II Nau Rêh Jêng 9:8 - Nau Brah Ndu Ngơi 2023

⁸ Mât ton ma Yêhôva Brah Ndu may, yorlah Nơm hŏ maak nuih n'hâm n'gân may gŭ ta sưng hađăch gay mât uănh ăn ma Yêhôva Brah Ndu may! Yorlah Brah Ndu may rŏng ma phung ƀon lan Israel, ŭch ăn ma phung ƀon lan aơ dơi nâp ƀaƀơ n'ho ro, ri dĭng Păng hŏ njêng jêh may ƀư hađăch ma khân păng, gay ƀư tĭng nau di jêh ri nau sŏng.”

II Nau Rêh Jêng 9:8 ပူးပေါင်းရင်းမြစ်များ

II Samuel 23:3

Brah Ndu phung Israel hŏ ngơi jêh, Lŭ Toyh phung Israel hŏ lah jêh ma gâp: ‘Tơlah du huê chiă uănh bunuyh ma nau sŏng, Chiă uănh ma nau klach yơk ma Brah Ndu

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

I Phung Hađăch 10:9

Mât ton ma Yêhôva Brah Ndu may, Nơm hŏ maak nuih n'hâm n'gân may gŭ ta sưng hađăch phung Israel! Yorlah Brah Yêhôva rŏng ma phung Israel kŏ tât ƀaƀơ n'ho ro, yor ri Păng hŏ njêng jêh may ƀư hađăch gay ƀư nau di jêh ri nau sŏng.”

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Nau Rêh Jêng 17:22

Kôranh Brah hŏ ƀư ăn ma phung ƀon lan Israel rlơ̆ jêng phung ƀon lan ma May nơm kŏ tât ƀaƀơ n'ho ro. Bi May, Hơi Brah Yêhôva, May jêng Brah Ndu khân păng.

I Nau Rêh Jêng 28:5

Brah Yêhôva ăn jêh ma gâp geh âk kon bu klâu; tâm lĕ rngôch phung kon bu klâu gâp, Păng săch jêh Y-Salômôn, kon gâp, ăn gŭ ta sưng hađăch ƀon bri hađăch Brah Yêhôva chiă uănh phung Israel.

I Nau Rêh Jêng 29:10

Tra năp lĕ rngôch phung tâm rƀŭn, Y-Đavit mât ton ma Brah Yêhôva pô aơ: “Hơi Yêhôva Brah Ndu chô yau hên jêng Israel! Mât ton ma May kŏ tât ƀaƀơ n'ho ro!

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

I Nau Rêh Jêng 29:23

Nôk nây, Y-Salômôn gŭ ta sưng hađăch Brah Yêhôva, ƀư hađăch ntrok Y-Đavit, mbơ̆ păng. Păng dơi ndrŏng ngăn ngên jêh ri lĕ rngôch phung Israel tông da dê ma nau păng ntăm.

II Nau Rêh Jêng 13:8

Pôri aƀaơ, khân may mĭn phung tahan âk râk, geh ndrôk kon mah Y-Jêrôbôam hŏ tŏ jêh jêng brah ma khân may, khân may klăp lah dơi tâm rdâng đah ƀon bri hađăch Brah Yêhôva hŏ ăn jêh ma phung kon sau Y-Đavit lĕ?

II Nau Rêh Jêng 2:10

Gâp mra ăn ma phung oh mon may, jêng phung blau kăl tơm si, puăn rkeh puăn rsen lit ba ƀlê lĕ peh jêh, puăn rkeh puăn rsen lit ba ôrgơ, puăn rkeh puăn rsen lit ndrănh, jêh ri puăn rkeh puăn rsen lit dak ngi ôlive.”

II Nau Rêh Jêng 2:11

Y-Hiram, hađăch ƀon Tyre, nchih samƀŭt njuăl ma Y-Salômôn plơ̆ lah kơt aơ: “Yorlah Brah Yêhôva rŏng ma phung ƀon lan Păng ri dĭng Păng njêng jêh hađăch chiă uănh khân păng.”

II Nau Rêh Jêng 9:7

Phung gŭ tâm jây may geh nau ueh lăng ngăn! Phung kơl kan hađăch, phung gŭ panăp may ƀaƀơ, jêh ri tăng nau blau mĭn may geh nau ueh lăng ngăn!

II Nau Rêh Jêng 9:9

Hađăch bu ur ăn ma hađăch pe rbăn prao rhiăng kilô mah, dŭt âk dak si ƀâu kah jêh ri lŭ khlay. Mâu dơi geh ôh dak si ƀâu kah ƀaƀă tâm ban dak si ƀâu kah hađăch bu ur n'gor Sêba ăn jêh ma hađăch Salômôn.

Nau Mprơ Ơm 18:19

Păng njŭn gâp tâm ntŭk huy toyh, Tâm rklaih gâp yorlah Păng rŏng ma gâp.

Nau Mprơ Ơm 22:8

“Păng jao păng nơm ma Brah Yêhôva, ăn May tâm rklaih păng; Yorlah May rŏng ma păng, ăn May tâm rklaih păng!”

Nau Mprơ Ơm 72:2

Păng mra phat dôih phung ƀon lan May ma nau sŏng, Phat dôih ma phung o ach ma nau di.

Nau Mprơ Ơm 99:4

May jêng Hađăch nau brah; May rŏng nau sŏng srăng; Păng rdâk nau di, Ƀư nau phat dôih jêh ri nau di tâm ngih Yakôb.

Nau Hôr 21:3

Ƀư tĭng nau sŏng srăng jêh ri nau di Dơi ƀư maak ma Brah Yêhôva ueh lơn jêng nhhơr mpa ƀư brah.

Nau Hôr 29:4

Ma nau sŏng, hađăch ƀư ăn bri dak dơi nâp, Ƀiălah mbu nơm sŏk dơn drăp bu blŏl, ƀư rai bri dak.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Nau Vay Nkah Tay 7:8

Ƀiălah yorlah Brah Yêhôva rŏng ma khân may jêh ri gay djôt prăp nau ton Păng ton jêh ma phung chô yau khân may, Brah Yêhôva hŏ dŏng jêh ti nau dơi gay leo khân may du luh, chuai khân may bơh vâl dĭk bu jêh ri bơh ti Pharaôn, hađăch n'gor Êjipt.