II Nau Rêh Jêng 6:17 - Nau Brah Ndu Ngơi 2023

¹⁷ Yor nây, Ơ Yêhôva Brah Ndu phung Israel! Ăn nau May hŏ ngơi jêh ma Y-Đavit, oh mon May dơi tât di ngăn.

II Nau Rêh Jêng 6:17 ပူးပေါင်းရင်းမြစ်များ

II Nau Rêh Jêng 6:14

Păng lah: “Ơ Yêhôva Brah Ndu phung Israel! Ta klơ trôk jêh ri tâm neh ntu, mâu geh brah êng tâm ban Kôranh Brah. May djôt prăp nau tâm rnglăp jêh ri nau ueh ma phung oh mon May, jêng phung chuat hăn tanăp măt May ma lĕ nuih n'hâm khân păng.

II Nau Rêh Jêng 6:16

Ơ Yêhôva Brah Ndu phung Israel! May hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, djôt prăp nau vay Gâp ntăm tâm ban may hŏ ƀư jêh tanăp Gâp, may mâu mra pưt ôh du huê bunuyh gŭ ta sưng hađăch phung Israel.’ Aƀaơ aơ, dăn May djôt prăp nau May hŏ ton.

II Nau Rêh Jêng 6:18

Ƀiălah ngăn lĕ! Brah Ndu geh gŭ ndrel ma bunuyh tâm neh ntu aơ? Ri, trôk, jêh ri lĕ ndâr trôk ta klơ dŭt prêh mâm dĭng mâu dơi tŏng prăp ma Kôranh Brah, rlau lơn ma ngih brah gâp hŏ ndâk jêh ta aơ!

II Nau Rêh Jêng 6:4

Păng lah: “Tâm rnê ngăn ma Yêhôva Brah Ndu phung Israel, jêng Nơm hŏ yơr ti ƀư lôch jêh nau ton bơh Păng hŏ ntăm jêh ma Y-Đavit, mbơ̆ gâp. Yorlah Păng lah pô aơ:

Nau Ngluh Êjipt 24:10

khân păng saơ Brah Ndu Israel. Tâm dâng jâng Păng geh du ntil ndơ tâm ban ma du ndơl lŭ saphir rsang nâm bu trôk nđôch.

Êsai 41:17

Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Êsai 45:3

Gâp mra ăn ma may jay ndơ khlay ndâp, Drăp ndơ bu prăp tâm ntŭk ndâp, Gay ma dơi gĭt Gâp yơh jêng Yêhôva Brah Ndu, Brah Ndu phung Israel, Nơm hŏ kuăl amoh may.

Yêrêmi 11:5

Pôri, Gâp dơi ƀư nau ton jêh Gâp hŏ ton ma phung chô yau khân may, jêng ăn ma khân păng du n'gor bri bêng ma dak toh jêh ri dak sŭt, nâm bu hŏ geh jêh nar aơ.’” Gâp plơ̆ lah: “Ơ Brah Yêhôva! Amen!”

Phung Kôranh Phat Dôih 13:11

Y-Manôa ndal hăn tĭng ur păng, jêh ri tơlah hăn văch dăch bunuyh nây, păng lah ma păng: “Di lĕ may jêng nơm hŏ ngơi jêh ma bu ur aơ?” Păng lah: “Di ngăn, gâp nơm.”