II Pêtrôs 1:16 - Nau Brah Ndu Ngơi 2023

¹⁶ Nôk nkoch mbơh ma khân may gĭt nau brah jêh ri nau plơ̆ văch Kôranh Brah he jêng Brah Yêsu Krist, hên mâu nsing tâm lĕ nau mbơh nkoch ơm dŭt blau nau nklă, ƀiălah hên saơ jêh nau chrêk rmah Păng ma măt hên nơm.

Bunong Bible Latin Script Cambodian dialect

¹⁶ Nau i hên mbơh nkoch ăn khân ay may gĭt năl nau dơi Brah Yêsu Krist i Kôranh bân, ndrel ma nau Păng mra plơ̆ văch nây, mâu ôh di hên mbơh nkoch dŭt blao nau nklă, yơn ma hên lĕ say nau chrêk lơp Păng nây ma trôm măt hên nơm.

Bunong

¹⁶ នាវ​អី​ហេន​មឞើស​ងក៝ច​អ៝ន់​ខាន់​អៃ​មៃ​គឹត​នាល់​នាវ​ទើយ​ឞ្រាស​យេឆូ​ក្រីស  ​អី​កោរាញ​ឞ៝ន់ នទ្រែល​មា​នាវ​ពាង់​មរា​ព្លឹ​វាច់​នៃ មោ​អោស​ទី​ហេន​មឞើស​ងក៝ច​ទុត​ឞ្លាវ​នាវ​ងក្លាៈ យើន​មា​ហេន​លែៈ​ឆៃ​នាវ​ច្រេក​លើប​ពាង់​នៃ​មា​ត្រោម​មាត់​ហេន​នើម។

II Pêtrôs 1:16 ပူးပေါင်းရင်းမြစ်များ

Malachi 3:2

Ƀiălah mbu nơm dơi dơn nar Păng văch? Mbu nơm dơi dâk lah păng tâm mpơl? Yorlah Păng jêng nâm bu ŭnh bunuyh blau krĕt prăk, nâm bu buh bunuyh blau ƀư kloh bok.

Malachi 4:5

Aơ, Gâp mra njuăl nơm mbơh lor Y-Êli văch ma khân may êlor tât nar Brah Yêhôva jêng toyh jêh ri klach hâu ngăn.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Mathay 16:28

Nanê̆ ngăn, Gâp lah ma khân may, geh ƀaƀă bunuyh gŭ ta aơ mâu mra khĭt ôh lor saơ Kon Bunuyh văch tâm ƀon bri hađăch Păng.”

Mathay 17:1

Prao nar pakơi, Brah Yêsu jă êng Y-Pêtrôs, Y-Yakơ, jêh ri Y-Yôhan jêng oh Y-Yakơ, hăn ndrel ma Păng hao klơ yôk prêh.

Mathay 24:27

Yorlah nâm bu lơp nglaih luh tă bơh mpeh luh nar, lơp ang tât mpeh nhâp nar nâm nây, ri mơ Kon Bunuyh mra văch đŏng nâm bu pônây.

Mathay 24:3

Dôl Păng gŭ ta klơ yôk Ôlive, phung oh mon văch ôp Păng êng pô aơ: “Lah ma hên gĭt ndah jŏ nau nây mra tât, jêh ri moh nau mbên mra mbơh lor ma nar may mra May plơ̆ văch jêh ri tâm rnôk nglĕ dŭt neh ntu?”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Markôs 13:26

Nôk nây bu mra saơ Kon Bunuyh sŏk nau dơi toyh jêh ri nau chrêk rmah toyh văch ta nklang ndâr tŭk.

Markôs 14:62

Brah Yêsu lah: “Gâp yơh nây. Jêh ri khân may mra saơ Kon Bunuyh Gŭ mpeh pa ma Nơm Nau Brah, Jêh ri plơ̆ văch ta ndâr tŭk klơ trôk.”

Luka 1:2

di tĭng nâm phung bunuyh hŏ tă saơ jêh ri pah kan nau Brah Ndu bơh ntơm saơm nkoch tay ma he.

