II Nau Rêh Jêng 6:16 - Nau Brah Ndu Ngơi 2023

¹⁶ Ơ Yêhôva Brah Ndu phung Israel! May hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, djôt prăp nau vay Gâp ntăm tâm ban may hŏ ƀư jêh tanăp Gâp, may mâu mra pưt ôh du huê bunuyh gŭ ta sưng hađăch phung Israel.’ Aƀaơ aơ, dăn May djôt prăp nau May hŏ ton.

II Nau Rêh Jêng 6:16 ပူးပေါင်းရင်းမြစ်များ

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 6:12

“Bi ma ngih brah may dôl ƀư aơ, tơlah may tông tĭng nâm lĕ nau vay dăp bơh Gâp, tĭng lĕ nau vay Gâp ƀư, djôt prăp jêh ri chuat hăn tĭng lĕ rngôch nau vay ntăm bơh Gâp, Gâp mra ƀư ma may nau ton Gâp hŏ ngơi jêh ma Y-Đavit, mbơ̆ may.

II Nau Rêh Jêng 13:5

Khân may mâu gĭt hĕ, yorlah tă bơh nau tâm rnglăp đah boh, Yêhôva Brah Ndu Israel hŏ ăn jêh nau dơi chiă uănh bri dak Israel ma Y-Đavit jêh ri ăn ma phung kon bu klâu păng kŏ tât ƀaƀơ n'ho ro ƀơh?

II Nau Rêh Jêng 21:7

Ƀiălah, yorlah Brah Yêhôva hŏ ƀư jêh nau tâm rnglăp đah Y-Đavit, Păng hŏ ton mra ăn du mlâm ŭnh kađen ma Y-Đavit jêh ri ăn tât ma phung kon sau păng kŏ tât ƀaƀơ n'ho ro, yor ri Păng mâu ŭch ƀư rai ngih Y-Đavit.

II Nau Rêh Jêng 23:3

Lĕ rngôch phung tâm rƀŭn ƀư nau tâm rnglăp đah hađăch tâm ngih Brah Ndu. Y-Jêhôida lah ma khân păng pô aơ: “Aơ, kon bu klâu hađăch, păng mra chiă uănh tĭng nâm nau Brah Yêhôva ngơi jêh ma phung kon sau Y-Đavit.

II Nau Rêh Jêng 6:17

Yor nây, Ơ Yêhôva Brah Ndu phung Israel! Ăn nau May hŏ ngơi jêh ma Y-Đavit, oh mon May dơi tât di ngăn.

II Nau Rêh Jêng 7:17

Bi may, tơlah may chuat hăn panăp Gâp nâm bu mbơ̆ may jêng Y-Đavit hŏ chuat hăn jêh, ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

II Nau Rêh Jêng 7:18

pôri Gâp mra ƀư ma sưng hađăch may dơi nâp nâm bu nau tâm rnglăp Gâp ƀư jêh đah Y-Đavit, mbơ̆ may pô aơ: ‘May mâu mra pưt ôh bunuyh chiă uănh phung Israel.’

Nau Mprơ Ơm 119:1

Ueh maak yơh phung mâu hôm geh bu dơi nduyh tâm trong khân păng, Phung hăn tĭng nau vay Brah Yêhôva.

Nau Mprơ Ơm 119:9

Mâm bunuyh mom mra ƀư tâm trong păng nơm gay geh nau kloh? Ăn njrăng ƀư tĭng nau ngơi Kôranh Brah.

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Nau Mprơ Ơm 132:12

Tơlah phung kon may djôt prăp nau Gâp tâm rnglăp Jêh ri nau Gâp ntĭnh mra nti ma khân păng, Pôri phung kon khân păng Mra gŭ ta sưng hađăch may tât n'ho ro.”

Nau Mprơ Ơm 26:3

Yor nau ueh Kôranh Brah gŭ tanăp măt gâp, Jêh ri gâp hăn tâm trong nau ngăn May.

Êsêkiêl 36:37

Kôranh Brah Yêhôva lah: ‘Gâp ŭch ngih Israel dăn ma Gâp gay Gâp ƀư ăn nau aơ: Nây jêng Gâp mra ntop âk phung ƀon lan khân păng nâm bu du phung biăp.