II Nau Rêh Jêng 7:19 - Nau Brah Ndu Ngơi 2023

¹⁹ Ƀiălah tơlah khân may teng trong êng jêh ri chalơi lĕ nau vay dăp jêh ri lĕ nau vay ntăm bơh Gâp hŏ n'gân jêh panăp khân may, hăn tĭng phung brah êng jêh ri yơk mbah ma khân păng,

II Nau Rêh Jêng 7:19 ပူးပေါင်းရင်းမြစ်များ

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 33:8

Tơlah phung Israel mât mray ƀư tĭng lĕ rngôch nau vay dăp jêh ri nau vay ƀư, Gâp hŏ dŏng jêh Y-Môis ntĭm nti khân păng, pôri Gâp mâu mra ăn ma mpang jâng phung Israel luh du tă bơh n'gor Gâp hŏ ăn jêh ma phung chô yau khân păng.”

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Yêrêmi 9:13

Brah Yêhôva lah: “Yorlah khân păng chalơi nau vay Gâp hŏ ndâk ăn khân păng, mâu tông ôh bâr Gâp jêh ri mâu rêh tĭng nau vay Gâp.

Kan Lêvi 26:14

‘Ƀiălah tơlah khân may mâu iăt ôh nau Gâp, jêh ri mâu ƀư tĭng lĕ nau vay ntăm aơ,

Nau Kơp Bunuyh 32:15

Tơlah khân may đŏng chalơi Păng, Păng mra chalơi phung ƀon lan aơ tâm bri rdah jêh ri khân may mra ƀư ăn khân păng rai lĕ.”

Nau Vay Nkah Tay 28:15

“Ƀiălah tơlah khân may mâu iăt ôh bâr Yêhôva Brah Ndu khân may, mâu njrăng ƀư tĭng lĕ nau vay Păng ntăm jêh ri nau vay Păng dăp, jêng nau gâp ntăm ma khân may nar aơ, pôri lĕ nau rak rtăp aơ mra njŭr tât ma khân may jêh ri tât ban khân may.

Yôsuê 23:7

Lơi tâm rlŭk ôh đah phung ndŭl mpôl hôm e ta nklang khân may, lơi ta kuăl amoh phung brah khân păng mâu lah sŏk amoh phung brah gay ton săk, jêh ri lơi pah kan mâu lah chon mon mbah panăp phung brah khân păng.

I Samuel 12:25

Ƀiălah, tơlah khân may ăt ƀư nau mhĭk khân may jêh ri hađăch khân may mra rai lĕ.”