II Nau Rêh Jêng 6:23 - Nau Brah Ndu Ngơi 2023

²³ rnôk nây dăn ma May klơ trôk rkêng tôr iăt jêh ri ƀư an. Dăn phat dôih ma phung oh mon May: mplơ̆ plơng ma bunuyh mhĭk tĭng nâm trong păng jêh ri ƀư ma nau tih păng nkhŭt tay klơ bôk păng nơm, kơp nau sŏng srăng ma bunuyh nơm sŏng srăng jêh ri nkhôm ma păng tĭng nâm nau sŏng srăng păng.

II Nau Rêh Jêng 6:23 ပူးပေါင်းရင်းမြစ်များ

II Phung Hađăch 9:26

‘Brah Yêhôva lah: Nanê̆ ngăn, yorlah nđaơ Gâp hŏ saơ jêh mham Y-Nabôt jêh ri phung kon bu klâu păng pling mham, pôri Gâp mra nhŭp may mplơ̆ hom nau tih ƀư nkhŭt mham ta mir nây.’ Brah Yêhôva phat dôih kơt nĕ. Pôri aƀaơ djôt leo hom săk jăn păng mƀăr lơi tâm mir nây, di nâm Brah Yêhôva ngơi jêh.”

II Nau Rêh Jêng 6:22

Tơlah geh mbu moh ƀư tih đah nơm chiau meng păng nơm jêh ri bu nchâp păng sơm ton, tơlah păng tât ton săk panăp nơng ƀư brah May tâm ngih brah aơ,

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Yêrêmi 51:56

Yorlah nơm ƀư rai hŏ văch tât jêh Tâm lơh đah Babilôn. Phung ktang păng bu nhŭp da dê, Na khân păng pă jêh; Yorlah Yêhôva jêng Brah Ndu nkhôm tâm rmal, N'hêl nanê̆ Păng mra plơng bôk ma nau di.

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Nau Kơp Bunuyh 5:27

Tơlah kôranh ƀư brah lĕ ăn jêh bu ur nhêt dak tăng, tơlah bu ur nây ƀư ƀơ̆ jêh păng nơm jêh ri mâu gŭ răp jăp ôh đah sai păng, pôri dak tăng nau rak rtăp mra lăp tâm săk păng, ƀư ma păng geh nau rêh ni, rngot, ndŭl păng mra pŭk môr jêh ri glet nglu. Bu ur nây mra jêng nau rak rtăp ta nklang phung ƀon lan păng.

Samƀŭt Pôl Njuăl Ăn Ma Phung Nsing Ta Ƀon Rôm 2:8

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.