II Nau Rêh Jêng 6:20 - Nau Brah Ndu Ngơi 2023

²⁰ Dăn măt May uănh ma ngih aơ măng nâm nar, jêng ntŭk May hŏ ton jêh mra dơm amoh May ta nây, jêh ri dăn May rkêng tôr iăt nau oh mon May rle mpeh ntŭk nây gay kuăl mbơh sơm.

II Nau Rêh Jêng 6:20 ပူးပေါင်းရင်းမြစ်များ

II Phung Hađăch 19:16

Ơ Brah Yêhôva, dăn ma may rkêng hom tôr jêh ri iăt! Ơ Brah Yêhôva, dăn ma may lin hom măt jêh ri uănh treng! Iăt hom lĕ nau ngơi Y-Sênakêrip njuăl tât gay mưch rmot ma Brah Ndu gŭ rêh mro mrăng.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

II Nau Rêh Jêng 20:9

‘Tơlah nau mhĭk tât ma hên, mâu lah đao tak, mâu lah nau phat dôih, mâu lah nau ji kuet, mâu lah nau ji ngot, hên mra gŭ dâk tanăp ngih aơ jêh ri panăp May (yorlah amoh May gŭ tâm ngih brah aơ), jêh ri vơl dăn ma May dôl hên geh nau rêh ni hâu ngăn, May mra tăng jêh ri tâm rklaih hên.’

II Nau Rêh Jêng 6:19

Nđâp tơlah pônây, hơi Yêhôva Brah Ndu gâp! Dăn May treng uănh ma nau mbơh sơm jêh ri nau vơl dăn oh mon May, dăn rkêng tôr iăt nau nter jêh ri nau vah vơl dăn oh mon May kuăl mbơh sơm tanăp măt May.

II Nau Rêh Jêng 6:40

Ơ Brah Ndu gâp ơi! Aƀaơ ri, dăn ma măt May uănh treng jêh ri rkêng tôr iăt ma nau mbơh sơm tâm ntŭk aơ.

II Nau Rêh Jêng 6:5

Ntơm bơh nar Gâp njŭn leo phung ƀon lan Gâp ngluh bơh n'gor bri Êjipt, Gâp ê hŏ săch ôh du rplay ƀon tâm phung ndŭl mpôl Israel gay ndâk du mlâm ngih brah ma amoh Gâp gŭ ta nây, jêh ri Gâp ăt mâu hŏ săch lĕ du huê bunuyh jêng kôranh chiă uănh phung ƀon lan Israel Gâp.

II Nau Rêh Jêng 6:6

Ƀiălah Gâp hŏ săch jêh Yêrusalem gay dơm amoh Gâp ta nây, jêh ri Gâp hŏ săch jêh Y-Đavit gay chiă uănh phung ƀon lan Israel Gâp.

II Nau Rêh Jêng 7:15

Aƀaơ ri, măt Gâp mra uănh treng, tôr Gâp mra rkêng iăt ma nau bu mbơh sơm tâm ntŭk aơ,

Nêhêmi 1:6

Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nau Mprơ Ơm 121:5

Brah Yêhôva jêng nơm mât mray may; Brah Yêhôva jêng gui nkŭm pa ma may.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Nau Vay Nkah Tay 26:2

pôri ăn khân may sŏk du kô̆ play dak bôk yan tâm n'gor Yêhôva Brah Ndu ăn jêh ma khân may, nklăch tâm du mlâm bĭ, jêh ri djôt leo tât ta ntŭk Yêhôva Brah Ndu khân may mra săch amoh păng gŭ ta nây.

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh