II Nau Rêh Jêng 9:1 - Nau Brah Ndu Ngơi 2023

¹ Lah hađăch bu ur n'gor Sêba tăng lư n'găr amoh Y-Salômôn, păng văch tât ma ƀon Yêrusalem, sŏk âk nau ngơi hôr gay ŭch rlong uănh hađăch Salômôn, geh âk ngăn phung kâp kơl nsong ndrel ma păng, geh âk seh samô rdeng dak si ƀâu kah jêh ri âk ngăn mah nđâp ma lŭ khlay. Păng tât gay tâm mâp ma hađăch Salômôn jêh ri lah ma hađăch lĕ nau geh tâm nuih n'hâm păng.

II Nau Rêh Jêng 9:1 ပူးပေါင်းရင်းမြစ်များ

Nau Ntơm 10:28

Y-Ôbal, Y-Abimaêl, Y-Sêba,

Nau Ntơm 10:7

Phung kon bu klâu Y-Kus jêng Y-Sêba, Y-Havila, Y-Sapta, Y-Rama jêh ri Y-Saptêka; phung kon bu klâu Y-Rama jêng Y-Sêba jêh ri Y-Dêdan.

Nau Ntơm 25:3

Y-Jôksan bă kon Y-Sêba jêh ri Y-Dêdan. Phung kon sau Y-Dêdan jêng ndŭl mpôl Y-Asurim, Y-Lêtusim jêh ri Y-Lêumin.

I Phung Hađăch 4:31

Y-Salômôn gĭt mĭn lơn ma lĕ rngôch bunuyh êng, gĭt mĭn lơn ma Y-Êthan bu klâu Êsrahit jêh ri Y-Hêman, Y-Kalkôl, jêh ri Y-Darda, jêng phung kon bu klâu Y-Mahôl. Nau lư n'găr păng bu tăng lư tâm lĕ rngôch phung ƀon lan gŭ văr jŭm.

II Nau Rêh Jêng 1:1

Y-Salômôn, kon bu klâu Y-Đavit, djôt nâp nau chiă uănh tâm ƀon bri hađăch păng, yorlah Yêhôva Brah Ndu păng gŭ ndrel ma păng jêh ri ăn păng dơi jêng toyh ngăn ngên.

II Nau Rêh Jêng 1:12

pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

II Nau Rêh Jêng 9:2

Y-Salômôn plơ̆ sĭt lah lĕ rngôch nau păng ôp mâu geh du ntil nau ôp jêng pôn ndâp ir ma Y-Salômôn kŏ tât mâu dơi rblang ma păng.

II Nau Rêh Jêng 9:9

Hađăch bu ur ăn ma hađăch pe rbăn prao rhiăng kilô mah, dŭt âk dak si ƀâu kah jêh ri lŭ khlay. Mâu dơi geh ôh dak si ƀâu kah ƀaƀă tâm ban dak si ƀâu kah hađăch bu ur n'gor Sêba ăn jêh ma hađăch Salômôn.

Nau Mprơ Ơm 142:2

Gâp tâm mpơl nau rêh ni gâp tanăp Păng, Nkoch bri nau uh ah gâp ma Păng.

Nau Mprơ Ơm 49:4

Gâp mra rkêng tôr iăt nau ngơi hôr; Gâp mra sŏk gong rêng gay rblang nau ngơi hôr.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Mprơ Ơm 72:15

Ăn hađăch dơi gŭ rêh jŏ! Jêh ri lĕ rngôch bunuyh ta ntu mra nhhơr mah bơh Sêba ma hađăch, Ăn bu mra mbơh sơm ma hađăch ƀaƀơ. Jêh ri ăp nar ăn nau ueh uĭn ma hađăch.

Nau Mprơ Ơm 78:2

Gâp mra hă mbung gay ngơi lĕ nau hôr, Gâp mra mpơl nau ndâp bơh rnôk kăl e,

Nau Hôr 1:6

Gay gĭt rbăng nau hôr, nau ntĭt, Nau ngơi bơh phung blau mĭn jêh ri nau nchroh ndâp tă khân păng.

Êsai 60:6

Âk râk seh samô mra nkŭm bri neh may, Nđâp ma kon seh samô bơh bri Madian jêh ri bri Êpha; Lĕ rngôch phung bơh Sêba mra văch. Khân păng djôt leo mah jêh ri ndơ ƀâu kah, Jêh ri mra nhhơr nau mprơ tâm rnê ma Brah Yêhôva.

Mathay 12:34

Hơi phung kon bêh rmâng! Khân may phung djơh mhĭk, mâm dơi ngơi nau ueh? Yorlah bêng tâm nuih n'hâm rĭ dĭng mbung luh ngơi.

Mathay 12:42

Tâm nar phat dôih, hađăch bu ur mpeh pa dâng mra dâk hăn tâm rdâng đah bunuyh rnôk aƀaơ aơ jêh ri phong khân păng, yorlah păng văch tă bơh bôk neh ntu tât lôch ŭch iăt nau blau mĭn hađăch Salômôn; ƀiălah ta aơ geh du huê toyh lơn ma hađăch Salômôn!

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Mathay 13:35

Pôri, n'hêl nanê̆ jêh nau nơm mbơh lor: “Gâp mra hă mbung gay ngơi lĕ nau hôr, Gâp mra mbơh lĕ nau pôn ndâp ntơm rnôk rhăk njêng neh ntu.”

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.

Luka 11:31

Tâm nar phat dôih, hađăch bu ur mpeh pa dâng mra dâk hăn tâm rdâng đah bunuyh rnôk aƀaơ aơ jêh ri phong khân păng; yorlah păng văch tă bơh bôk neh ntu tât lôch ŭch iăt nau blau mĭn hađăch Salômôn, jêh ri nây, ta aơ geh Nơm dŭt toyh lơn ma Y-Salômôn!

I Samuel 1:15

H'Anna plơ̆ lah: “Hơi kôranh gâp, mâu di pônây! Gâp jêng du huê bu ur geh nau rngot rvê êng tâm nuih n'hâm. Gâp mâu geh nhêt ndrănh ôh mâu lah nhêt lĕ ntil ndơ ƀư nhŭl, ƀiălah gâp tâm mpơl lĕ nuih n'hâm gâp tanăp măt Brah Yêhôva.