II Nau Rêh Jêng 8:14 - Nau Brah Ndu Ngơi 2023

¹⁴ Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

II Nau Rêh Jêng 8:14 ပူးပေါင်းရင်းမြစ်များ

II Samuel 23:2

Huêng Brah Yêhôva ăn ma gâp nau ngơi Păng, Jêh ri nau Păng ngơi gŭ ta mpiăt gâp.

I Phung Hađăch 13:1

Nôk nây, tĭng nâm nau Brah Yêhôva ntăm, geh du huê bunuyh Brah Ndu luh bơh Yuđa hăn tât ta Bêthel tâm nôk Y-Jêrôbôam dâk dăch nơng ƀư brah gay su ndơ ƀâu kah.

I Nau Rêh Jêng 16:37

Pôri, Y-Đavit dơm ăn ma Y-Asap jêh ri ma phung oh nâu păng gŭ ta panăp Hip Nau Tâm Rnglăp Brah Yêhôva gay pah kan ƀaƀơ panăp Hip Nau Tâm Rnglăp ăp nar.

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

I Nau Rêh Jêng 23:1

Tơlah Y-Đavit hŏ ranh jêh ri năm jŏ jêh, păng njêng Y-Salômôn, kon bu klâu păng, jêng hađăch chiă uănh phung Israel.

I Nau Rêh Jêng 24:1

Tâm phung kon sau Y-Arôn bu pă jêng âk mbŭch. Phung kon bu klâu Y-Arôn jêng Y-Nadap, Y-Abihu, Y-Êlêasar, jêh ri Y-Ithamar.

I Nau Rêh Jêng 24:3

Y-Đavit ndrel ma Y-Sadôk, jêng noi deh Y-Êlêasar, jêh ri Y-Ahimêlek, jêng noi deh Y-Ithamar, tâm pă phung kon sau Y-Arôn jêng âk mbŭch tĭng nâm kan khân păng pah.

I Nau Rêh Jêng 25:1

Y-Đavit jêh ri phung kôranh pah kan tâm ngih brah rnglah êng đŏng phung ƀaƀă kon bu klâu Y-Asap, phung ƀaƀă kon bu klâu Y-Hêman, jêh ri phung ƀaƀă kon bu klâu Y-Jêduthun ma kan mra mbơh lor ndrel ma nau uh n'hôm kreh gong rêng, jêh ri rgu dang nteh. Amoh phung pah kan nây jêh ri kan khân păng pô aơ:

I Nau Rêh Jêng 26:1

Phung mât njrăng mpông pêr tâm pă jêng mbŭch nâm bu: Noi deh Kôra geh Y-Mêsêlêmia, kon Y-Kôrê, sau Y-Asap.

I Nau Rêh Jêng 28:19

Y-Đavit ngơi: “Lĕ rngôch kan nây bu mra ƀư tĭng nâm samƀŭt rup bơh ti Brah Yêhôva gŭ ta klơ gâp jêh ri sol ang ma gâp ma lĕ rngôch ntil tâm samƀŭt rup.”

I Nau Rêh Jêng 9:17

Phung gak mpông pêr geh: Y-Salum, Y-Akup, Y-Talmôn, Y-Ahiman, jêh ri oh nâu khân păng; Y-Salum jêng kôranh.

I Nau Rêh Jêng 9:24

Phung mât njrăng mpông pêr gŭ ta puăn mpeh: luh nar, nhâp nar, pa dâng, pa lơ.

II Nau Rêh Jêng 23:19

Păng dơm đŏng phung gak njrăng lĕ mpông pêr ngih Brah Yêhôva, mâu ăn ma du huê bunuyh ƀơ̆ dơi lăp ta ngih brah nây ôh.

II Nau Rêh Jêng 23:4

Aơ jêng nau ăn khân may mra ƀư: Du kô̆ tâm pe tâm phung khân may, jêng phung kôranh ƀư brah jêh ri phung Lêvi tâm pah kan tâm nar saƀat mra mât chăm mpông sâng;

II Nau Rêh Jêng 29:25

Hađăch dơm phung Lêvi tâm ngih Brah Yêhôva djôt dang, gong rêng jêh ri n'hôm, tĭng nâm nau vay ntrŭnh bơh Y-Đavit, jêh ri Y-Gat, jêng nơm geh nau tâm saơ ma hađăch, jêh ri bơh nơm mbơh lor Y-Nathan ntăm; yorlah nau ntrŭnh nây luh bơh Brah Yêhôva dŏng bâr mbung phung nơm mbơh lor Păng ntĭm nti.

