II Nau Rêh Jêng 33:9 - Nau Brah Ndu Ngơi 2023

⁹ Ƀiălah, Y-Manasê nsŭk nsôr phung Yuđa jêh ri phung gŭ tâm ƀon Yêrusalem, kŏ tât khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

II Nau Rêh Jêng 33:9 ပူးပေါင်းရင်းမြစ်များ

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 15:26

Păng ƀư nau mhĭk tanăp măt Brah Yêhôva, hăn tĭng tâm trong chô yau păng, ƀư tih tâm ban Y-Jêrôbôam hŏ ƀư tih jêh ri nsŭk phung Israel ƀư tih tay đŏng.

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Phung Hađăch 23:26

Nđâp lah pônây, Brah Yêhôva mâu rngơt ôh nau Păng ji nuih, jêng nau ji nuih tâm rdâng đah phung Yuđa, yorlah lĕ rngôch nau tih toyh bơh Y-Manasê lok lôr Păng.

II Nau Rêh Jêng 28:19

Yorlah hađăch Yuđa geh nau tih, Brah Yêhôva hŏ n'glưh lơi Yuđa, yorlah Y-Ahas hŏ nsŭk ăn phung Yuđa ƀư blă blơ jêh ri ƀư tih jru đah Brah Yêhôva.

II Nau Rêh Jêng 33:10

Brah Yêhôva hŏ lah ma Y-Manasê jêh ri phung ƀon lan păng, ƀiălah khân păng mâu meng ôh.

II Nau Rêh Jêng 33:2

Păng ƀư nau mhĭk tanăp măt Brah Yêhôva, tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 33:8

Tơlah phung Israel mât mray ƀư tĭng lĕ rngôch nau vay dăp jêh ri nau vay ƀư, Gâp hŏ dŏng jêh Y-Môis ntĭm nti khân păng, pôri Gâp mâu mra ăn ma mpang jâng phung Israel luh du tă bơh n'gor Gâp hŏ ăn jêh ma phung chô yau khân păng.”

Nau Hôr 29:12

Tơlah kôranh chiă uănh iăt nau ngơi mƀruh, Pôri lĕ rngôch phung oh mon păng jêng djơh.

Êsêkiêl 5:7

Yor ri, Yêhôva Brah Ndu lah: ‘Yorlah khân may dăng ko lơn ma phung ntil mpôl gŭ jŭm khân may, mâu chuat ôh tĭng nau vay dăp Gâp, mâu lĕ ŭch djôt prăp nau vay ƀư bơh Gâp; rlau ma nĕ nau vay ƀư phung ntil mpôl bunuyh gŭ jŭm khân may, khân may ăt mâu dơi tĭng lĕ.’

Kan Lêvi 18:24

Lơi ƀư ƀơ̆ ƀơch khân may nơm tă bơh kan nây ôh, yorlah tă bơh lĕ kan nây phung ƀon lan jêng ƀơ̆ ƀơch jêh ri Gâp dăch nsot khân păng du bơh khân may.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Nau Vay Nkah Tay 2:21

Khân păng jêng du phung ƀon lan toyh, âk, toyh juat nâm phung Anakim. Ƀiălah Brah Yêhôva hŏ ƀư rai jêh khân păng tanăp măt phung Ammôn. Phung Ammôn mprơh lơi phung ƀon lan nây jêh ri gŭ ntrok ntŭk khân păng.

Yôsuê 24:8

Jêh nây, Gâp njŭn khân may mŭt ta n'gor phung Amôrit, gŭ kơh đah ri dak krong Yurdan. Khân păng tâm lơh đah khân may, jêh ri Gâp jao khân păng tâm ti khân may. Khân may pit sŏk bri khân păng ƀư drăp ndơn khân may, jêh ri Gâp ƀư rai khân păng bơh khân may.