II Nau Rêh Jêng 6:12 - Nau Brah Ndu Ngơi 2023

¹² Y-Salômôn dâk panăp nơng ƀư brah Brah Yêhôva, tanăp lĕ rngôch phung Israel tâm rƀŭn jêh ri păng yơr ti gay mbơh sơm.

II Nau Rêh Jêng 6:12 ပူးပေါင်းရင်းမြစ်များ

II Phung Hađăch 11:14

Păng saơ hađăch gŭ dâk êp meh n'gâng prêh tĭng nâm nau vay rƀŭn, geh phung kôranh jêh ri phung bunuyh uh nŭng gŭ dâk êp kêng hađăch. Lĕ rngôch phung ƀon lan tâm n'gor hâk răm da dê ta nklang bâr nŭng huy ngăn. H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr ro yơh!”

II Phung Hađăch 23:3

Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

II Nau Rêh Jêng 6:11

Ta nây, gâp hŏ dơm jêh Hip geh nau tâm rnglăp Brah Yêhôva ƀư jêh đah phung ƀon lan Israel.”

II Nau Rêh Jêng 6:13

(Păng hŏ ƀư jêh du mlâm râng ƀư ma kông, jong bar met n'gul, dĭ bar met n'gul, prêh du met n'gul, n'gân ta nklang vâl nhuang; jêh ri păng dâk ta nây, jêh nây chon kômâk tra năp măt phung Israel tâm rƀŭn, păng yơr ti klơ trôk.)

Ndrom Samƀŭt bơh Yôp 11:13

Pônây tơlah may ndrăp nuih n'hâm may nơm ăn jêng sŏng. Jêh ri yơr ti rle mpeh Kôranh Brah,

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Mprơ Ơm 143:6

Gâp yơr ti let mpeh ma May; Huêng gâp ji hir ma May nâm bu neh sơh. (Sêla)

Nau Mprơ Ơm 28:2

Tơlah gâp yơr ti rle mpeh ma ntŭk dĭ kloh ueh Kôranh Brah Gay dăn ma May, Dăn iăt hom bâr gâp kuăl vah vơl.

Nau Mprơ Ơm 63:4

Pôri gâp mra tâm rnê lah ueh ma May lĕ nau rêh gâp; Tâm amoh May, gâp mra yơr ti.

Nau Mprơ Ơm 68:31

Ndơ nhhơr ma hađăch mra djôt tă bơh Êjipt, Phung Êthiôpi mra gơnh yơr ti mpeh ma Brah Ndu.

Nau Ngluh Êjipt 9:33

Y-Môis luh bơh Pharaôn, hăn padih ƀon, yơr ti păng ma Brah Yêhôva; nglaih jêh ri mih tŭp pler nsrŭng; trôk mâu hôm mih đŏng ôh.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.