II Nau Rêh Jêng 6:14 - Nau Brah Ndu Ngơi 2023

¹⁴ Păng lah: “Ơ Yêhôva Brah Ndu phung Israel! Ta klơ trôk jêh ri tâm neh ntu, mâu geh brah êng tâm ban Kôranh Brah. May djôt prăp nau tâm rnglăp jêh ri nau ueh ma phung oh mon May, jêng phung chuat hăn tanăp măt May ma lĕ nuih n'hâm khân păng.

II Nau Rêh Jêng 6:14 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

Nau Ntơm 35:10

Brah Ndu lah: “Moh săk may jêng Y-Yakôb, ƀiălah may mâu dơi kuăl Y-Yakôb đŏng ôh, ƀiălah amoh may mra jêng Y-Israel.” Jêh nây Brah Ndu ntơ amoh păng Y-Israel.

Nau Ntơm 5:24

Y-Ênŏk hăn ndrel Brah Ndu, jêh nây roh klăk, yorlah Brah Ndu vơt chông păng.

II Samuel 7:22

Yor ri, hơi Kôranh Brah Yêhôva! May jêng toyh, mâu geh nơm tâm rđĭl nâm bu May. Tĭng nâm lĕ nau hên tăng jêh ma tôr hên, rlau ma May mâu geh Brah Ndu êng ôh.

I Phung Hađăch 18:36

Tât jêh mông nhhơr ndơ ƀư brah rnih môi kêng mhaơ, nơm mbơh lor Y-Êli văch dăch jêh ri mbơh sơm pô aơ: “Hơi Yêhôva Brah Ndu Y-Abraham, Y-Isăk jêh ri Y-Israel. Nar aơ ăn lĕ rngôch bunuyh gĭt pô aơ tâm phung Israel May jêng Brah Ndu, gâp jêng oh mon May, jêh ri gâp tông bâr May gay ƀư lĕ rngôch nau aơ.

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Phung Hađăch 6:12

“Bi ma ngih brah may dôl ƀư aơ, tơlah may tông tĭng nâm lĕ nau vay dăp bơh Gâp, tĭng lĕ nau vay Gâp ƀư, djôt prăp jêh ri chuat hăn tĭng lĕ rngôch nau vay ntăm bơh Gâp, Gâp mra ƀư ma may nau ton Gâp hŏ ngơi jêh ma Y-Đavit, mbơ̆ may.

I Phung Hađăch 8:23

“Hơi Yêhôva, Brah Ndu Israel! Mâu geh brah êng klơ trôk prêh ri mâu lah tâm dâng neh ntu aơ tâm ban May. Kôranh Brah djôt prăp nau tâm rnglăp jêh ri nuih n'hâm ueh ma phung oh mon May, jêng phung lĕ nuih n'hâm chuat hăn tanăp măt May.

I Nau Rêh Jêng 29:10

Tra năp lĕ rngôch phung tâm rƀŭn, Y-Đavit mât ton ma Brah Yêhôva pô aơ: “Hơi Yêhôva Brah Ndu chô yau hên jêng Israel! Mât ton ma May kŏ tât ƀaƀơ n'ho ro!

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

II Nau Rêh Jêng 20:6

mbơh sơm pô aơ: “Ơ Yêhôva Brah Ndu phung che hên! Mâu di hĕ May jêng Kôranh Brah gŭ ta klơ lĕ ndâr trôk? Mâu di hĕ May jêng Nơm chiă uănh ma lĕ rngôch ntil mpôl bunuyh bơh lĕ rngôch bri dak? Tâm ti May geh nau brah jêh ri nau ktang, pôri mâu geh du huê dơi tâm rdâng ôh đah May.

II Nau Rêh Jêng 6:17

Yor nây, Ơ Yêhôva Brah Ndu phung Israel! Ăn nau May hŏ ngơi jêh ma Y-Đavit, oh mon May dơi tât di ngăn.

Nêhêmi 1:5

Hơi Yêhôva Brah Ndu klơ lĕ ndâr trôk, jêng Brah Ndu dŭt toyh jêh ri di ma nau rnam klach yơk, jêng Nơm djôt prăp nau tâm rnglăp jêh ri nuih n'hâm ueh ma mbu nơm ŭch rŏng jêh ri djôt prăp lĕ nau vay ntăm bơh Păng!

Nau Mprơ Ơm 86:8

Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Mprơ Ơm 89:28

Gâp mra prăp nau ueh Gâp ma păng n'ho ro, Jêh ri ƀư nau Gâp tâm rnglăp đah păng dơi nâp.

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ơm 89:8

Ơ Brah Yêhôva Brah Ndu ma phung tahan, Mbu nơm geh nau brah tâm ban ma May? Ơ Brah Yêhôva, nau răp jăp May gŭ văr jŭm May.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Nau Ngluh Êjipt 8:6

Y-Arôn yơr ti tâm lĕ tu dak n'gor Êjipt jêh ri kĭt vơr hao nkŭm lam neh.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 10:6

“Ơ Brah Yêhôva, mâu geh nơm dơi tâm rđĭl đah May! May toyh ngăn ngên, Amoh May dŭt prêh brah toyh.

Daniel 9:4

Pôri gâp mbơh sơm ma Yêhôva Brah Ndu gâp jêh ri mbơh nau tih ma Păng: “Ơ Kôranh Brah, Brah Ndu dŭt prêh klơ jêh ri khư ma nau klach, Nơm djôt prăp nau tâm rnglăp jêh ri nau rŏng ma phung rŏng ma May jêh ri djôt prăp nau vay ntăm bơh May.

Luka 1:50

Jêh ri Păng yô̆ nđach ma phung bunuyh klach yơk mbah ma Păng, Ntơm bơh rnôk aơ tât rnôk ri.

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,

Nau Vay Nkah Tay 3:24

‘Hơi Yêhôva Brah Ndu, May hŏ ntơm mpơl jêh ma oh mon May saơ nau chrêk rmah jêh ri ti nau brah May. Yorlah, mbu brah klơ trôk mâu lah ta neh ntu dơi ƀư lĕ nau kan jêh ri ƀư nau brah tâm ban ma May?

Nau Vay Nkah Tay 4:39

Pôri nar aơ ăn khân may gĭt jêh ri djôt prăp hom tâm nuih n'hâm khân may pô aơ, tâm trôk ta klơ jêh ri ta neh ntu tâm dâng, Brah Yêhôva jêng Brah Ndu, mâu hôm geh nơm êng ôh.

Nau Vay Nkah Tay 7:9

Yor ri, ăn khân may gĭt năl Yêhôva Brah Ndu khân may jêng Brah Ndu, Brah Ndu răp jăp, Nơm djôt prăp nau tâm rnglăp jêh ri nau ueh tât âk rbăn rô̆ nuyh ma lĕ phung rŏng ma Păng jêh ri djôt prăp nau vay Păng ntăm.

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.