II Nau Rêh Jêng 7:10 - Nau Brah Ndu Ngơi 2023

¹⁰ Nar bar jât ma pe khay pơh, păng ăn phung ƀon lan hăn sĭt rlet ngih vâl khân păng nơm. Nuih n'hâm lĕ rngôch bunuyh răm maak jêh ri hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, ma Y-Salômôn jêh ri ma phung ƀon lan Israel Păng.

II Nau Rêh Jêng 7:10 ပူးပေါင်းရင်းမြစ်များ

I Phung Hađăch 8:66

Lăp nar rơh pham, hađăch ăn phung ƀon lan hăn sĭt. Khân păng ăn nau ueh uĭn ma hađăch jêh nây hăn sĭt rlet ngih vâl khân păng nơm, nuih n'hâm hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, oh mon Păng, jêh ri ma Phung ƀon lan Israel Păng.

II Nau Rêh Jêng 29:36

Y-Hêsêkia jêh ri lĕ rngôch phung ƀon lan hâk răm yor lĕ nau Brah Ndu ƀư jêh ma khân păng, yorlah lĕ nau kan dơi ƀư gơnh ro.

II Nau Rêh Jêng 30:26

Pôri, tâm ƀon Yêrusalem răm maak ngăn ngên yơh, yorlah bơh rô̆ Y-Salômôn, kon bu klâu Y-Đavit, hađăch Israel, tât aƀaơ, ta ƀon Yêrusalem ê hŏ geh ôh nau maak nâm pônây.

II Nau Rêh Jêng 6:41

Ơ Yêhôva Brah Ndu! Dâk hom Gay ma Kôranh Brah jêh ri Hip Nau Tâm Rnglăp bêng nau brah May dơi lăp ta ntŭk May rlu! Ơ Yêhôva Brah Ndu! Ăn ma phung kôranh ƀư brah May nsoh nau tâm rklaih, Jêh ri phung blau yơk ma May dơi răm maak Tâm nau ueh May!

II Nau Rêh Jêng 7:11

Pônây, Y-Salômôn ƀư lôch jêh nau ndâk ngih ma Brah Yêhôva jêh ri ngih hađăch. Lĕ rngôch nau kan ndâk Y-Salômôn ŭch ƀư tâm ngih brah Brah Yêhôva jêh ri tâm ngih hađăch ƀư lôch da dê jêh.

II Nau Rêh Jêng 7:9

Tâm nar rơh pham, geh nkra du nau tâm rƀŭn rgum bêng ma nau khư yơk, yorlah khân păng râng rƀŭn nhhơr nơng ƀư brah tâm pơh nar jêh ri răm maak nau rƀŭn tâm pơh nar lĕ.

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Nau Mprơ Ơm 100:2

Maak hom pah kan ma Brah Yêhôva, Mprơ hom văch tanăp Păng.

Nau Mprơ Ơm 105:3

Tâm rnê hom tâm amoh kloh ueh Păng; Ăn nuih n'hâm phung joi Brah Yêhôva geh nau răm maak!

Nau Mprơ Ơm 106:5

Gay ma gâp dơi saơ nau ndrŏng phung May săch jêh, Dơi gŭ ndrel đah nau maak phung ƀon lan May, Jêh ri dơi tâm rnê ma gâp nơm ma drăp ndơn May.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Mprơ Ơm 92:4

Ơ Brah Yêhôva, May ƀư maak jêh ma gâp yor kan May; Jêh ri maak răm ma nau kan bơh ti May.

Nau Ngluh Êjipt 18:1

Y-Jêtrô, kôranh ƀư brah Madian jêh ri jêng po Y-Môis, tăng lĕ rngôch nau Brah Ndu hŏ ƀư an jêh ma Y-Môis jêh ri ma phung Israel Păng tâm ban đŏng Păng ngluh jêh phung Israel luh bơh n'gor Êjipt.

Êsêkiêl 45:25

Tâm nar bŏng khay pơh năng tâm rƀŭn jêh ri lĕ tâm pơh nar, tâm ban lĕ hađăch mra ndrăp ndơ ƀư brah chuai nau tih, ndơ ƀư brah gŭch, ndơ ƀư brah rnih môi jêh ri ma dak ngi ôlive nâm bu saơm.”

Kôranh Oh Mon 16:34

Kôranh ndrung jă bar hê khân păng lăp tâm ngih păng jêh ri nkra nau sông sa ma khân păng. Păng ndrel ma rnăk vâl răm maak ngăn, yorlah hŏ chroh jêh ma Brah Ndu.

Kôranh Oh Mon 2:46

Ăp nar, khân păng gơih văch tât ngih brah; jêh ri ntơm bơh ngih aơ tât ta ngih êng, khân păng nkê̆ch piăng let jêh ri sông sa ndrel ma nau răm maak jêh ri ma nuih n'hâm nanê̆,

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 12:18

Ƀiălah ăn khân may sa lĕ ndơ nây tanăp Yêhôva Brah Ndu ta ntŭk Păng lĕ săch, nđâp ma kon bu klâu, kon bu ur, nơm kơl kan bu klâu jêh ri nơm kơl bu ur jêh ri phung Lêvi gŭ tâm ƀon toyh khân may, jêh ri khân may mra hâk răm tanăp Yêhôva Brah Ndu tâm lĕ nau kan khân may hŏ ƀư jêh.

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 16:14

Tâm yan nau rƀŭn, ăn khân may nđâp ma kon bu klâu, kon bu ur khân may, nơm kơl kan bu klâu jêh ri bu ur, phung Lêvi, bu năch, kon đơi, jêh ri bu ur ndrô, răm maak da dê djôt nau rƀŭn nây.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!