gâp! Mâm he mra ƀư?”

I Nau Rêh Jêng 23:14

Bi ma Y-Môis, bunuyh Brah Ndu, phung kon bu klâu păng mra kơp ndrel ma ndŭl mpôl Lêvi.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Yêrêmi 23:26

Ndah jŏ lĕ phung mbơh lor mƀruh aơ hôm thoi đŏng sŏk đŏng nuih n'hâm mƀruh nchơt mbơh lor nklă mƀruh? Kŏ tât ndah jŏ khân păng ăt lah luh lĕ nau ngơi ndơm tă bơh nuih n'hâm khân păng?

Êsêkiêl 1:3

geh nau Brah Yêhôva lah êng ma kôranh ƀư brah Y-Êsêkiêl, kon bu klâu Y-Busi, tâm n'gor Kaldê, ta kơh krong Kêbar. Ta ntŭk nây, ti Brah Yêhôva dơm ta păng.

Mika 1:1

Nau Brah Yêhôva lah ma Y-Mika, bunuyh ƀon Môrêset tâm nôk phung hađăch n'gor Yuđa jêng Y-Jôtham, Y-Ahas jêh ri Y-Hêsêkia, bơh lĕ nau păng tâm saơ ma ƀon Samari jêh ri ƀon Yêrusalem.

Mika 3:7

Phung geh nau tâm saơ mra prêng Jêh ri phung mbơh lor bu mra ntêh rmot. Lĕ rngôch mra rdêp mbung nơm da dê Yorlah mâu geh ôh nau plơ̆ lah tă bơh Brah Ndu.

Nau Kơp Bunuyh 16:28

Y-Môis lah: “Yor nau aơ, khân may mra gĭt năl ma Brah Yêhôva geh njuăl gâp ƀư lĕ kan aơ, jêh ri mâu di tĭng nâm gâp nơm ŭch ôh.

Markôs 12:36

Brah Huêng Ueh nơm yơh nsŭk nsôr Y-Đavit lah pô aơ: ‘Kôranh Brah lah ma Kôranh Brah gâp: Gŭ hom mpeh pa ma Gâp, Tât nôk Gâp dơm phung rlăng May tâm dâng jâng May.’

Luka 1:70

Tâm ban ma Păng hŏ dŏng bâr mbung phung nơm mbơh lor kloh ueh Hŏ ton ntơm bơh rnôk kăl e,

Kôranh Oh Mon 1:16

“Hơi phung oh nâu, geh nau ngơi tâm Nau Brah Ndu Ngơi, Brah Huêng Ueh mbơh lor jêh ma bâr mbung Y-Đavit ma nau Y-Yuđas, nơm hŏ njŭn trong ma bu nhŭp Brah Yêsu, tât di ngăn.

Kôranh Oh Mon 28:25

Yor nây, khân păng mâu geh du ai jêh ri du sĭt, Y-Pôl ngơi tay nau aơ: “Brah Huêng Ueh hŏ ntăm jêh nanê̆ di ngăn, nôk Păng dŏng nơm mbơh lor Y-Êsai lah ma phung chô yau pô aơ:

Kôranh Oh Mon 3:18

Ƀiălah Brah Ndu hŏ dŏng nau nây gay ƀư tâm di ngăn nau Păng mbơh lor tă bâr mbung phung nơm mbơh lor ma Brah Krist Păng dơn nau nđêh nji.

Nau Vay Nkah Tay 33:1

Aơ jêng nau ueh uĭn Y-Môis, bunuyh Brah Ndu, ăn jêh nau ueh ma phung ƀon lan Israel êlor ma păng khĭt.

ហេឞ្រើ 10:15

Brah Huêng Ueh mbơh lĕ ma he tâm ban pônây; yorlah jêh păng lah:

ហេឞ្រើ 3:7

Yor nây, nâm bu Brah Huêng Ueh lah: “Nar aơ tơlah khân may tăng bâr Păng,

ហេឞ្រើ 9:8

Brah Huêng Ueh sŏk nau nây gay ntĭm lah ngih bok tal nguay hôm e, pôri trong hăn lăp ta Ntŭk Dŭt Kloh Ueh ê hŏ pơk ôh.

Yôsuê 14:6

Rnôk nây, phung kon sau Y-Yuđa hăn văch ma Y-Yôsuê ta Gilgal, jêh ri Y-Kalep, kon bu klâu Y-Jêphunê, phung Kênisit, lah ma păng pô aơ: “May gĭt nau Brah Yêhôva ngơi jêh ma Y-Môis, bunuyh Brah Ndu, ta Kadês Barnê tât ma may jêh ri gâp.

I Pêtrôs 1:11

Khân păng sek uănh gay gĭt năl moh rnôk jêh ri mâm nau Brah Huêng Ueh Brah Krist tâm khân păng lĕ ntĭm jêh, dôl Păng mbơh lor ma nau rêh ni Brah Krist jêh ri nau chrêk rmah tĭng groi pakơi.

Nau Tâm Mpơl 19:10

Gâp chon mon ta jâng tông mpăr gay yơk mbah, ƀiălah tông mpăr lah: “Lơi ƀư kơt nây, gâp jêng mĭt jiăng pah kan ndrel ma may jêh ri ma phung oh nâu may, jêng phung bunuyh djôt prăp nau Brah Yêsu mbơh. Yơk mbah hom ma Brah Ndu. Yorlah nau mbơh nkoch ma Brah Yêsu jêng nau du nđơr tâm nau mbơh lor.”