II Nau Rêh Jêng 8:6 - Nau Brah Ndu Ngơi 2023

⁶ Hađăch ndâk ƀon Balat jêh ri lĕ rngôch ƀon ƀư jay prăp drăp khlay ma Y-Salômôn, lĕ rngôch ƀon prăp ndeh seh, jêh ri seh tâm lơh. Y-Salômôn ƀư lôch jêh lĕ rngôch samƀŭt rup ndâk tâm Yêrusalem, tâm bri Liban jêh ri lam n'gor tâm nau dơi păng.

II Nau Rêh Jêng 8:6 ပူးပေါင်းရင်းမြစ်များ

I Phung Hađăch 10:26

Y-Salômôn bun rgum âk ndeh seh jêh ri phung tahan ncho seh; hađăch geh du rbăn puăn rhiăng bôk ndeh jêh ri du rmưn bar rbăn phung tahan ncho seh tâm lĕ ƀon geh ndeh seh jêh ri ta ƀon Yêrusalem, dăch kêng hađăch.

I Phung Hađăch 7:2

Hađăch ndâk Ngih Bri Liban, jong prăm jât met, rkăng bar jât met jêh ri prêh jât mprăm met, nđâp ma puăn mbor meh ma tơm si sêdar, jêh ri lĕ rda ma tơm si sêdar n'gân ta klơ lĕ meh nây.

I Phung Hađăch 9:1

Tơlah Y-Salômôn hŏ ndâk lôch jêh ngih ma Brah Yêhôva, ngih hađăch, jêh ri lĕ rngôch nau kan ndâk hađăch ŭch ƀư,

II Nau Rêh Jêng 1:14

Y-Salômôn bun rgum âk ndeh seh jêh ri seh tâm lơh, păng geh du rbăn puăn rhiăng ndeh seh jêh ri du rmưn bar rbăn seh tâm lơh. Păng ăn ndeh seh gŭ tâm lĕ ƀon bu bun ndeh seh jêh ri dăch kêng hađăch ta ƀon Yêrusalem.

II Nau Rêh Jêng 17:12

Y-Jôsaphat ƀrư̆ nar ƀrư̆ janh ktang. Păng ndâk lĕ pôih nâp jêh ri lĕ ƀon geh jay prăp drăp ndơ khlay tâm n'gor Yuđa.

II Nau Rêh Jêng 8:4

Hađăch ndâk Tatmôr tâm bri rdah jêh ri ndâk lĕ ƀon ƀư ntŭk prăp drăp khlay tâm n'gor Hamat.

II Nau Rêh Jêng 8:5

Păng ndâk đŏng Bet-Hôron Pa Lơ jêh ri ƀon Bet-Hôron Pa Dâng, jêng lĕ ƀon dŭt nâp ngăn, geh mpêr ƀon jêh ri mpông sâng jêh ri geh mâng rnăng nđăng.

II Nau Rêh Jêng 8:7

Lĕ rngôch phung hôm rêh klen tâm phung ndŭl mpôl Hitit, Amôrit, Pêrisit, Hivit jêh ri Jêbusit mâu jêng di Israel ôh,

Nơm Nti 2:4

Gâp hŏ ƀư lĕ nau kan ndâk toyh: ndâk ngih hađăch, njêng đang krăk ƀâu,

Nau Mprơ Ueh 4:8

Hơi ƀăn gâp, hăn hom ndrel gâp du bơh yôk Liban, Hăn hom ndrel gâp chalơi yôk Liban, Du hom n'gơn yôk Amana, N'gơn Sênir jêh ri Hermôn, Du bơh trôm yau mŭr, Du bơh yôk yau brăch.

Yôsuê 19:44

Êltêkê, Gibêthôn, Balat,