II Nau Rêh Jêng 7:16 - Nau Brah Ndu Ngơi 2023

¹⁶ yorlah aƀaơ aơ Gâp hŏ săch jêh ri ƀư kloh ueh ma ngih brah aơ gay ma amoh Gâp gŭ ta nây n'ho ro; măt jêh ri nuih n'hâm Gâp mra gŭ ta nây n'ho ro.

II Nau Rêh Jêng 7:16 ပူးပေါင်းရင်းမြစ်များ

I Phung Hađăch 8:16

‘Ntơm bơh nar Gâp hŏ njŭn leo phung ƀon lan Gâp jêng Israel du luh tă bơh Êjipt, Gâp mâu mâp săch ôh du rplay ƀon êng tâm lĕ rngôch ndŭl mpôl Israel gay ndâk du mlâm ngih brah ma amoh Gâp gŭ ta nây. Ƀiălah Gâp hŏ săch Y-Đavit gay păng chiă uănh phung ƀon lan Israel Gâp.’

I Phung Hađăch 8:35

Tơlah lĕ ndâr trôk nchăng nâp, mâu geh dak mih ôh yorlah khân păng ƀư tih jêh đah May, tơlah khân păng rle mpeh ta ntŭk aơ gay mbơh sơm, jêh ri mbơh nau khân păng chroh ma amoh May, chalơi nau tih khân păng nơm, yorlah May hŏ phat dôih jêh khân păng,

I Phung Hađăch 8:44

Tơlah phung ƀon lan Kôranh Brah du luh nau tâm lơh đah phung rlăng khân păng ta moh ntŭk May prơh khân păng hăn, tơlah khân păng mbơh sơm ma Brah Yêhôva rle mpeh ma ƀon May hŏ săch jêh ri ngih brah gâp ndâk jêh ma amoh May,

I Phung Hađăch 8:48

tơlah tâm n'gor phung rlăng khân păng, ta ntŭk khân păng ƀư dĭk bu, khân păng lĕ nuih n'hâm lĕ nau mĭn ŭch plơ̆ tay ma May, mbơh sơm ma May, rle mpeh ma n'gor Kôranh Brah lĕ ăn jêh ma phung chô yau khân păng, mpeh ƀon May hŏ săch jêh ri ma ngih brah gâp ndâk jêh ma amoh May,

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

II Phung Hađăch 21:4

Păng ndâk lĕ nơng ƀư brah tâm ngih Brah Yêhôva, jêng ntŭk Brah Yêhôva lah jêh pô aơ: “Tâm ƀon Yêrusalem, Gâp mra dơm amoh Gâp ta nây.”

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

II Nau Rêh Jêng 6:20

Dăn măt May uănh ma ngih aơ măng nâm nar, jêng ntŭk May hŏ ton jêh mra dơm amoh May ta nây, jêh ri dăn May rkêng tôr iăt nau oh mon May rle mpeh ntŭk nây gay kuăl mbơh sơm.

II Nau Rêh Jêng 7:12

Dôl măng, Brah Yêhôva tâm mpơl ma Y-Salômôn jêh ri lah pô aơ: “Gâp hŏ tăng jêh nau may mbơh sơm jêh ri hŏ săch jêh ntŭk aơ ƀư du mlâm ngih nhhơr mpa ƀư brah.

II Nau Rêh Jêng 7:15

Aƀaơ ri, măt Gâp mra uănh treng, tôr Gâp mra rkêng iăt ma nau bu mbơh sơm tâm ntŭk aơ,

II Nau Rêh Jêng 7:17

Bi may, tơlah may chuat hăn panăp Gâp nâm bu mbơ̆ may jêng Y-Đavit hŏ chuat hăn jêh, ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

Nau Mprơ Ơm 132:13

Yorlah Brah Yêhôva săch jêh ƀon Siôn; Păng ŭch Siôn ƀư ntŭk Păng gŭ;

Nau Mprơ Ơm 132:14

Păng lah: “Aơ jêng ntŭk Gâp gŭ rlu ƀaƀơ n'ho ro; Gâp mra gŭ ta nây yorlah Gâp ŭch jêh kơt nĕ.

Sakari 3:2

Brah Yêhôva lah ma Satan: “Hơi Satan, Brah Yêhôva geh nau dơi nduyh may! Brah Yêhôva, Nơm hŏ săch jêh ƀon Yêrusalem, nduyh may! Mâu di bơh nơm aơ jêng rlŭt ŭnh dôl hit bu rhuăt lơi tă bơh ŭnh?”

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Nau Vay Nkah Tay 12:21

Tơlah ntŭk Yêhôva Brah Ndu săch gay dơm amoh Păng ngai ir đah ntŭk khân may, pôri khân may dơi nkhĭt ndrôk mâu lah biăp, ndơ Yêhôva Brah Ndu ăn jêh ma khân may tĭng nâm gâp hŏ ntĭnh jêh, jêh nây sa tâm ăp ƀon toyh khân may nơm ndah dŭm khân may ŭch.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh