II Nau Rêh Jêng 5:12 - Nau Brah Ndu Ngơi 2023

¹² jêh ri lĕ mpôl mprơ tâm phung Lêvi, jêng Y-Asap, Y-Hêman, Y-Jêduthun ndrel kon bu klâu jêh ri oh nâu khân păng, nsoh bok ao ma bok mhay rhên, djôt rgu dang nteh ăn huy, gong rêng loih, jêh ri gong rêng gŭ mpeh luh nar nơng ƀư brah ndrel ma du rhiăng bar jât nuyh phung kôranh ƀư brah jêng phung uh nŭng.

II Nau Rêh Jêng 5:12 ပူးပေါင်းရင်းမြစ်များ

I Nau Rêh Jêng 13:8

Y-Đavit jêh ri lĕ rngôch phung Israel hâk răm âk ngăn, pâl ntalơ̆ tanăp Brah Ndu ma nau mprơ, kreh gong rêng loih, gong rêng, gâr jê̆, ching ndrup tâm nchâm, jêh ri uh nŭng.

I Nau Rêh Jêng 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, jêh ri Y-Êliêser jêng phung kôranh ƀư brah mra uh nŭng tanăp Hip Nau Tâm Rnglăp Brah Ndu; Bi Y-Ôbet-Êđôm jêh ri Y-Jêhia tâm ban đŏng jêng phung mât njrăng mpông pêr ma Hip Nau Tâm Rnglăp.

I Nau Rêh Jêng 15:27

Y-Đavit jêh ri lĕ rngôch phung Lêvi tung Hip Nau Tâm Rnglăp, phung mprơ jêh ri kôranh ma phung mprơ jêng Y-Kênania nsoh da dê ao jâr bok mhay rhên. Y-Đavit nsoh tay êphôt ƀư ma bok mhay.

I Nau Rêh Jêng 23:30

Ăp ôi jêh ri kêng mhaơ, khân păng mra dâk ta nây tâm rnê jêh ri mât ton ma Brah Yêhôva.

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

I Nau Rêh Jêng 6:33

Nây jêng phung pah kan nđâp ma phung kon sau khân păng: Tâm phung kon sau Y-Kôhat geh Y-Hêman jêng nơm mprơ, kon Y-Yôel, Y-Yôel kon Y-Samuel,

I Nau Rêh Jêng 6:39

Oh Y-Hêman jêng Y-Asap pah kan mpeh pa ma păng. Y-Asap kon Y-Bêrêkia, Y-Bêrêkia kon bu klâu Y-Simêa,

II Nau Rêh Jêng 29:25

Hađăch dơm phung Lêvi tâm ngih Brah Yêhôva djôt dang, gong rêng jêh ri n'hôm, tĭng nâm nau vay ntrŭnh bơh Y-Đavit, jêh ri Y-Gat, jêng nơm geh nau tâm saơ ma hađăch, jêh ri bơh nơm mbơh lor Y-Nathan ntăm; yorlah nau ntrŭnh nây luh bơh Brah Yêhôva dŏng bâr mbung phung nơm mbơh lor Păng ntĭm nti.

II Nau Rêh Jêng 29:26

Phung Lêvi gŭ dâk djôt ndơ mprơ Y-Đavit jêh ri phung kôranh ƀư brah djôt nŭng.

II Nau Rêh Jêng 7:6

Phung kôranh ƀư brah gŭ dâk tâm ntŭk khân păng. Bi phung Lêvi djôt gong dŏng ma Brah Yêhôva, jêng ndơ hađăch Đavit hŏ ƀư jêh gay tâm rnê ma Brah Yêhôva, ăp tơ̆ Y-Đavit ntĭnh ma khân păng tâm rnê: “Yorlah nuih n'hâm ueh Păng hôm ƀaƀơ n'ho ro!” Phung kôranh ƀư brah uh nŭng tanăp măt khân păng, jêh ri lĕ rngôch phung Israel gŭ dâk.

Nau Mprơ Ơm 149:3

Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

Nau Mprơ Ơm 50:1

Nơm geh nau brah jêng Brah Ndu, jêng Brah Yêhôva, Lah jêh ri kuăl lĕ rngôch bunuyh Ntơm bơh mpeh nar luh kŏ tât mpeh nar nhâp.

Nau Mprơ Ơm 62:1

Huêng gâp gŭ rlu mpăn ntŭk du huê Brah Ndu; Nau tâm rklaih gâp văch tă bơh Păng.

Nau Mprơ Ơm 68:25

Phung mprơ hăn lor, phung kreh gong rêng tĭng groi kơi, Tâm nklang jêng phung bu ur dong gâr jê̆ goh gâr.

Nau Mprơ Ơm 88:1

Ơ Yêhôva Brah Ndu jêng nau tâm rklaih gâp, Măng nâm nar gâp kuăl dăn tanăp May.

Nau Mprơ Ơm 92:3

Klơ gong rêng jât rse jêh ri klơ gong rêng loih Nđâp ma rlet.

Nau Tâm Mpơl 15:6

Pơh nuyh tông mpăr djôt pơh ntil nau rêh ni hăn luh tă bơh ngih brah, nsoh ao bok mhay kloh rsang chrat ang, rêt ma rse mah ta ntang ntơh.

Nau Tâm Mpơl 19:8

Bu ăn ur păng nsoh ao bok mhay rhên nchrat ral ngăn jêh ri kloh!” (bok mhay rhên nĕ jêng lĕ kan sŏng srăng phung kloh ueh).