II Nau Rêh Jêng 6:40 - Nau Brah Ndu Ngơi 2023

⁴⁰ Ơ Brah Ndu gâp ơi! Aƀaơ ri, dăn ma măt May uănh treng jêh ri rkêng tôr iăt ma nau mbơh sơm tâm ntŭk aơ.

II Nau Rêh Jêng 6:40 ပူးပေါင်းရင်းမြစ်များ

I Phung Hađăch 8:52

Dăn măt Kôranh Brah uănh treng ma oh mon May jêh ri phung ƀon lan Israel May, rkêng tôr iăt nau mbơh sơm jêh ri nau khân păng vơl tơlah khân păng nter dăn ma May.

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

II Phung Hađăch 19:16

Ơ Brah Yêhôva, dăn ma may rkêng hom tôr jêh ri iăt! Ơ Brah Yêhôva, dăn ma may lin hom măt jêh ri uănh treng! Iăt hom lĕ nau ngơi Y-Sênakêrip njuăl tât gay mưch rmot ma Brah Ndu gŭ rêh mro mrăng.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

II Nau Rêh Jêng 6:20

Dăn măt May uănh ma ngih aơ măng nâm nar, jêng ntŭk May hŏ ton jêh mra dơm amoh May ta nây, jêh ri dăn May rkêng tôr iăt nau oh mon May rle mpeh ntŭk nây gay kuăl mbơh sơm.

II Nau Rêh Jêng 6:39

dăn ma May tă bơh klơ trôk, jêng ntŭk May gŭ, rkêng tôr iăt nau khân păng mbơh sơm vơl dăn, koh dŏng khân păng, jêh ri yô̆ an nau tih phung ƀon lan May ƀư tih jêh đah May.

II Nau Rêh Jêng 7:15

Aƀaơ ri, măt Gâp mra uănh treng, tôr Gâp mra rkêng iăt ma nau bu mbơh sơm tâm ntŭk aơ,

Nêhêmi 1:11

Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nêhêmi 1:6

Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nau Mprơ Ơm 116:2

Gâp mra kuăl mbơh sơm ma Păng lôch nau rêh gâp Yorlah Păng rkêng jêh tôr Păng ma gâp.

Nau Mprơ Ơm 13:3

Ơ Brah Yêhôva Brah Ndu gâp, sek uănh hom jêh ri plơ̆ lah ma gâp. Ăn măt gâp dơi ang, klach lah gâp mra bê̆ch tâm nau khĭt!

Nau Mprơ Ơm 130:2

Ơ Kôranh Brah! Iăt hom bâr gâp kuăl; Dăn tôr May gŭ rkêng ma bâr gâp vơh vơl dăn.

Nau Mprơ Ơm 17:1

Ơ Brah Yêhôva! Dăn gŭ iăt jêh ri sek uănh nau sŏng srăng ma gâp; Gŭ iăt nau gâp nter; Dăn rkêng tôr ma nau gâp mbơh sơm, Tă bơh bâr mbung mâu geh nau ndơm ôh.

Nau Mprơ Ơm 31:2

Dăn Kôranh Brah rkêng tôr iăt ma gâp, Văch gơnh tâm rklaih gâp. Ƀư lŭ toyh ăn ma gâp nde krap, Du pôih nâp ktang gay ma rklaih gâp.

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Mprơ Ơm 7:3

Ơ Brah Yêhôva Brah Ndu gâp, tơlah gâp hŏ ƀư jêh nau nây, Jêh ri mbŭk ti tâm nau kue;

Nau Mprơ Ơm 88:1

Ơ Yêhôva Brah Ndu jêng nau tâm rklaih gâp, Măng nâm nar gâp kuăl dăn tanăp May.

Êsai 37:17

Ơ Brah Yêhôva, rkêng hom tôr jêh ri iăt! Ơ Brah Yêhôva, lin hom măt jêh ri uănh treng! Iăt hom lĕ rngôch nau ngơi Y-Sênakêrip njuăl tât gay mưch rmot ma Brah Ndu gŭ rêh mro mrăng.