II Nau Rêh Jêng 9:20 - Nau Brah Ndu Ngơi 2023

²⁰ Lĕ rngôch ndơ nhêt hađăch Salômôn ƀư đah mah da dê, jêh ri lĕ rngôch ndơ dŏng tâm ngih Bri Krŏng Liban ƀư đah mah kloh da dê. Tâm rnôk hađăch Salômôn, prăk mâu geh nau khlay ôh

II Nau Rêh Jêng 9:20 ပူးပေါင်းရင်းမြစ်များ

I Phung Hađăch 10:21

Lĕ rngôch kachok dŏng gay nhêt hađăch Salômôn ƀư đah mah da dê, jêh ri lĕ rngôch ndơ dŏng tâm ngih Bri Krŏng Liban ƀư đah mah kloh da dê. Mâu geh ôh ndơ dŏng ƀư đah prăk, yorlah tâm rnôk hađăch Salômôn, prăk mâu geh nau khlay ôh.

II Nau Rêh Jêng 9:19

Klơ prao bak gung hao geh đŏng jât ma bar rup yau mŭr dâk ta bar đah nây. Mâu hŏ geh ôh ƀon bri hađăch êng ƀư sưng hađăch tâm ban pônây.

II Nau Rêh Jêng 9:21

yorlah hađăch geh mpôl kumpăn hăn tât ta Tarsis ndrel ma phung gŭ ƀĭt kumpăn Y-Hiram; tâm pe năm du tơ̆, mpôl kumpăn nây djôt leo sĭt mah, prăk, la rveh, dôk jêh ri brak.

II Nau Rêh Jêng 9:27

Tâm ƀon Yêrusalem, hađăch ƀư prăk jêng mâu khlay ôh nâm bu lŭ chreh, jêh ri tơm si sêdar âk ngăn nâm bu tơm si sikamôr tâm n'gor Sêphêla.

Êsther 1:7

Bu ndrăp ndrănh ma kachok mah, âk ntil kachok êng êng. Hađăch ndrăp âk ngăn ntil ndrănh, tĭng nâm nau lŏng hađăch.

Êsai 2:22

Lơi hôm rnơm ma kon bunuyh ôh Jêng phung geh n'hâm nsôr tâm trôm muh, Yorlah khân păng mâu geh rnoh khlay ôh?

Yêrêmi 31:5

May mra tăm tay đang krăk ƀâu Ta klơ yôk Samari, Bunuyh tăm tơm si mra tăm Jêh ri dơi dơn kao play.

Mathay 6:29

ƀiălah Gâp lah ma khân may, nđâp tơlah hađăch Salômôn lĕ nau chrêk rmah, mâu dơi đŏng nsoh ueh tâm ban nguay ma phung kao si ueh aơ.