II Nau Rêh Jêng 7:14 - Nau Brah Ndu Ngơi 2023

¹⁴ tơlah phung ƀon lan Gâp, jêng phung ƀon lan dơi kuăl ma amoh Gâp, dêh rhêt êng khân păng nơm, mbơh sơm, joi muh măt Gâp jêh ri chalơi trong djơh mhĭk, nôk nây tă bơh klơ trôk Gâp mra rkêng tôr iăt, yô̆ an nau tih khân păng jêh ri ƀư bah n'gor bri khân păng.

II Nau Rêh Jêng 7:14 ပူးပေါင်းရင်းမြစ်များ

II Nau Rêh Jêng 20:3

Y-Jôsaphat klach, jêh ri tǐng joi Brah Yêhôva, jêh ri kuăl ma lĕ rngôch phung Yuđa ât sông sa.

II Nau Rêh Jêng 20:4

Phung Yuđa tâm rƀŭn gay kuăl dăn Brah Yêhôva kơl. Tă bơh lĕ rngôch ƀon n'gor Yuđa, khân păng văch ŭch joi Brah Yêhôva.

II Nau Rêh Jêng 6:27

ta rnôk ri dăn ma May klơ trôk rkêng tôr iăt, yô̆ an ma nau tih phung oh mon May jêh ri ma phung ƀon lan Israel May. Jêh nây tơlah May sâm nti jêh ma khân păng trong di ma khân păng hăn tĭng, dăn ma May ăn dak mih djrah ta klơ neh May ăn jêh ma phung ƀon lan May jêng drăp ndơn.

II Nau Rêh Jêng 6:30

dăn ma May tă bơh klơ trôk, jêng ntŭk May gŭ, rkêng tôr iăt, jêh ri yô̆ an, mbơh tay ma ăp nơm tĭng nâm nau rêh khân păng, yorlah May hŏ gĭt năl jêh nuih n'hâm khân păng; nanê̆ ngăn, knŏng êng May yơh dơi gĭt năl nuih n'hâm kon bunuyh.

II Nau Rêh Jêng 6:33

dăn ma May gŭ ta klơ trôk, jêng ntŭk gŭ May, rkêng tôr iăt jêh ri ƀư tĭng nâm lĕ rngôch nau bu năch nây kuăl mbơh sơm ma May, gay ma lĕ rngôch phung bunuyh ƀon lan ta neh ntu dơi gĭt năl amoh May, klach yơk ma May nâm bu phung ƀon lan Israel jêng phung ƀon lan May, jêh ri dơi gĭt năl ngih brah aơ gâp ndâk jêh, bu ntơ tâm amoh May.

Nau Mprơ Ơm 27:8

Tơlah Kôranh Brah lah: “Khân may joi hom muh măt Gâp” Pôri nuih n'hâm gâp lah ma Kôranh Brah pô aơ: “Ơ Brah Yêhôva! Gâp mra joi muh măt May.”

Nau Mprơ Ơm 60:2

May ăn neh ntu mpât n'găr, ƀư ma păng jêng đang; Aƀaơ, ăn May nkra tay lĕ ntŭk đang yor păng n'gơ.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 59:20

“Nơm Tâm Chuai mra văch ma ƀon Siôn, Văch ma phung tâm ngih Yakôb hŏ chalơi nau tih.” Brah Yêhôva lah kơt nĕ.

Êsai 63:19

Jŏ jêh, hên jêng jêh tâm ban ma phung May mâu mâp chiă uănh, Jêh ri mâu hôm geh kuăl amoh May đŏng ôh.

Yêrêmi 14:9

Mâm ƀư May nâm bu bunuyh phit phơr, Nâm bu du huê dăng ktang mâu dơi yơr ti tâm rklaih bu ôh? Ƀiălah, ơ Kôranh Brah, May hôm e gŭ ta nklang hên, Hên dơi ntơ ma amoh May, Lơi ta chalơi hên ôh!”

Yêrêmi 33:6

Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Yêrêmi 50:4

Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Yêrêmi 51:9

‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Êsêkiêl 33:12

Bi ma may, hơi kon bunuyh, lah hom ma phung ƀon lan may pô aơ: Nau sŏng may nau sŏng mâu mra tâm rklaih păng ôh tơlah păng ƀư tih, jêh ri nau mhĭk nơm mhĭk mâu mra ƀư ăn păng rdja tơlah păng hŏ chalơi jêh nau mhĭk nây. Bunuyh sŏng srăng mâu mra yor tă nau sŏng srăng păng ơm geh dơi rêh tâm nar păng ƀư tih.

Nau Kơp Bunuyh 6:27

Ăn khân păng dơm amoh Gâp ta klơ phung ƀon lan Israel, tâm ban pônây Gâp mra ăn nau ueh uĭn ma Phung ƀon lan aơ.”

Kôranh Oh Mon 9:11

Kôranh Brah lah: “Dâk hom, hăn tât ta ngih Y-Yuđas tâm trong bu rnha trong Sŏng, joi du huê amoh păng Y-Sôl gŭ ta ƀon Tars. Ri, păng gŭ mbơh sơm,

Nau Vay Nkah Tay 28:10

Lĕ rngôch phung ƀon lan ta neh ntu mra saơ bu rnha khân may ma amoh Brah Yêhôva jêh ri khân păng mra klach đah khân may.