II Nau Rêh Jêng 33:3 - Nau Brah Ndu Ngơi 2023

³ Y-Manasê ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma brah Baal, ƀư lĕ rup ma bu ur brah Asêrah, yơk mbah ma lĕ rngôch mănh mbing klơ trôk jêh ri pah kan ma phung nây.

II Nau Rêh Jêng 33:3 ပူးပေါင်းရင်းမြစ်များ

I Phung Hađăch 14:23

Khân păng ndâk đŏng ăn ma khân păng nơm lĕ ntŭk prêh klơ, n'gâng mbah jêh ri rup brah Asêrah ta klơ lĕ gôl yôk prêh jêh ri tâm dâng lĕ tơm si dŭt pŭm.

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Phung Hađăch 21:3

Păng ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma Baal, ndâk rup brah Asêrah nâm bu Y-Ahap, hađăch Israel, ƀư jêh. Păng chon mbah jêh ri yơk mbah ma lĕ rngôch mănh mbing.

II Phung Hađăch 23:11

Păng mƀăr lơi lĕ rngôch rup seh phung hađăch Yuđa prăp nhhơr ma nar, ta ntŭk mpông lăp ngih Brah Yêhôva, dăch jrô kôranh bu char Y-Nathan-Mêlek, tâm ndring ngih brah. Hađăch su ma ŭnh ndeh seh hŏ prăp nhhơr ma nar.

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

II Nau Rêh Jêng 28:24

Y-Ahas rgum lĕ ndơ dŏng tâm ngih Brah Ndu jêh ri dong chah lơi, jêh ri nchăng mpông ngih Brah Yêhôva. Jêh nau nây, păng ndâk ma păng nơm nơng ƀư brah tâm ăp njônh tâm ƀon Yêrusalem.

II Nau Rêh Jêng 30:14

Khân păng ntơm phă lĕ nơng bu ndâk ma brah êng tâm ƀon Yêrusalem jêh ri lĕ rngôch nơng ƀư brah su ndơ ƀâu kah jêh ri klŭp mƀăr ndơ nây tâm rlŭng Kidrôn.

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

II Nau Rêh Jêng 32:12

Mâu hĕ di Y-Hêsêkia aơ yơh lĕ sŏk mƀăr lơi jêh ta lĕ ntŭk prêh jêh ri nơng ƀư brah ma Păng jêh nây ntĭnh phung ƀon lan Yuđa jêh ri Yêrusalem pô aơ: ‘Khân may knŏng yơk mbah panăp du mlâm nơng jêh ri knŏng su ndơ ƀâu kah ta klơ nơng nây dơm ƀơh’?

II Nau Rêh Jêng 33:15

Y-Manasê mƀăr lơi phung brah bu năch jêh ri rup brah luh bơh ngih Brah Yêhôva; hađăch mƀăr lơi đŏng lĕ rngôch nơng ƀư brah păng hŏ ƀư jêh ta klơ yôk geh ngih Brah Yêhôva jêh ri ta ƀon Yêrusalem, jêh ri klŭp mƀăr ndơ nây padih ƀon.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

II Nau Rêh Jêng 34:25

Yorlah khân păng chalơi jêh Gâp, gŭch ndơ ƀâu kah ăn ma phung brah êng, sŏk lĕ rngôch kan ti khân păng ƀư gay nsônh nau Gâp ji nuih, yor ri yơh nau ji nuih Gâp mra nkhŭt ta ntŭk aơ, mâu dơi rhân ôh.’

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Nơm Nti 2:19

Mbu nơm dơi gĭt đŏng bunuyh nây blau mĭn mâu lah rluk? Nđâp tơlah păng mra mât uănh lĕ rngôch nau kan gâp hŏt rgănh jêh ri blau mĭn ƀư tâm dâng nar. Nau nây ăt jêng nau dơm dam.

Nơm Nti 9:18

Nau blau mĭn ueh lơn ma lĕ rngôch moh ndô ndơ tâm lơh, Ƀiălah du huê bunuyh tih ƀư rai lơi âk ntil kan ueh.

Yêrêmi 17:2

Gay kon sau khân păng kah gĭt tay ma nơng ƀư brah Jêh ri lĕ n'gâng mbah Asêrim, Êp lĕ pŭm si âk n'ha Ta klơ lĕ dor prêh.

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Kôranh Oh Mon 7:42

Pôri, Brah Ndu mâu hôm n'gĭl măt ma khân păng jêh ri jao khân păng ăn yơk mbah ma phung tahan tâm trôk, tĭng nâm hŏ nchih jêh tâm lĕ ndrom samƀŭt phung nơm mbơh lor pô aơ: ‘Hơi phung Israel, di lĕ khân may hŏ nhhơr mpa ƀư brah jêh ri ndơ nhhơr ma Gâp Tâm puăn jât năm gŭ ta bri rdah?

Nau Vay Nkah Tay 16:21

“Khân may mâu dơi ôh ndâk n'gâng ƀư ma si gay mbah rup brah Asêrah ta meng nơng ƀư brah khân may mra ndâk ma Yêhôva Brah Ndu khân may.

Nau Vay Nkah Tay 17:3

hăn pah kan jêh ri yơk mbah ma phung brah êng, mâu lah mbah ma nar, ma khay mâu lah lĕ rngôch mănh mbing, jêng nau gâp mâu ntĭnh ôh,

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.