II Nau Rêh Jêng 5:13 - Nau Brah Ndu Ngơi 2023

¹³ Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

II Nau Rêh Jêng 5:13 ပူးပေါင်းရင်းမြစ်များ

I Nau Rêh Jêng 16:4

Hađăch săch bunuyh Lêvi pah kan tanăp Hip Nau Tâm Rnglăp Brah Yêhôva gay ăn khân păng kuăl mbơh sơm, tâm rnê, jêh ri mât ton ma Yêhôva Brah Ndu Israel:

II Nau Rêh Jêng 20:21

Hađăch tâm chră jêh đah phung ƀon lan jêh ri păng dơm phung mprơ gay mât ton ma Brah Yêhôva. Khân păng nsoh ao kloh ueh, n'ho chuat panăp phung tahan n'ho tâm rnê Brah Ndu pô aơ: “Tâm rnê lah ueh hom ma Brah Yêhôva, Yorlah nau ueh Păng hôm e tât ƀaƀơ n'ho ro.”

II Nau Rêh Jêng 20:22

Tơlah khân păng ntơm mprơ tâm rnê, Brah Yêhôva dơm du phung gŭ kâp dâp hăn lơh ma phung tahan dôl hăn lơh phung Yuđa jêng phung Ammôn, phung Môap jêh ri phung gŭ ta yôk Sêir, jêh ri ƀư ăn phung tahan nây roh rai.

II Nau Rêh Jêng 7:1

Tơlah Y-Salômôn mbơh sơm lôch jêh, ŭnh tă bơh trôk su ndơ ƀư brah gŭch jêh ri mpa ƀư brah. Nau chrêk rmah Brah Yêhôva bêng ngih brah.

II Nau Rêh Jêng 7:2

Phung kôranh ƀư brah mâu dơi lăp tâm ngih Brah Yêhôva, yor nau chrêk rmah Brah Yêhôva bêng ler ngih brah Păng.

II Nau Rêh Jêng 7:3

Lĕ rngôch phung ƀon lan Israel saơ da dê ŭnh tă klơ jêh ri nau chrêk rmah Brah Yêhôva bêng ngih brah. Khân păng păn ta neh, nkŭp muh măt ta klơ mbon ngih, yơk mbah jêh ri tâm rnê ma Brah Yêhôva pô aơ: “Yorlah Kôranh Brah jêng ueh, Nuih n'hâm ueh Păng hôm gŭ ƀaƀơ n'ho ro!”

II Nau Rêh Jêng 7:6

Phung kôranh ƀư brah gŭ dâk tâm ntŭk khân păng. Bi phung Lêvi djôt gong dŏng ma Brah Yêhôva, jêng ndơ hađăch Đavit hŏ ƀư jêh gay tâm rnê ma Brah Yêhôva, ăp tơ̆ Y-Đavit ntĭnh ma khân păng tâm rnê: “Yorlah nuih n'hâm ueh Păng hôm ƀaƀơ n'ho ro!” Phung kôranh ƀư brah uh nŭng tanăp măt khân păng, jêh ri lĕ rngôch phung Israel gŭ dâk.

Êsra 3:11

Khân păng mprơ tâm rdơn ndrăng khân păng gay mât ton jêh ri tâm rnê lah ueh ma Brah Yêhôva pô aơ: “Păng ueh ngăn, Nuih n'hâm yô̆ nđach Păng đah phung Israel hôm kŏ tât ƀaƀơ n'ho ro!” Jêh nây lĕ rngôch bunuyh ƀon lan ma du bâr nter huy toyh, tâm rnê Brah Yêhôva, yorlah mbon ngih Brah Yêhôva dơi ndâk njêng jêh.

Nêhêmi 12:27

Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nau Mprơ Ơm 100:5

Yorlah Brah Yêhôva jêng ueh, Nau ueh Păng hôm geh mro mrăng Jêh ri nau răp jăp Păng hôm gŭ n'ho ro.

Nau Mprơ Ơm 106:1

Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 118:1

Tâm rnê hom ma Brah Yêhôva yorlah Păng jêng ueh; Yorlah nuih n'hâm ueh Păng hôm ƀaƀơ n'ho ro.

Nau Mprơ Ơm 150:3

Tâm rnê hom ma Păng ma bâr nŭng, Tâm rnê hom ma Păng ma dĭng rlet jêh ri ma gong rêng!

Nau Mprơ Ơm 150:5

Tâm rnê hom ma Păng ndơ rgu ăn nteh huy ngăn, Dong ăn nteh gay tâm rnê Păng!

Nau Mprơ Ơm 22:4

Phung chô yau hên rnơm nsing ntŭk Kôranh Brah, Khân păng rnơm nsing ma May jêh ri dơi tâm rklaih.

Nau Mprơ Ơm 81:2

Sŏk hom ma bâr mprơ jêh ri goh gâr jê̆, Kreh gong rêng găl jêh ri uh rlet.

Nau Ngluh Êjipt 29:43

Gâp mra tâm mâp đah phung ƀon lan Israel ta nây; ntŭk nây mra dơi kloh ueh ma nau chrêk rmah Gâp.

Êsai 52:8

Phung gak may troh mprơ, Khân păng troh n'grŭp ma nau maak; Yorlah khân păng mra saơ rah vah ma măt Brah Yêhôva plơ̆ sĭt tay ma ƀon Siôn.

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Samƀŭt Pôl Njuăl Ăn Ma Phung Nsing Ta Ƀon Rôm 15:6

gay ma khân may geh du nuih n'hâm, du bâr gay tâm rnê Brah Ndu, jêng Mbơ̆ Kôranh Brah he jêng Brah Yêsu Krist.

Nau Tâm Mpơl 15:8

Ngih brah bêng ma nhhŭk ŭnh tă bơh nau chrêk rmah Brah Ndu jêh ri nau brah Păng; mâu geh ôh du huê klăp dơi lăp tâm ngih brah kŏ tât pơh ntil nau rêh ni tă bơh pơh nuyh tông mpăr lĕ lôch jêh.