II Nau Rêh Jêng 6:41 - Nau Brah Ndu Ngơi 2023

⁴¹ Ơ Yêhôva Brah Ndu! Dâk hom Gay ma Kôranh Brah jêh ri Hip Nau Tâm Rnglăp bêng nau brah May dơi lăp ta ntŭk May rlu! Ơ Yêhôva Brah Ndu! Ăn ma phung kôranh ƀư brah May nsoh nau tâm rklaih, Jêh ri phung blau yơk ma May dơi răm maak Tâm nau ueh May!

II Nau Rêh Jêng 6:41 ပူးပေါင်းရင်းမြစ်များ

I Nau Rêh Jêng 28:2

Hađăch Đavit dâk jêh ri ngơi: “Hơi phung oh nâu jêh ri phung ƀon lan gâp, iăt hom! Gâp geh nau mĭn ndâk du mlâm ngih brah gay dơm Hip Nau Tâm Rnglăp Brah Yêhôva, jêh ri jêng rnơl chrong jâng ma Brah Ndu he. Gâp lĕ ndrăp nkra jêh ndơ dŏng prăp ndâk ngih.

Nêhêmi 9:25

Khân păng sŏk jêh lĕ rplay ƀon pôih nâp ngăn, Neh ueh ngăn, ngih bêng ăp ntil ndơ ueh, Lĕ ntu dak kuyh jêh, Đang krăk ƀâu, đang ôlive jêh ri tơm play âk ngăn. Khân păng sa kŏ hơm jêh ri jêng lay ueh; Khân păng răm maak tâm nau ueh toyh ngăn bơh May.

Nau Mprơ Ơm 110:2

Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

Nau Mprơ Ơm 132:16

Gâp mra sâm nsoh ma phung kôranh ƀư brah ƀon nây nau tâm rklaih, Jêh ri phung klach yơk păng mra nter hâk răm.

Nau Mprơ Ơm 65:11

May sŏk nau ueh ƀư đon hađăch ndô ma năm khay; Lĕ nhuat May hăn rgăn ƀư ma neh jêng ueh.

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

Samƀŭt Pôl Njuăl Ăn Ma Phung Nsing Ta Ƀon Rôm 13:14

Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.

Galati 3:27

Mbu nơm tâm khân may hŏ dơn jêh nau ƀaptem gay jêng phung Brah Krist jêng nsoh Brah Krist yơh.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

Yôsuê 3:13

Tơlah phung kôranh ƀư brah tung Hip Nau Tâm Rnglăp Brah Yêhôva, jêng Kôranh Brah ma lĕ neh ntu, lah jâng khân păng jot tâm dak krong Yurdan, dak krong mâu hôm hoch ôh, jêh ri dak hoch tă bơh tu mra nsŭn ta du ntŭk.”

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 19:8

Bu ăn ur păng nsoh ao bok mhay rhên nchrat ral ngăn jêh ri kloh!” (bok mhay rhên nĕ jêng lĕ kan sŏng srăng phung kloh ueh).