II Nau Rêh Jêng 34:4 - Nau Brah Ndu Ngơi 2023

⁴ Tanăp măt hađăch, bu ƀư rlâm lơi lĕ nơng ƀư brah Baal, jêh ri kăl lơi lĕ nơng ƀư brah su ndơ ƀâu kah gŭ ta klơ nơng brah Baal nây; jêh ri chah hăch rhên lĕ rup brah Asêrim, rup ndah, jêh ri rup bu tŏ chiăr; păng jot rchiăt tât môi rup nây, jêh ri sui ta klơ môch phung ƀư brah ma rup nây.

II Nau Rêh Jêng 34:4 ပူးပေါင်းရင်းမြစ်များ

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

II Nau Rêh Jêng 14:5

Păng chalơi đŏng lĕ rngôch ntŭk prêh klơ jêh ri nơng ƀư brah nhhơr ndơ ƀâu kah luh tă bơh lĕ ƀon phung Yuđa. Bri dak nây geh nau đăp mpăn dôl păng chiă uănh.

II Nau Rêh Jêng 30:14

Khân păng ntơm phă lĕ nơng bu ndâk ma brah êng tâm ƀon Yêrusalem jêh ri lĕ rngôch nơng ƀư brah su ndơ ƀâu kah jêh ri klŭp mƀăr ndơ nây tâm rlŭng Kidrôn.

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

II Nau Rêh Jêng 33:22

Păng ƀư nau mhĭk tanăp măt Brah Yêhôva, nâm bu Y-Manasê, mbơ̆ păng hŏ ƀư jêh. Y-Amôn nhhơr mpa ƀư brah ma lĕ rngôch rup trah Y-Manasê, mbơ̆ păng ƀư jêh, jêh ri pah kan ma phung rup brah nây.

II Nau Rêh Jêng 33:3

Y-Manasê ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma brah Baal, ƀư lĕ rup ma bu ur brah Asêrah, yơk mbah ma lĕ rngôch mănh mbing klơ trôk jêh ri pah kan ma phung nây.

II Nau Rêh Jêng 34:33

Y-Jôsia sŏk mƀăr lĕ rngôch ndơ ƀơ̆ ƀơch tă bơh bri dak Israel jêh ri đă lĕ rngôch phung gŭ tâm bri Israel pah kan ma Yêhôva Brah Ndu khân păng. Du bông Y-Jôsia gŭ rêh, khân păng tĭng mro Yêhôva Brah Ndu phung chô yau khân păng, mâu ntlơi Păng ôh.

II Nau Rêh Jêng 34:7

păng ƀư rlâm lĕ nơng ƀư brah jêh ri jot rchiăt tât môi lĕ rngôch rup brah Asêrim, rup brah trah, jêh ri rup tŏ chiăr, kăl nchôt lĕ rngôch nơng ƀư brah tâm lam bri Israel. Jêh ri păng plơ̆ sĭt ma ƀon Yêrusalem.

Nau Mprơ Ơm 18:42

Gâp ƀư lêk khân păng nâm bu neh muy mpăr tâm sial, Nkhŭt khân păng nâm bu neh bŏk rŏ trong.

Nau Ngluh Êjipt 23:24

Lơi chon mbah jêh ri pah kan ma phung brah khân păng; lơi kơt nau kan khân păng ƀư. Ăn kon ƀư rai lĕ ƀhiau phung brah jêh ri mbang hăch ăn lĕ n'gâng khân păng mbah.

Nau Ngluh Êjipt 32:20

Y-Môis sŏk rup ndrôk kon khân păng hŏ tŏ jêh ri su tâm ŭnh, păng ƀư hăch jêng rnih jêh nây nkhŭt rnih nây tâm n'hor dak jêh ri ăn phung ƀon lan Israel nhêt.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Mika 1:5

Lĕ rngôch nau nây jêng yor nau Yakôb ƀư tih Jêh ri yor nau tih ngih Israel. Moh nau Yakôb ƀư tih? Mâm mâu di jêng ƀon Samari? Moh ndơ lĕ ntŭk prêh bơh phung Yuđa? Mâm mâu di jêng ƀon Yêrusalem?

Nau Vay Nkah Tay 7:25

Ăn khân may su ma ŭnh lĕ rup brah khân păng. Lơi kơnh ôh jêh nây sŏk ma khân may nơm prăk mâu lah mah ta klơ rup nây, klach lah khân may tŭp tâm dăk sân, yorlah nây jêng ndơ tâm rmot đah Yêhôva Brah Ndu khân may.

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.

Nau Vay Nkah Tay 9:21

Gâp djôt ndơ tih khân may, jêng rup kon ndrôk, su ndơ nây tâm ŭnh, nchah lơi ăn hăch, kĭn lơi kŏ se jêng rnih nâm bu ndruyh jêh nây nkhŭt ndruyh nây tâm n'hor dak hoch tă bơh klơ yôk.