II Nau Rêh Jêng 6:21 - Nau Brah Ndu Ngơi 2023

²¹ Dăn May rkêng tôr iăt nau oh mon May mbơh sơm jêh ri phung ƀon lan Israel May rle ma ntŭk aơ gay mbơh sơm. Bơh ntŭk gŭ ta klơ trôk, tơlah May hŏ tăng jêh, ăn May sŏk dơn, jêh ri sâm yô̆ an.

II Nau Rêh Jêng 6:21 ပူးပေါင်းရင်းမြစ်များ

II Nau Rêh Jêng 30:27

Pônây, phung kôranh ƀư brah jêng noi Lêvi gŭ dâk ăn nau ueh uĭn ma phung ƀon lan; Brah Ndu dơn bâr khân păng, nau mbơh sơm khân păng hao tât ma ntŭk kloh ueh Kôranh Brah ta klơ trôk.

II Nau Rêh Jêng 6:22

Tơlah geh mbu moh ƀư tih đah nơm chiau meng păng nơm jêh ri bu nchâp păng sơm ton, tơlah păng tât ton săk panăp nơng ƀư brah May tâm ngih brah aơ,

II Nau Rêh Jêng 6:39

dăn ma May tă bơh klơ trôk, jêng ntŭk May gŭ, rkêng tôr iăt nau khân păng mbơh sơm vơl dăn, koh dŏng khân păng, jêh ri yô̆ an nau tih phung ƀon lan May ƀư tih jêh đah May.

Nau Mprơ Ơm 123:1

Kon n'gơr măt n'gĭl uănh ma Brah Ndu, Jêng nơm gŭ ta klơ lĕ ndâr trôk,

Nơm Nti 5:2

May lơi ngăch ir hă mbung, Mâu lĕ ndal ir ngơi moh nau tanăp Brah Ndu, Yorlah Brah Ndu gŭ klơ trôk, Bi may gŭ tâm dâng neh. Pônây, djê̆ ngơi hom.

Êsai 18:4

Yorlah nau Brah Yêhôva lah jêh ma gâp tâm ban pônây: “Bơh ntŭk Gâp dôl gŭ, Gâp mra gŭ rlăk uănh Tâm ban ma duh gring nar nchrat, Tâm ban thŭl dak ngom dôl duh nar yan rek.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Daniel 9:19

Ơ Kôranh Brah, iăt hom! Ơ Kôranh Brah, yô̆ an hom! Ơ Kôranh Brah, uănh ntreng hom jêh ri ƀư! Ơ Brah Ndu gâp, yor amoh May, lơi ta rlu; yorlah ƀon May jêh ri phung ƀon lan May dơi rnha jêh ma amoh May!”

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Mathay 6:12

Yô̆ an ma nau tih hên, Tâm ban ma hên yô̆ an jêh ma bunuyh ƀư tih đah hên;

Mathay 6:9

Pôri, ăn khân may mbơh sơm pô aơ: ‘Ơ Mbơ̆ hên gŭ tâm trôk ơi; Ăn amoh May bu yơk ma nau kloh ueh.