Luka 9:43

Lĕ rngôch hih rhâl ma nau brah dŭt prêh tă bơh Brah Ndu. Tâm nôk lĕ rngôch bunuyh hih rhâl ma lĕ nau Brah Yêsu ƀư jêh, Păng lah ma phung oh mon:

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

I Kôrintô 1:17

Yorlah Brah Krist mâu ôh njuăl gâp hăn gay ƀư ƀaptem, ƀiălah gay ma mbơh nkoch Nau Mhe Mhan Ueh, mâu di ma nau blau ngơi ôh, klach lah nau brah si tâm rkăng Brah Krist mra roh nau brah.

I Kôrintô 1:23

bi hên mbơh nkoch ma nau bu pâng Brah Krist ta si tâm rkăng, jêng nau phung Yuđa kơp mâu di, bi phung bu năch kơp jêng nau brŭt ndrăng.

I Kôrintô 1:7

gay ma khân may mâu pưt ôh du ntil nau yô̆ tâm nau rêh huêng, tâm nôk gŭ kâp Kôranh Brah he tâm mpơl jêng Brah Yêsu Krist.

I Kôrintô 2:1

Hơi phung oh nâu, tơlah gâp văch ta khân may, gâp mâu sŏk lĕ nau ngơi dŭt blau mâu lah nau blau mĭn gay ma mbơh ma nau khlay ndâp Brah Ndu ma khân may ôh.

I Kôrintô 2:4

Nau gâp ngơi, nau gâp nti lah mâu nsing ma lĕ nau blau gay ma nsŭk nsôr ôh, ƀiălah gay ma tâm mpơl nau brah Brah Huêng Ueh;

I Kôrintô 5:4

Nôk khân may tâm rgum, nuih n'hâm gâp geh đŏng ndrel ma nau brah Kôranh Brah he jêng Brah Yêsu; tâm amoh Kôranh Brah jêng Brah Yêsu,

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

Êphêsô 4:14

Kơt nây, he mâu mra hôm jêng kon se ôh, geh nau rpuh njach jêh ri rdu tĭng sial khôm nau nti nklă, tă bơh nau plĕch rlăm kon bunuyh jêh ri lĕ nau blau nklă khân păng ndơm mƀruh.

Philip 3:21

Păng mra tâm rgâl săk jăn jê̆ jănh he plơ̆ jêng nâm bu săk jăn chrêk rmah Păng, dŏng nau brah ƀư ăn lĕ rngôch ndơ plơ̆ sĭt tông ma Păng.

I Têsalônik 2:19

Yorlah nau kâp gân, nau răm maak, jêh ri đon hađăch khư tâm rnê ma hên tanăp Kôranh Brah he jêng Brah Yêsu, lah Păng plơ̆ văch moh nau, tơlah mâu di jêng khân may nơm?

II Têsalônik 2:9

Bơh nau pah kan Satan, nơm djơh mhĭk mra tâm văch ma lĕ rngôch nau brah tâm ban đŏng lĕ nau khlay, nau mbên khlay mƀruh ndơm;

I Timôthê 1:4

lơi ta rvê đŏng ma lĕ nau nkoch bri ơm jêh ri ma phung noi deh mâu blau lôch, jêng lĕ nau tâm djrel âk lơn jêng ăn hao kan Brah Ndu tâm nau chroh.

I Timôthê 4:7

Der ngai hom lĕ nau nkoch bri tă bơh kăl e roh nau khư, nau nkoch bri mâu geh ngăn tă bơh bu ur ranh, ƀiălah nsrôih nti hom ma săk may nơm ma nuih n'hâm klach yơk;

Titus 1:14

lơi mĭn ôh nau nkoch bri lă lêng phung Yuđa, tâm ban đŏng lĕ nau ntĭm nti tă bơh phung bunuyh dun nau ngăn.

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.

I Yôhan 4:14

Hên lĕ saơ jêh ri mbơh nkoch Brah Ndu Mbơ̆ njuăl jêh Kon Păng jêng Nơm Tâm Rklaih ma neh ntu.

Yuđas 1:14

Yorlah phung bunuyh aơ, Y-Ênŏk jêng sau tâm tal pơh bơh Y-Ađam hŏ lah nau mbơh lor pô aơ: “Ri, Kôranh Brah văch jêh ma âk ngăn phung kloh ueh

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.