II Nau Rêh Jêng 6:27 - Nau Brah Ndu Ngơi 2023

²⁷ ta rnôk ri dăn ma May klơ trôk rkêng tôr iăt, yô̆ an ma nau tih phung oh mon May jêh ri ma phung ƀon lan Israel May. Jêh nây tơlah May sâm nti jêh ma khân păng trong di ma khân păng hăn tĭng, dăn ma May ăn dak mih djrah ta klơ neh May ăn jêh ma phung ƀon lan May jêng drăp ndơn.

II Nau Rêh Jêng 6:27 ပူးပေါင်းရင်းမြစ်များ

II Nau Rêh Jêng 7:14

tơlah phung ƀon lan Gâp, jêng phung ƀon lan dơi kuăl ma amoh Gâp, dêh rhêt êng khân păng nơm, mbơh sơm, joi muh măt Gâp jêh ri chalơi trong djơh mhĭk, nôk nây tă bơh klơ trôk Gâp mra rkêng tôr iăt, yô̆ an nau tih khân păng jêh ri ƀư bah n'gor bri khân păng.

Nau Mprơ Ơm 119:33

Ơ Brah Yêhôva, sâm nti gâp trong nau vay ƀư bơh May Pôri gâp mra djôt prăp păng tât lôch.

Nau Mprơ Ơm 25:12

Mbu nơm klach yơk ma Brah Yêhôva? Păng mra ntĭm nti nơm nây tâm trong păng mra săch.

Nau Mprơ Ơm 25:8

Brah Yêhôva jêng ueh jêh ri sŏng, Yor nây, May knŏng nti trong ma phung tih.

Nau Mprơ Ơm 68:9

Ơ Brah Ndu, ăn dak mih tŭp âk ta klơ drăp ndơn May; Tơlah păng sơh kro, May ăn păng sĭt n'hâm suan.

Nau Mprơ Ơm 94:12

Ơ Yêhôva, ueh maak yơh ma bunuyh geh nau Păng nduyh nkra Jêh ri nti nau vay May ăn,

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 42:3

Dăn Yêhôva Brah Ndu may ntĭm ăn ma hên trong hên mra hăn jêh ri kan hên mra ƀư!”

Yêrêmi 5:24

Khân păng mâu lah ôh đah nuih n'hâm păng nơm: ‘He klach yơk hom ma Yêhôva Brah Ndu Nơm hŏ ăn dak mih di yan, Dak mih bôk yan jêh ri dak mih lôch yan, Jêh ri mray ăn phung he Lĕ nar pơh ma yan rek.’

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Êsêkiêl 34:26

Gâp mra ƀư ăn khân păng đah lĕ ntŭk văr jŭm yôk Gâp jêng tu nau ueh uĭn. Gâp mra ăn tŭp dak mih tâm di yan; dak mih nây mra jêng nau ueh uĭn.

Yôel 2:12

Brah Yêhôva lah: “Aƀaơ aơ, plơ̆ sĭt hom ma Gâp ma lĕ nuih n'hâm, Ât hom sông sa, nhhiăng nhĭm jêh ri rngot vơl săk.

Yôel 2:13

Hêk hom nuih n'hâm khân may jêh ri lơi hêk ôh ao. Plơ̆ sĭt hom ma Yêhôva, Brah Ndu khân may, Yorlah Păng ueh, yô̆ nđach, mâu gơnh ji nuih jêh ri ndrŏng ma nau rŏng; Rgâl nau mĭn mâu ƀư mhĭk.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 10:1

Dăn hom ma Brah Yêhôva ăn dak mih yan nglĕ dŭt, Brah Yêhôva mra ƀư nglaih lơp, Jêh ri ăn dak mih âk rmeh, Gay ma ăp nuyh dơi geh biăp n'ha tâm mir.

Yôhan 6:45

Lĕ ndrom samƀŭt mbơh lor geh nchih: ‘Lĕ phung nây Brah Ndu hŏ ntĭm nti da dê.’ Mbu nơm hŏ iăt jêh ri nti ta Mbơ̆ mra văch ma Gâp.