II Nau Rêh Jêng 6:2 - Nau Brah Ndu Ngơi 2023

² Ƀiălah gâp ndâk jêh du ngih brah jêng du ntŭk gŭ ma May, du ntŭk prăp ma May gŭ n'ho ro.”

II Nau Rêh Jêng 6:2 ပူးပေါင်းရင်းမြစ်များ

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

I Phung Hađăch 8:13

Ƀiălah gâp ndâk jêh ma May du ngih brah toyh ueh ngăn ngên, Du ntŭk prăp ma May gŭ n'ho ro.”

I Nau Rêh Jêng 17:12

Păng yơh mra ndâk du mlâm ngih brah ma Gâp, jêh ri Gâp mra ăn nâp sưng hađăch păng kŏ tât ƀaƀơ n'ho ro.

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

I Nau Rêh Jêng 28:6

Păng lah ma gâp pô aơ: ‘Y-Salômôn, kon bu klâu may mra ndâk ngih brah jêh ri lĕ ndring ngih Gâp, yorlah Gâp hŏ săch jêh păng ăn jêng kon Gâp, jêh ri Gâp mra jêng mbơ̆ păng

II Nau Rêh Jêng 1:4

(Ƀiălah Y-Đavit hŏ tung leo jêh Hip Nau Tâm Rnglăp Brah Ndu tă bơh Kiriat-Jêarim tât ma ntŭk Y-Đavit hŏ ndrăp nkra jêh ăn ma hip, yorlah păng hŏ ndâk jêh du mlâm ngih bok ma Hip Nau Tâm Rnglăp ta ƀon Yêrusalem).

II Nau Rêh Jêng 6:1

Nôk nây, Y-Salômôn mbơh sơm: “Hơi Brah Yêhôva, May lah jêh pô aơ May mra gŭ tâm ndâr tŭk mbâl.

II Nau Rêh Jêng 6:3

Jêh nây hađăch rle muh măt păng jêh ri ăn nau ueh uĭn ma lĕ rngôch phung Israel, tâm nôk lĕ rngôch phung Israel tâm rƀŭn dâk nsrâng.

Êsra 7:15

May mra djôt leo ndrel may mah jêh ri prăk hađăch jêh ri phung kơl nchră păng ŭch nhhơr ma Brah Ndu phung Israel, Nơm dôl gŭ ta Yêrusalem,

Êsra 7:16

nđâp ma lĕ rngôch prăk, mah may dơi sŏk rgum geh jêh ta bri Babilôn, ndrel ma ndơ nhhơr bơh phung ƀon lan jêh ri phung kôranh ƀư brah nđơr êng nhhơr ma ngih Brah Ndu khân păng ta Yêrusalem.

Nau Mprơ Ơm 132:5

Kŏ tât rnôk gâp joi dơi saơ du ntŭk ma Brah Yêhôva, Du ntŭk gŭ ma Nơm Geh Lĕ Nau Brah Yakôb.”

Nau Mprơ Ơm 135:21

Tâm rnê hom ma Brah Yêhôva bơh Siôn Jêng Nơm gŭ ta Yêrusalem! Halêluya!

Êsêkiêl 46:10

Hađăch ndrel phung ƀon lan mra hăn lăp du tơ̆ jêh ri tơlah phung ƀon lan du luh hađăch ăt du luh đŏng.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.