II Nau Rêh Jêng 6:13 - Nau Brah Ndu Ngơi 2023

¹³ (Păng hŏ ƀư jêh du mlâm râng ƀư ma kông, jong bar met n'gul, dĭ bar met n'gul, prêh du met n'gul, n'gân ta nklang vâl nhuang; jêh ri păng dâk ta nây, jêh nây chon kômâk tra năp măt phung Israel tâm rƀŭn, păng yơr ti klơ trôk.)

II Nau Rêh Jêng 6:13 ပူးပေါင်းရင်းမြစ်များ

I Phung Hađăch 6:36

Hađăch ndâk đŏng nhuang tâm trôm ngih brah đah pe mbor lŭ khlay lĕ trah mon nau njêh ngăn jêh ri du mbor rkăng ma tơm si sêdar.

I Phung Hađăch 7:12

Ta văr jŭm nhuang toyh geh pe mbor lŭ toyh lĕ trah jêh ri du mbor njon rkăng ma tơm si sêdar, tâm ban ma nhuang tâm trôm jêh ri ndring panăp ngih brah Brah Yêhôva.

I Phung Hađăch 8:54

Tơlah Y-Salômôn hŏ nhhơr ma Brah Yêhôva lĕ nau mbơh sơm jêh ri nau vơl dăn aơ lôch jêh, hađăch dâk tanăp nơng ƀư brah Brah Yêhôva, ntŭk hađăch hŏ chon kômâk jêh ri yơr bar ti leo klơ trôk.

II Nau Rêh Jêng 4:9

Păng ƀư du nhuang tâm trôm ma phung kôranh ƀư brah, nhuang vâl huy, lĕ mpông ta bar nhuang vâl bu mblum ma kông da dê.

II Nau Rêh Jêng 6:12

Y-Salômôn dâk panăp nơng ƀư brah Brah Yêhôva, tanăp lĕ rngôch phung Israel tâm rƀŭn jêh ri păng yơr ti gay mbơh sơm.

Êsra 9:5

Tât jêh mông nhhơr ƀư brah kêng mhaơ, gâp dâk tă bơh ntŭk rêh ni bêk prêng, ao tâm dâng jêh ri ao jong lĕ hêk jêh, jêh ri gâp chon kômâk, yơr ti gâp rle mpeh Yêhôva Brah Ndu gâp

Nêhêmi 1:4

Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Nêhêmi 8:4

Kôranh nchih samƀŭt Y-Êsra dâk ta klơ gre ƀư ma ndap si bu ƀư rnôk nây; Y-Matithia, Y-Sêma, Y-Maseya, Y-Anaya, Y-Urija, Y-Hilkia, jêh ri Y-Maseya dâk dăch păng, bi mpeh pa chiau păng geh: Y-Pêdaya, Y-Misaêl, Y-Malkija, Y-Hasum, Y-Hasbadana, Y-Sakari, jêh ri Y-Mêsulam

Nau Mprơ Ơm 95:6

Văch hom kŭnh gay yơk mbah ma Brah Yêhôva; Chon mon hom kômâk tanăp Nơm Rhăk Njêng he!

Nau Ngluh Êjipt 9:29

Y-Môis lah: “Lah gâp luh jêh bơh ƀon, gâp mra yơr ti gâp ma Brah Yêhôva; nglaih mra nsrŭng, mih tŭp pler mra bah ro gay ma may gĭt n'gor aơ jêng ndơ Brah Yêhôva.

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Luka 22:41

Păng hăn tă bơh phung oh mon ƀah klăp lah klŭp mƀăr glo lŭ jêh ri chon kômâk mbơh sơm

Kôranh Oh Mon 20:36

Jêh păng lah pônây, Y-Pôl chon kômâk jêh ri mbơh sơm ndrel ma lĕ rngôch phung nây.

Kôranh Oh Mon 21:5

Tơlah lĕ nar hên gŭ njưh ta nây, hên hăn trong tay. Lĕ rngôch phung oh mon ndrel ma phung ur kon khân păng njŭn hên tât padih ƀon, jêh nây lĕ rngôch hên chon kômâk ta kơh dak mƀŭt jêh ri mbơh sơm.