II Nau Rêh Jêng 6:4 - Nau Brah Ndu Ngơi 2023

⁴ Păng lah: “Tâm rnê ngăn ma Yêhôva Brah Ndu phung Israel, jêng Nơm hŏ yơr ti ƀư lôch jêh nau ton bơh Păng hŏ ntăm jêh ma Y-Đavit, mbơ̆ gâp. Yorlah Păng lah pô aơ:

II Nau Rêh Jêng 6:4 ပူးပေါင်းရင်းမြစ်များ

I Phung Hađăch 8:15

Hađăch lah: “Tâm rnê ngăn ma Yêhôva Brah Ndu phung Israel, Nơm hŏ ton jêh ma Y-Đavit, mbơ̆ gâp, jêh ri sŏk ti Păng nơm ƀư tât di ngăn lĕ rngôch nau nây. Păng lah pô aơ:

I Nau Rêh Jêng 17:12

Păng yơh mra ndâk du mlâm ngih brah ma Gâp, jêh ri Gâp mra ăn nâp sưng hađăch păng kŏ tât ƀaƀơ n'ho ro.

I Nau Rêh Jêng 29:10

Tra năp lĕ rngôch phung tâm rƀŭn, Y-Đavit mât ton ma Brah Yêhôva pô aơ: “Hơi Yêhôva Brah Ndu chô yau hên jêng Israel! Mât ton ma May kŏ tât ƀaƀơ n'ho ro!

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

II Nau Rêh Jêng 6:15

Ma đah oh mon May jêng Y-Đavit, mbơ̆ gâp; Kôranh Brah djôt prăp nau May hŏ ton ma păng. Nanê̆ ngăn, moh ntil bâr May lah jêh, ma ti May hŏ ƀư lôch jêh di nâm bu hŏ geh nar aơ.

II Nau Rêh Jêng 6:17

Yor nây, Ơ Yêhôva Brah Ndu phung Israel! Ăn nau May hŏ ngơi jêh ma Y-Đavit, oh mon May dơi tât di ngăn.

II Nau Rêh Jêng 6:3

Jêh nây hađăch rle muh măt păng jêh ri ăn nau ueh uĭn ma lĕ rngôch phung Israel, tâm nôk lĕ rngôch phung Israel tâm rƀŭn dâk nsrâng.

II Nau Rêh Jêng 6:5

Ntơm bơh nar Gâp njŭn leo phung ƀon lan Gâp ngluh bơh n'gor bri Êjipt, Gâp ê hŏ săch ôh du rplay ƀon tâm phung ndŭl mpôl Israel gay ndâk du mlâm ngih brah ma amoh Gâp gŭ ta nây, jêh ri Gâp ăt mâu hŏ săch lĕ du huê bunuyh jêng kôranh chiă uănh phung ƀon lan Israel Gâp.

Nêhêmi 8:6

Y-Êsra tâm rnê ma Yêhôva Brah Ndu dŭt prêh, jêh ri lĕ rngôch phung ƀon lan yơr ti klơ gay plơ̆ lah pô aơ: “Amen, Amen,” jêh nây khân păng kŭnh bôk, păn muh măt ta neh gay yơk mbah ma Brah Yêhôva.

Nau Mprơ Ơm 41:13

Mât ton ma Brah Yêhôva Brah Ndu phung Israel, Ntơm bơh rnôk n'ho ro tât rnôk n'ho ro Amen! Amen!

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.