II Nau Rêh Jêng 6:18 - Nau Brah Ndu Ngơi 2023

¹⁸ Ƀiălah ngăn lĕ! Brah Ndu geh gŭ ndrel ma bunuyh tâm neh ntu aơ? Ri, trôk, jêh ri lĕ ndâr trôk ta klơ dŭt prêh mâm dĭng mâu dơi tŏng prăp ma Kôranh Brah, rlau lơn ma ngih brah gâp hŏ ndâk jêh ta aơ!

II Nau Rêh Jêng 6:18 ပူးပေါင်းရင်းမြစ်များ

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

II Nau Rêh Jêng 2:5

Gâp ntơm ndâk ngih brah jêng toyh ueh ngăn ngên, yorlah Brah Ndu hên jêng toyh lơn ma lĕ rngôch brah.

II Nau Rêh Jêng 2:6

Ƀiălah, mbu nơm dơi ndâk ngih brah ma Păng? Yorlah lĕ ndâr trôk, nđâp ma lĕ ndâr trôk ta klơ dŭt prêh mâu dơi đŏng tŏng prăp ma Păng! Pônây, mbu nơm gâp jêng, dĭng dơi ndâk du mlâm ngih brah ăn Kôranh Brah? Knŏng ŭch ndâk du mlâm ngih brah prăp gŭch ndơ ƀâu kah tanăp Păng rĭ dơm.

II Nau Rêh Jêng 32:15

Yor ri aƀaơ, lơi ăn Y-Hêsêkia mplư ndơm jêh ri mƀruh khân may kơt nĕ. Lơi ta khân may iăt nau păng, yorlah tâm lĕ rngôch ndŭl mpôl bunuyh mâu hôm geh brah mâu lah ƀon bri hađăch êng dơi rklaih phung ƀon lan păng bơh ti gâp mâu lah bơh ti chô yau gâp, mâm dĭng Brah Ndu khân may dơi tâm rklaih khân may bơh ti gâp!”

II Nau Rêh Jêng 6:17

Yor nây, Ơ Yêhôva Brah Ndu phung Israel! Ăn nau May hŏ ngơi jêh ma Y-Đavit, oh mon May dơi tât di ngăn.

II Nau Rêh Jêng 6:19

Nđâp tơlah pônây, hơi Yêhôva Brah Ndu gâp! Dăn May treng uănh ma nau mbơh sơm jêh ri nau vơl dăn oh mon May, dăn rkêng tôr iăt nau nter jêh ri nau vah vơl dăn oh mon May kuăl mbơh sơm tanăp măt May.

Ndrom Samƀŭt bơh Yôp 4:19

N'hơn lah phung gŭ tâm chuanh neh uk, Ndâk njêng mbon klơ ndruyh neh, Bu jot plên nâm bu mpôl nchiăr reh!

Ndrom Samƀŭt bơh Yôp 9:14

Pônây, gâp mbu nơm jêng dĭng gâp dơi plơ̆ lah ma Păng, Tĭng joi rplay ngơi gay tâm rlăch đah Păng?

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Mathay 12:6

Ƀiălah Gâp lah ma khân may, ta aơ, geh du huê Nơm yơk lơn ma ngih brah.

Mathay 7:11

Kơt nây, tơlah khân may jêng bunuyh mhĭk, hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ khân may gŭ klơ trôk mâu mra ăn ndơ ueh ma mbu nơm dăn ma Păng mâm ƀư?

Kôranh Oh Mon 17:24

Brah Ndu jêng Nơm rhăk njêng neh ntu jêh ri lĕ rngôch mpô mpa gŭ rêh tâm nây, jêng Kôranh ma trôk jêh ri neh ntu, Păng mâu gŭ ôh tâm lĕ jây rhŏ brah tă bơh ti bunuyh ƀư.

II Kôrintô 12:2

Gâp gĭt năl du huê bunuyh tâm Brah Krist, geh jât ma puăn năm rlau jêh, bu chông păng hao klơ ndâr trôk rơh pe (mâu lah tâm săk jăn, mâu lah padih săk jăn bunuyh, gâp mâu gĭt, Brah Ndu gĭt).