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

II Nau Rêh Jêng 35:10

Lah lĕ kan hŏ ndrăp jêh, phung kôranh ƀư brah gŭ dâk ta ntŭk khân păng nơm, jêh ri phung Lêvi tĭng mpôl khân păng pah kan, di nâm bu nau hađăch ntăm.

II Nau Rêh Jêng 35:15

Phung mprơ jêng kon sau Y-Asap, gŭ ta ntŭk khân păng nơm da dê, tĭng nâm nau vay Y-Đavit, Y-Asap, Y-Hêman, jêh ri Y-Jêduthun nơm tâm saơ ma hađăch, hŏ ntăm. Phung chiă mpông pêr gŭ ta ăp mpông, mâu ŭch trơn ôh bơh kan khân păng, yorlah oh nâu khân păng jêng phung Lêvi, ndrăp nkra ndơ dŏng ăn khân păng.

II Nau Rêh Jêng 35:4

Ndrăp hom khân may nơm tĭng nâm noi deh jêh ri tĭng nâm mpôl khân may, tĭng kơt nau Y-Đavit, hađăch Israel ntĭnh, jêh ri kon bu klâu păng Y-Salômôn.

II Nau Rêh Jêng 5:11

Lĕ rngôch phung kôranh geh măt prăp êng ma nau kloh ueh, mâu pă ôh ma phung mpôl ƀaƀă. Tơlah lĕ kôranh ƀư brah hăn luh jêh bơh ntŭk kloh ueh

II Nau Rêh Jêng 8:15

Moh ntil nau hađăch ntăm jêh tât ma phung kôranh ƀư brah, phung Lêvi, tâm ban đŏng ma jay prăp drăp khlay jêh ri ma lĕ nau kan êng, khân păng mâu dơi chuêl hêng du ntil nau ôh.

Êsra 6:18

Khân păng njêng phung kôranh ƀư brah jêh ri phung Lêvi tĭng nâm mpôl khân păng, gay pah kan ma Brah Ndu ta Yêrusalem, di nâm bu hŏ nchih tâm ndrom samƀŭt Y-Môis.

Nêhêmi 12:24

Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

Nêhêmi 12:25

Y-Matania, Y-Bakbukia, Y-Ôbadia, Y-Mêsulam, Y-Talmôn jêh ri Y-Akup jêng phung gak mpông pêr, phung nây dâk djôt prăp lĕ jay êp kêng mpông pêr ngih brah.

Nêhêmi 12:36

jêh ri phung oh nau păng jêng Y-Sêmaya, Y-Asarel, Y-Milalai, Y-Gilalai, Y-Mai, Y-Nêthanel, Y-Yuđa jêh ri Y-Hanani, djôt dĭng mprơ Y-Đavit, bunuyh Brah Ndu. Kôranh nchih samƀŭt Y-Êsra chuat hăn panăp khân păng.

Luka 1:5

Tâm nôk Hêrôt, hađăch phung Yuđa, geh du huê kôranh ƀư brah tâm mpôl Abija, amoh Y-Sakari; ur păng jêng H'Êlisabet, jêng noi deh Y-Arôn.

Luka 1:8

Nkoch bri tât geh nôk Y-Sakari tĭng lor nglĕ tâm mpôl păng nơm ƀư nau kan ndơ ƀư brah tanăp Brah Ndu.

Kôranh Oh Mon 13:22

Jêh Brah Ndu chalơi hađăch Y-Sôl, njêng Y-Đavit hađăch. Păng mbơh nkoch ma păng pô aơ: ‘Gâp saơ jêh Y-Đavit, kon bu klâu Y-Yêsê, nơm ƀư maak nuih n'hâm Gâp, nơm mra ƀư lĕ nau Gâp ŭch.’

Kôranh Oh Mon 13:36

Ƀiălah jêh pah kan ma nau Brah Ndu ŭch tâm rnôk rô̆ păng nơm, hađăch Đavit lĕ khĭt jêh, bu tâp păng êp ta meng phung chô yau păng nơm jêh ri păng hŏ saơ nau ôm rai jêh;

Nau Vay Nkah Tay 33:1

Aơ jêng nau ueh uĭn Y-Môis, bunuyh Brah Ndu, ăn jêh nau ueh ma phung ƀon lan Israel êlor ma păng khĭt.