II Nau Rêh Jêng 34:3 - Nau Brah Ndu Ngơi 2023

³ Năm rơh pham rô̆ păng chiă uănh, dôl păng hôm mom, păng ntơm joi Brah Ndu Y-Đavit, che păng. Tâm năm rơh jât ma bar, păng ntơm ƀư kloh n'gor Yuđa jêh ri ƀon Yêrusalem, mƀăr lơi lĕ ntŭk prêh, rup brah Asêrim, rup brah trah jêh ri rup tŏ chiăr.

II Nau Rêh Jêng 34:3 ပူးပေါင်းရင်းမြစ်များ

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

II Phung Hađăch 10:27

Khân păng ƀư rlâm lơi n'gâng mbah brah Baal jêh ri ƀư rai ngih brah Baal, plăch jêng du ntŭk ek chrach tât ma nar aơ.

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

II Phung Hađăch 23:14

Păng nchah lơi hăch rhên lĕ n'gâng mbah, kăl lơi lĕ rup Asêrim, jêh ri bun bêng nting ta lĕ ntŭk nây.

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

I Nau Rêh Jêng 22:5

Y-Đavit lah: “Y-Salômôn, kon bu klâu gâp, hôm ndăm jêh ri ê hŏ blau kan, ƀiălah ngih brah mra ndâk ma Brah Yêhôva toyh ngăn ngên, chrêk rmah jêh ri lư n'găr lam bri dak. Pônây, gâp mra ndrăp ma păng.” Yor ri, Y-Đavit ndrăp âk ngăn ndơ dŏng êlor păng khĭt.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

I Nau Rêh Jêng 29:1

Y-Đavit lah ma lĕ rngôch phung tâm rƀŭn: “Y-Salômôn, kon gâp, knŏng êng păng Brah Ndu hŏ săch jêh, hôm ndăm jêh ri hom pưt nau gĭt mĭn, jêh ri kan jêng toyh; yorlah ngih brah nây mâu di ndâk ma bunuyh ôh, ƀiălah mra prăp ma Yêhôva Brah Ndu.

II Nau Rêh Jêng 14:6

Păng ndâk njêng âk ƀon mpêr nâp ngăn tâm bri Yuđa, yorlah n'gor bri nây geh nau đăp mpăn. Tâm rnôk nây mâu geh ôh nau tâm lơh, yorlah Brah Yêhôva hŏ ăn jêh ma khân păng rlu đăp mpăn.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 30:14

Khân păng ntơm phă lĕ nơng bu ndâk ma brah êng tâm ƀon Yêrusalem jêh ri lĕ rngôch nơng ƀư brah su ndơ ƀâu kah jêh ri klŭp mƀăr ndơ nây tâm rlŭng Kidrôn.

II Nau Rêh Jêng 33:15

Y-Manasê mƀăr lơi phung brah bu năch jêh ri rup brah luh bơh ngih Brah Yêhôva; hađăch mƀăr lơi đŏng lĕ rngôch nơng ƀư brah păng hŏ ƀư jêh ta klơ yôk geh ngih Brah Yêhôva jêh ri ta ƀon Yêrusalem, jêh ri klŭp mƀăr ndơ nây padih ƀon.

II Nau Rêh Jêng 33:17

Nđâp lah pônây, phung ƀon lan ăt hôm e nhhơr ndơ ƀư brah ta lĕ ntŭk prêh ta klơ, nđâp lah knŏng nhhơr ăn Yêhôva Brah Ndu khân păng dơm.

II Nau Rêh Jêng 33:22

Păng ƀư nau mhĭk tanăp măt Brah Yêhôva, nâm bu Y-Manasê, mbơ̆ păng hŏ ƀư jêh. Y-Amôn nhhơr mpa ƀư brah ma lĕ rngôch rup trah Y-Manasê, mbơ̆ păng ƀư jêh, jêh ri pah kan ma phung rup brah nây.

II Nau Rêh Jêng 34:33

Y-Jôsia sŏk mƀăr lĕ rngôch ndơ ƀơ̆ ƀơch tă bơh bri dak Israel jêh ri đă lĕ rngôch phung gŭ tâm bri Israel pah kan ma Yêhôva Brah Ndu khân păng. Du bông Y-Jôsia gŭ rêh, khân păng tĭng mro Yêhôva Brah Ndu phung chô yau khân păng, mâu ntlơi Păng ôh.

Nau Mprơ Ơm 119:9

Mâm bunuyh mom mra ƀư tâm trong păng nơm gay geh nau kloh? Ăn njrăng ƀư tĭng nau ngơi Kôranh Brah.

Nau Mprơ Ơm 71:5

Yorlah, ơ Kôranh Brah jêng Brah Yêhôva, May jêng nau kâp gân Jêh ri jêng nau gâp rnơm nsing bơh hôm mom.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Nau Hôr 20:11

Kan kon se ƀư, mâu lah nau kloh mâu lah nau di, Tâm mpơl da dê đah nau păng ƀư.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Nơm Nti 12:1

Tâm năm mom ndăm, Kah gĭt hom ma Nơm Rhăk Njêng may, Êlor ma lĕ nar mhĭk văch tât; Êlor ma lĕ năm khay dăch tât May ngơi pô aơ: “Nuih n'hâm gâp mâu saơ nau maak ôh;”

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Mika 1:5

Lĕ rngôch nau nây jêng yor nau Yakôb ƀư tih Jêh ri yor nau tih ngih Israel. Moh nau Yakôb ƀư tih? Mâm mâu di jêng ƀon Samari? Moh ndơ lĕ ntŭk prêh bơh phung Yuđa? Mâm mâu di jêng ƀon Yêrusalem?

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

II Timôthê 3:15

jêh ri bơh rnôk may hôm jêng kon se may gĭt jêh Nau Brah Ndu Ngơi ơm geh dơi ƀư ăn may blau mĭn gay geh nau tâm rklaih yor ma nau chroh tâm Brah Yêsu Krist.