II Nau Rêh Jêng 32:7 - Nau Brah Ndu Ngơi 2023

⁷ “Ƀư ktang hom jêh ri nâp nuih n'hâm! Lơi ta klach, lơi ta krit kir tanăp măt hađăch Asiri jêh ri mpôl phung tahan âk râk tĭng păng, yorlah Nơm gŭ ndrel he dơi lơn đah nơm gŭ ndrel păng;

II Nau Rêh Jêng 32:7 ပူးပေါင်းရင်းမြစ်များ

II Phung Hađăch 18:30

Lơi ăn Y-Hêsêkia ndơm khân may rnơm nsing ma Brah Yêhôva tơlah pô aơ n'hêl nanê̆ Brah Yêhôva mra tâm rklaih he; jêh ri bu mâu mra jao ƀon aơ tâm ti hađăch Asiri ôh.

II Phung Hađăch 18:5

Y-Hêsêkia nsing ma Yêhôva Brah Ndu Israel, tât mâu geh nơm nâm bu păng tâm lĕ rngôch phung hađăch Yuđa pakơi ma păng, mâu geh lĕ tâm phung hađăch lor panăp păng.

II Phung Hađăch 6:16

Păng lah: “Lơi klach ôh, yorlah phung gŭ ndrel he jêng âk lơn ma phung gŭ ndrel ma khân păng.”

I Nau Rêh Jêng 22:13

Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

I Nau Rêh Jêng 28:10

Aƀaơ aơ, njrăng hom, yorlah Brah Yêhôva săch jêh may ăn may ndâk du mlâm ngih brah prăp ma ntŭk kloh ueh Păng. Dăng ktang hom, jêh ri ƀư nau nây!”

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

II Nau Rêh Jêng 15:7

Ƀiălah khân may gŭ janh hom, ti khân may lơi mƀơk, yorlah kan khân may ƀư mra geh nau nkhôm.”

II Nau Rêh Jêng 16:7

Nôk nây lĕ, nơm geh nau tâm saơ Y-Hanani hăn tâm mâp đah Y-Asa, hađăch Yuđa, jêh ri lah: “Yorlah may rnơm nsing ma hađăch Aram ƀiălah mâu rnơm nsing ôh ma Yêhôva Brah Ndu may, rĭ dĭng phung tahan Aram lĕ klaih jêh bơh may.

II Nau Rêh Jêng 20:15

Păng lah: “Ơ lĕ rngôch phung Yuđa jêh ri phung gŭ tâm ƀon Yêrusalem, jêh ri hađăch Jôsaphat, iăt hom! Brah Yêhôva lah ma khân may kơt aơ: ‘Lơi ta klach ôh, lơi krit ôh tanăp phung tahan âk râk nây, yorlah nau tâm lơh aơ mâu jêng kan khân may ôh, ƀiălah jêng kan Brah Ndu.

II Nau Rêh Jêng 20:17

Tâm nau lơh nây, khân may mâu mra tâm lơh ôh. Gŭ nâp hom tâm ntŭk jêh ri dâk nsrâng gay kâp uănh nau tâm rklaih Brah Yêhôva, Nơm gŭ ndrel ma khân may. Ơ phung Yuđa jêh ri phung gŭ ta Yêrusalem! Lơi klach ôh, lơi krit ôh! Ôi taơ hăn luh tâm mâp hom đah khân păng, yorlah Brah Yêhôva gŭ ndrel ma khân may.’”

Nêhêmi 4:8

Khân păng rgum ndrăng khân păng, tâm nchră ndrel ŭch văch tât lơh đah ƀon Yêrusalem jêh ri ƀư uh ah ma ƀon.

Nau Mprơ Ơm 118:8

Ueh lơn nde krap tâm Brah Yêhôva Đah rnơm ma kon bunuyh.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Yêrêmi 42:11

Lơi ta klach ôh ma hađăch Babilôn, jêng ma nơm khân ay may klach; Brah Yêhôva lah, lơi klach ôh ma hađăch nây, yorlah Gâp gŭ ndrel ma khân ay may gay koh dŏng jêh ri tâm rklaih khân may tă bơh ti hađăch nây.

Daniel 10:19

Păng lah ma gâp: “Ơ nơm bu rŏng ngăn, lơi klach ôh. Gŭ đăp mpăn hom jêh ri nâp nuih n'hâm! Nâp hom nuih n'hâm!” Tơlah păng dôl ngơi ma gâp, geh ntop n'hâm suan gâp jêh ri lah: “Ơ kôranh, ăn may ngơi hom, yorlah may jêng n'hâm suan ma gâp.”

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

Sakari 8:9

Brah Yêhôva ma phung tahan lah: “Tâm nar aơ, khân may jêng phung gŭ iăt lĕ nau ngơi tă bơh bâr mbung phung nơm mbơh lor, tâm nar jây Brah Yêhôva ma phung tahan, nâm bu ntĭt ngih brah, gay ƀư mbon ndâk njêng, pôri ăn khân may ƀư hom ma ti khân may nơm dơi dăng!

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Nau Vay Nkah Tay 20:1

“Lah hăn tâm lơh đah phung rlăng, tơlah khân may saơ khân păng geh âk seh, âk ndeh seh jêh ri phung tahan âk lơn ma khân may, lơi klach ôh, yorlah Yêhôva Brah Ndu khân may jêng Nơm hŏ njŭn leo jêh khân may luh bơh n'gor Êjipt, mra gŭ ndrel ma khân may.

Nau Vay Nkah Tay 31:23

Brah Yêhôva ntĭnh ma Y-Yôsuê, kon bu klâu Y-Nun pô aơ: “Ăn dăng ktang jêh janh nanh hom, yorlah may mra njŭn leo phung kon Israel lăp tâm n'gor Gâp hŏ ton jêh ăn ma khân păng. Bi Gâp, Gâp mra gŭ ndrel ma may.”

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.