II Nau Rêh Jêng 7:13 - Nau Brah Ndu Ngơi 2023

¹³ Tơlah Gâp nchăng lĕ ndâr trôk, mâu ăn tŭp mih; nôk Gâp ntăm ma krah ndrach ƀư rai ndơ tuch tăm; jêh ri nôk Gâp njuăl nau ji kuet tâm phung ƀon lan Gâp;

II Nau Rêh Jêng 7:13 ပူးပေါင်းရင်းမြစ်များ

Ndrom Samƀŭt bơh Yôp 11:10

Tơlah Brah Ndu văch, krŭng may Jêh ri njêng ntŭk phat dôih, mbu nơm dơi buay Păng?

Ndrom Samƀŭt bơh Yôp 12:14

Păng ƀư rai, mâu geh ôh nơm dơi ndâk tay; Păng krŭng, mâu geh ôh nơm dơi klaih.

Nau Mprơ Ơm 105:34

Păng lah, krah ndrach mpăr tât ro Bi krah mâu dơi kơp ôh,

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Yôel 2:25

Gâp mra ntrok tay ăn ma khân may Ma lĕ yan geh grăch sa Tă bơh ma krah, ndrŭng n'huk ntâu, ndrŭng rchuăl jêh ri krah nsăt, Jêng phung tahan toyh Gâp hŏ njuăl tât ta nklang khân may.

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Nau Kơp Bunuyh 14:12

Gâp mra nkhŭt khân păng ma nau ji tưp jêh ri ƀư rai khân păng, ƀiălah Gâp mra ƀư ma may jêng du phung ƀon lan toyh lơn jêh ri ktang lơn ma khân păng.”

Luka 4:25

Nanê̆, Gâp lah ma khân may, tâm nôk Y-Êli, dôl trôk phang tâm pe năm prao khay, lĕ n'gor Israel geh nau ji ngot toyh, jêh ri tâm phung Israel geh đŏng âk bu ur ndrô.

Nau Vay Nkah Tay 11:17

ƀư ma Yêhôva ji nuih ma khân may, jêh nây Păng nchăng lĕ ndâr trôk gay mâu ăn ôh geh dak mih, neh mâu geh kao play ôh, jêh ri khân may mra rai lôch ro bơh n'gor ueh Brah Yêhôva ăn ma khân may.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk: