II Nau Rêh Jêng 33:2 - Nau Brah Ndu Ngơi 2023

² Păng ƀư nau mhĭk tanăp măt Brah Yêhôva, tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 33:2 ပူးပေါင်းရင်းမြစ်များ

II Phung Hađăch 17:11

Ta lĕ ntŭk prêh klơ nây, khân păng su n'hôl ƀâu kah nâm bu phung ƀon lan Brah Yêhôva mprơh du jêh bơh khân păng, ƀư jêh lĕ nau djơh mhĭk gay nsônh nau ji nuih Brah Yêhôva.

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

II Phung Hađăch 21:2

Păng ƀư nau mhĭk tanăp măt Brah Yêhôva, jêh ri tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Phung Hađăch 21:9

Ƀiălah khân păng mâu tông bâr ôh; Y-Manasê nsŭk nsôr khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

II Nau Rêh Jêng 28:3

Păng su ndơ ƀâu kah tâm rlŭng Ben-Hinôm, jêh ri su kon păng nơm tâm ŭnh jêng ndơ ƀư brah, tĭng nâm nau vay ƀơ̆ ƀơch tâm phung mpôl băl bunuyh Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 33:22

Păng ƀư nau mhĭk tanăp măt Brah Yêhôva, nâm bu Y-Manasê, mbơ̆ păng hŏ ƀư jêh. Y-Amôn nhhơr mpa ƀư brah ma lĕ rngôch rup trah Y-Manasê, mbơ̆ păng ƀư jêh, jêh ri pah kan ma phung rup brah nây.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Êsra 9:14

pôri mâm hên hôm ƀư tih lĕ nau vay ntăm bơh Kôranh Brah, gŭ sai ur jêh đah lĕ phung ntil mpôl bunuyh tĭng lĕ ndô̆ nau vay ƀơ̆ ƀơch aơ? Nau ji nuih bơh Kôranh Brah mâu mra nkhŭt ma hên, ƀư rai lơi hên kŏ tât mâu hôm klen đŏng ôh mâu lah nchuăt klaih lĕ?

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Êsêkiêl 11:12

Rnôk nây, khân may mra gĭt Gâp jêng Brah Yêhôva, yorlah khân may mâu chuat tĭng ndô̆ ôh nau vay Gâp dăp, mâu lĕ ŭch tông ma nau vay ƀư bơh Gâp, ƀiălah ƀư tĭng nkhơng nau vay phung mpôl băl bunuyh gŭ jŭm khân may.’”

Nau Vay Nkah Tay 12:29

Lah Yêhôva Brah Ndu lĕ ƀư rai jêh bơh khân may đơ phung ndŭl mpôl, khân may mra hăn lăp gay nsot lơi, jêh ri dôl hŏ nsot lơi jêh khân păng jêh ri khân may gŭ tâm n'gor nây

Nau Vay Nkah Tay 12:31

Khân may mâu dơi ƀư ôh kơt nĕ ma Yêhôva Brah Ndu yorlah Brah Yêhôva tâm rmot lĕ kan ƀơ̆ ƀơch khân păng hŏ ƀư jêh ma phung brah khân păng. Khân păng gŭch nđâp phung kon bu klâu jêh ri phung kon bu ur khân păng tâm ŭnh gay ƀư brah ma phung brah khân păng.

Nau Vay Nkah Tay 18:14

Nđâp tơlah phung ndŭl mpôl khân may dăch mprơh du luh nây geh tĭng nau ƀŭk rƀên jêh ri n'hŭm pol, ƀiălah Yêhôva Brah Ndu mâu dơn ôh khân may ƀư pônây.”

Nau Vay Nkah Tay 18:9

“Lah khân may hŏ lăp tâm n'gor Yêhôva Brah Ndu ăn jêh, khân may lơi nti, lơi tĭng ndô̆ nau vay ƀơ̆ ƀơch tâm phung ƀon lan gŭ ta nây.