II Nau Rêh Jêng 4:19 - Nau Brah Ndu Ngơi 2023

¹⁹ Y-Salômôn ƀư jêh lĕ rngôch ndơ dŏng tâm ngih Brah Ndu geh: nơng ƀư brah ma mah, lĕ sưng n'gân piăng let nhhơr;

II Nau Rêh Jêng 4:19 ပူးပေါင်းရင်းမြစ်များ

II Phung Hađăch 24:13

Di ngăn nâm bu nau Brah Yêhôva hŏ lah, hađăch Babilôn sŏk lĕ rngôch drăp ndơ khlay tâm ngih Brah Yêhôva jêh ri lĕ drăp ndơ khlay tâm ngih hađăch, mbang nchah lĕ ndơ dŏng ma mah, Y-Salômôn, hađăch Israel, hŏ ƀư jêh ngih brah ma Brah Yêhôva.

I Nau Rêh Jêng 28:16

Hađăch tâm nal đŏng rnoh mah ma lĕ sưng prăp ma piăng let nhhơr, jêh ri rnoh prăk ma lĕ sưng ma prăk;

II Nau Rêh Jêng 2:3

Y-Salômôn njuăl nơm mbơh hăn gay lah ma Y-Hiram, hađăch ƀon Tyre: “May hŏ ăn jêh tơm si sêdar ma Y-Đavit, mbơ̆ gâp, gay ndâk ngih hađăch, pônây lĕ sâm ƀư ăn ma gâp đŏng.

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

II Nau Rêh Jêng 36:18

Lĕ rngôch ndơ dŏng jê̆ toyh tâm ngih Brah Ndu, lĕ drăp ndơ khlay ngih Brah Yêhôva, drăp ndơ hađăch, jêh ri phung kôranh păng, lĕ rngôch djôt leo ma Babilôn da dê.

II Nau Rêh Jêng 4:8

Păng ƀư đŏng jât mlâm sưng dơm tâm ngih brah: prăm mlâm pa ma jêh ri prăm mlâm pa chiau. Păng ƀư đŏng du rhiăng mlâm ngan grưng ma mah.

Yêrêmi 28:3

Tâm bar năm nĕ, Gâp mra djôt plơ̆ sĭt ma ntŭk aơ lĕ rngôch ndơ dŏng tâm ngih Brah Yêhôva, ndơ Y-Nêbukatnetsar, hađăch Babilôn, hŏ sŏk rdu jêh bơh ntŭk aơ jêh ri leo ma ƀon Babilôn.’

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Mathay 12:4

Păng lăp tâm ngih Brah Ndu jêh ri sa piăng let nhhơr, piăng let nây păng jêh ri phung hăn ndrel păng mâu dơi vay sa ôh, knŏng prăp êng ma phung kôranh ƀư brah.

Nau Tâm Mpơl 8:3

Geh du huê tông mpăr êng djôt khăl mah ndơ ƀâu kah văch dăch nơng ƀư brah. Bu ăn ma păng âk ndơ ƀâu kah gay ma păng nhhơr ndrel ma lĕ nau mbơh sơm bơh lĕ rngôch phung kloh ueh ta nơng ƀư brah mah gŭ panăp sưng hađăch.

Nau Tâm Mpơl 9:13

Tông mpăr rơh prao uh nŭng, gâp tăng du bâr luh bơh puăn njônh nơng ƀư brah mah gŭ tanăp Brah Ndu.