II Nau Rêh Jêng 34:9 - Nau Brah Ndu Ngơi 2023

⁹ Phung nây hăn tâm mâp ma Y-Hilkia, kôranh ƀư brah toyh lơn, jêh ri jao prăk bu nhhơr jêh ma ngih Brah Ndu ma păng, jêng prăk phung Lêvi mât mray mpông ngih brah, hŏ dơn jêh tă bơh ti phung Manasê, phung Êphraim, jêh ri tă bơh lĕ rngôch phung Israel hôm klen, bơh lĕ rngôch phung Yuđa, phung Benjamin jêh ri bơh phung gŭ tâm ƀon Yêrusalem.

II Nau Rêh Jêng 34:9 ပူးပေါင်းရင်းမြစ်များ

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

II Nau Rêh Jêng 30:10

Phung njŭn samƀŭt hăn bơh ƀon aơ tât ƀon ri, tâm lam n'gor Êphraim, Manasê, jêh ri tât ta neh Sabulôn, ƀiălah bu gơm mưch, suai rak ma khân păng.

II Nau Rêh Jêng 30:18

Yorlah geh âk bunuyh, tâm phung ƀon lan phung Êphraim, Manasê, Isakar, jêh ri Sabulôn ê hŏ ƀư kloh khân păng nơm ôh, ƀiălah ăt khân păng sa rƀŭn Nau Găn, mâu tĭng kơt ôh nau vay bu hŏ nchih jêh. Yor nây Y-Hêsêkia mbơh sơm ma khân păng pô aơ:

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

II Nau Rêh Jêng 34:10

Khân păng jao prăk nây ma phung mât uănh nau kan tâm ngih Brah Yêhôva. Khân păng pă ăn lĕ rngôch phung nkra tay ngih brah ăn mhe;

II Nau Rêh Jêng 34:18

Kôranh nchih samƀŭt Y-Saphan mbơh ma hađăch: “Y-Hilkia, kôranh ƀư brah geh ăn ma gâp du ndrom samƀŭt.” Y-Saphan răk samƀŭt nây tanăp hađăch.

II Nau Rêh Jêng 34:20

Hađăch ntrŭnh nau ntăm ma Y-Hilkia, ma Y-Ahikam, kon bu klâu Y-Saphan, Y-Apdôn kon bu klâu Y-Mika, Y-Saphan kôranh nchih samƀŭt jêh ri Y-Asaya oh mon hađăch:

II Nau Rêh Jêng 34:22

Y-Hilkia jêh ri lĕ phung hađăch hŏ đă, hăn mâp ma H'Hulda nơm mbơh lor bu ur jêng ur Y-Salum, nơm chiă mât jrô prăp bok ao, kon bu klâu Y-Tôkhat, sau Y-Hasra. Bu ur nây gŭ tâm nkual mrô bar ta ƀon Yêrusalem. Khân păng ngơi đah bu ur nây tĭng nâm nau hađăch hŏ lah jêh.

II Nau Rêh Jêng 35:8

Lĕ phung kôranh ăt tâm ban lĕ du ai ăn mpô mpa ma phung ƀon lan, ăn ma phung kôranh ƀư brah jêh ri phung Lêvi. Y-Hilkia, Y-Sakari, jêh ri Y-Jêhiêl, jêng phung mât uănh ngih brah Brah Ndu, ăn phung kôranh ƀư brah, bar rbăn prao rhiăng mlâm biăp jêh ri pe rhiăng mlâm ndrôk gay dŏng tâm rƀŭn Nau Găn.

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.