II Nau Rêh Jêng 9:7 - Nau Brah Ndu Ngơi 2023

⁷ Phung gŭ tâm jây may geh nau ueh lăng ngăn! Phung kơl kan hađăch, phung gŭ panăp may ƀaƀơ, jêh ri tăng nau blau mĭn may geh nau ueh lăng ngăn!

II Nau Rêh Jêng 9:7 ပူးပေါင်းရင်းမြစ်များ

I Phung Hađăch 10:8

Phung ur hađăch geh nau ueh lăng ngăn! Phung kơl kan hađăch, phung gŭ panăp may ƀaƀơ jêh ri tăng nau blau mĭn may, geh nau ueh lăng ngăn!

II Nau Rêh Jêng 9:6

Gâp hŏ mâu iăt nau khân păng kŏ tât gâp văch ta aơ jêh ri hŏ saơ ma măt lĕ nau aơ. Nau bu nkoch ma gâp gĭt ê hŏ dơi du n'gul klong nau blau mĭn toyh may geh; may jêng blau rlau lơn ma lĕ nau bu nkoch ma gâp hŏ tăng.

II Nau Rêh Jêng 9:8

Mât ton ma Yêhôva Brah Ndu may, yorlah Nơm hŏ maak nuih n'hâm n'gân may gŭ ta sưng hađăch gay mât uănh ăn ma Yêhôva Brah Ndu may! Yorlah Brah Ndu may rŏng ma phung ƀon lan Israel, ŭch ăn ma phung ƀon lan aơ dơi nâp ƀaƀơ n'ho ro, ri dĭng Păng hŏ njêng jêh may ƀư hađăch ma khân păng, gay ƀư tĭng nau di jêh ri nau sŏng.”

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Hôr 10:21

Bâr mbung bunuyh sŏng srăng siăm âk bunuyh rêh, Bi phung rluk khĭt yor mâu geh nau gĭt vât.

Nau Hôr 13:20

Mbu nơm dơh dăch đah bunuyh blau mĭn mra dơi jêng blau mĭn, Ƀiălah mbu nơm ƀư jiăng đah bunuyh rluk mra dơn nau roh rai.

Nau Hôr 3:14

Yorlah ueh lơn geh nau blau mĭn ma đah geh prăk rêl, Kao play păng khlay lơn ma mah.

Nau Hôr 3:3

Lơi ta ăn nau ueh jêh ri nau nanê̆ ngăn chalơi may; Văn hom păng ta trô ko may, Nchih păng tâm trôm nuih n'hâm may.

Nau Hôr 8:34

Ueh maak ngăn bunuyh iăt nau gâp, Rngeh ăp nar ta mpông pêr gâp Jêh ri gŭ kâp kêng meng mpông lăp ngih gâp.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Nau Vay Nkah Tay 33:9

Lêvi nơm lah ma mê̆ mbơ̆ păng nơm pô aơ: ‘Gâp mâu gĭt saơ ôh ma khân păng,’ Păng mâu gĭt năl ôh phung oh nâu păng nơm, Kŏ mâu gĭt đŏng ma phung kon păng nơm. Yorlah khân păng djôt prăp nau ngơi Kôranh Brah, Mât mray nau tâm rnglăp bơh Păng.