II Nau Rêh Jêng 6:28 - Nau Brah Ndu Ngơi 2023

²⁸ Tơlah tâm n'gor geh nau ji ngot, nau ji tưp, prăng phang, hon sêt-o, krah ndrach mâu lah krah nsăt, mâu lah tơlah phung rlăng nchueng jŭm lĕ mpông ƀon tâm n'gor bri khân păng gŭ, mâu lah geh ăp nau mhĭk mâu lah nau ji,

II Nau Rêh Jêng 6:28 ပူးပေါင်းရင်းမြစ်များ

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

II Nau Rêh Jêng 32:1

Lôch kan aơ jêh ri nau răp jăp Y-Hêsêkia ƀư nây, geh Y-Sênakêrip hađăch Asiri văch tât lăp n'gor Yuđa, nchueng ŭch tâm lơh đah ƀon geh pôih tahan jêh ri đă bu ƀư rai ƀon nây.

II Nau Rêh Jêng 32:24

Tâm lĕ nar nây Y-Hêsêkia ji dăch khĭt. Păng mbơh sơm ma Brah Yêhôva, jêh ri Brah Yêhôva plơ̆ lah jêh ri ăn ma păng du nau tâm mbên.

II Nau Rêh Jêng 6:29

lah geh du huê bunuyh, mâu lah lĕ rngôch phung ƀon lan Israel May, hŏ gĭt năl jêh nau mhĭk jêh ri nau rêh ni păng, jêh ri yơr ti rle mpeh ma ngih aơ mbơh sơm jêh ri dăn moh ntil nau ŭch

II Nau Rêh Jêng 7:13

Tơlah Gâp nchăng lĕ ndâr trôk, mâu ăn tŭp mih; nôk Gâp ntăm ma krah ndrach ƀư rai ndơ tuch tăm; jêh ri nôk Gâp njuăl nau ji kuet tâm phung ƀon lan Gâp;

Yôel 1:11

Hơi phung ƀư mir, bêk prêng hom; Hơi phung tăm tơm krăk ƀâu, nhĭm vơl hom ma ba ƀlê jêh ri ba ôrgơ, Yorlah yan kăch roih tâm mir hŏ roh jêh.

Yôel 2:25

Gâp mra ntrok tay ăn ma khân may Ma lĕ yan geh grăch sa Tă bơh ma krah, ndrŭng n'huk ntâu, ndrŭng rchuăl jêh ri krah nsăt, Jêng phung tahan toyh Gâp hŏ njuăl tât ta nklang khân may.

Kan Lêvi 26:16

Gâp mra ƀư lĕ nau ma khân may: Gâp mra nkhŭt nau krit kir tât ma khân may, nau ji khô hiăn jêh ri nau ji kăt, ƀư vĭr măt khân may jêh ri ƀư rngot nuih n'hâm khân may. Khân may mra huăr srih ntil yorlah phung rlăng đah khân may mra sa lĕ ndơ nây.

Yakơ 5:13

Mbu moh tâm khân may geh nau rêh ni? Bunuyh nây mbơh sơm hom. Mbu moh geh nau răm maak? Tâm rnê hom.

Bu ur Rut 1:1

Tâm rnôk phung kôranh phat dôih, geh nau tât ji ngot hâu tâm bri nây. Geh du huê bu klâu bơh Ƀêtlêhem tâm bri Yuđa ndrel ma ur păng jêh ri bar hê kon bu klâu păng hăn tât gŭ ƀât lât tâm bri Môap.