II Nau Rêh Jêng 33:7 - Nau Brah Ndu Ngơi 2023

⁷ Păng ƀư rup brah jêh ri n'gân tâm ngih Brah Ndu, jêng ntŭk Brah Ndu lah jêh ma Y-Đavit jêh ri ma Y-Salômôn, kon bu klâu păng, pô aơ: “Tâm ngih brah aơ jêh ri ta ƀon Yêrusalem, jêng ƀon Gâp hŏ săch jêh tâm lĕ rngôch ndŭl mpôl phung Israel, Gâp mra dơm amoh Gâp gŭ n'ho ro.

II Nau Rêh Jêng 33:7 ပူးပေါင်းရင်းမြစ်များ

II Nau Rêh Jêng 33:4

Păng ndâk lĕ nơng ƀư brah tâm ngih Brah Yêhôva jêng ntŭk Brah Yêhôva hŏ lah: “Amoh Gâp mra gŭ tâm ƀon Yêrusalem n'ho ro.”

II Nau Rêh Jêng 7:16

yorlah aƀaơ aơ Gâp hŏ săch jêh ri ƀư kloh ueh ma ngih brah aơ gay ma amoh Gâp gŭ ta nây n'ho ro; măt jêh ri nuih n'hâm Gâp mra gŭ ta nây n'ho ro.

Nau Mprơ Ơm 78:68

Ƀiălah Păng săch mpôl băl Yuđa, Jêng yôk Siôn jêng yôk Păng rŏng.

II Nau Rêh Jêng 33:15

Y-Manasê mƀăr lơi phung brah bu năch jêh ri rup brah luh bơh ngih Brah Yêhôva; hađăch mƀăr lơi đŏng lĕ rngôch nơng ƀư brah păng hŏ ƀư jêh ta klơ yôk geh ngih Brah Yêhôva jêh ri ta ƀon Yêrusalem, jêh ri klŭp mƀăr ndơ nây padih ƀon.

II Nau Rêh Jêng 6:6

Ƀiălah Gâp hŏ săch jêh Yêrusalem gay dơm amoh Gâp ta nây, jêh ri Gâp hŏ săch jêh Y-Đavit gay chiă uănh phung ƀon lan Israel Gâp.

II Phung Hađăch 23:6

Păng sŏk lĕ rup brah Asêrah tă bơh ngih Brah Yêhôva luh padih ƀon Yêrusalem, tât ta n'hor dak Kidrôn, ta nây lĕ su ndơ nây ma ŭnh jêh ri juh se tât lêk, jêh nây mƀăr lơi ndơ môi nây ta klơ môch phung ƀon lan.

I Phung Hađăch 11:32

Ƀiălah yor ma oh mon Gâp jêng Y-Đavit jêh ri yor Yêrusalem, ƀon Gâp hŏ săch jêh ta nklang lĕ rngôch ndŭl mpôl phung Israel, rĭ dĭng hôm klen du ndŭl mpôl ma noi deh Y-Salômôn.

I Phung Hađăch 11:13

Nđâp tơlah pônây, Gâp mâu mra sŏk ôh lĕ rngôch ƀon bri hađăch tă bơh păng; ƀiălah yor Y-Đavit, oh mon Gâp, jêh ri yor Yêrusalem ntŭk Gâp hŏ săch jêh, Gâp mra ăn tay ma du ndŭl mpôl kon bu klâu may.”

I Phung Hađăch 8:48

tơlah tâm n'gor phung rlăng khân păng, ta ntŭk khân păng ƀư dĭk bu, khân păng lĕ nuih n'hâm lĕ nau mĭn ŭch plơ̆ tay ma May, mbơh sơm ma May, rle mpeh ma n'gor Kôranh Brah lĕ ăn jêh ma phung chô yau khân păng, mpeh ƀon May hŏ săch jêh ri ma ngih brah gâp ndâk jêh ma amoh May,

I Phung Hađăch 8:44

Tơlah phung ƀon lan Kôranh Brah du luh nau tâm lơh đah phung rlăng khân păng ta moh ntŭk May prơh khân păng hăn, tơlah khân păng mbơh sơm ma Brah Yêhôva rle mpeh ma ƀon May hŏ săch jêh ri ngih brah gâp ndâk jêh ma amoh May,

I Phung Hađăch 8:29

Dăn măt Kôranh Brah nar jêh ri măng uănh treng ngih aơ, jêng ntŭk Kôranh Brah hŏ lah pô aơ: ‘Amoh Gâp gŭ ta nây,’ gay tăng nau mbơh sơm oh mon May rle mpeh ntŭk aơ.

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Nau Ngluh Êjipt 20:4

Kon mâu dơi ƀư ma may nơm du mlâm rup brah tĭng nâm rup lĕ mpa tâm trôk ta klơ, mâu lah ta neh ntu, mâu lah tâm dak tâm dâng neh ntu.

Phung Kôranh Phat Dôih 17:3

Y-Mika mplơ̆ sĭt du rbăn du rhiăng glo prăk nây ma mê̆ păng. Mê̆ păng lah: “Gâp nhhơr prăk ma Brah Yêhôva gay kon bu klâu gâp tŏ du mlâm rup trah. Pôri aƀaơ gâp mra mplơ̆ sĭt păng ma may.”

I Phung Hađăch 12:28

Jêh nây nchră mĭn, hađăch ntrŭnh ƀư bar mlâm ndrôk kon ma mah, jêh ri păng lah ma phung ƀon lan: “Khân may hăn hao Yêrusalem jêr ngăn! Hơi Israel! Aơ jêng phung brah khân may, hŏ njŭn leo khân may du luh bơh Êjipt.”

II Nau Rêh Jêng 6:5

Ntơm bơh nar Gâp njŭn leo phung ƀon lan Gâp ngluh bơh n'gor bri Êjipt, Gâp ê hŏ săch ôh du rplay ƀon tâm phung ndŭl mpôl Israel gay ndâk du mlâm ngih brah ma amoh Gâp gŭ ta nây, jêh ri Gâp ăt mâu hŏ săch lĕ du huê bunuyh jêng kôranh chiă uănh phung ƀon lan Israel Gâp.