II Nau Rêh Jêng 32:5 - Nau Brah Ndu Ngơi 2023

⁵ Păng ƀư ngăn yơh, ndâk tay lĕ rngôch mpêr ƀon hŏ mplŭng jêh, jêh ri ndâk ngih tŭm klơ ăn prêh đê̆, jêh ri ndâk đŏng mpêr êng mpeh padih. Păng ƀư dŭt nâp Milô tâm ƀon Đavit, jêh ri păng ƀư âk tak keng jêh ri khêl.

II Nau Rêh Jêng 32:5 ပူးပေါင်းရင်းမြစ်များ

II Samuel 5:9

Y-Đavit gŭ ta pôih nây, jêh ri ntơ amoh ƀon Đavit. Hađăch ƀư mpêr gŭ văr jŭm ntơm bơh Milô plơ̆ lăp mpeh tâm trôm.

I Phung Hađăch 11:27

Aơ jêng nau păng dâk tâm rdâng đah hađăch: Y-Salômôn ndâk Milô, njĭr tay ntŭk lĕ bluh mpêr ƀon Đavit, jêng ƀon mbơ̆ păng hŏ ndâk.

I Phung Hađăch 9:24

Tơlah kon bu ur Pharaôn dâk hăn bơh ƀon Đavit tât gŭ tâm ngih hađăch, hađăch Salômôn hŏ ndâk ăn ma păng, nôk nây hađăch ntơm ndâk njêng Milô.

II Phung Hađăch 12:20

Bar hê phung oh mon Y-Jôas dâk jêh ri nchră ŭch tâm rdâng đah Y-Jôas jêh ri nkhĭt păng tâm ngih Milô, ta trong hăn trŭnh Sila.

II Phung Hađăch 25:4

Nôk nây bu kuar trôm tâm mpêr ƀon. Dôl măng, lĕ rngôch phung tahan nchuăt du rŏ trong mpông pêr vah vang bar đah mpêr, dăch n'gar kao hađăch. Tơlah phung Kaldê dôl nchueng jŭm ƀon, hađăch Yuđa nchuăt du tĭng mpeh ma Arabah.

II Nau Rêh Jêng 12:1

Tơlah bri dak Y-Rôbôam chiă uănh jêng nâp jêh ri ktang jêh, păng nđâp ma phung Israel chalơi lĕ nau vay Brah Yêhôva.

II Nau Rêh Jêng 23:1

Tâm năm rơh pơh, Y-Jêhôida sŏk nau dăng ktang gay jă phung kôranh chiă uănh toyh ma du rhiăng bunuyh tahan jêng: Y-Asaria, kon Y-Jêrôham; Y-Ismaêl, kon Y-Jôhanan; Y-Asaria, kon Y-Ôbet; Y-Maseya, kon Y-Adaya; jêh ri Y-Êlisaphat, kon Y-Sikri. Păng ƀư nau tâm rnglăp đah phung nây.

II Nau Rêh Jêng 25:23

Ta Bet-Sêmes, hađăch Israel jêng Y-Jôas nhŭp Y-Amasia, hađăch Yuđa, kon Y-Jôas, sau Y-Jôacha, jêh ri njŭn leo păng ma ƀon Yêrusalem. Hađăch Jôas mbang chah mpêr ƀon Yêrusalem ntơm bơh mpông Êphraim tât ma mpông Njônh, du rva jong geh bar rhiăng met.

II Nau Rêh Jêng 26:8

Phung Ammôn chê̆ pi ma Y-Usia, jêh ri nau lư n'găr păng bu tăng lư tât ta n'har neh n'gor Êjipt, yorlah păng hao hŏ dơi chăt jêng ngăn.

II Nau Rêh Jêng 33:14

Jêh nau nây, păng ƀư mpêr padih ƀon Đavit, mpeh ma nhâp nar ƀon Gihôn, tâm rlŭng, tât ma ntŭk lăp mpông pêr ka, jêh ri văr jŭm ƀon Ôphel; hađăch ndâk mpêr nây prêh ngăn. Jêh nây păng đă phung kôranh chiă uănh tahan tâm lĕ rngôch ƀon geh pôih nâp tâm n'gor Yuđa.

Nau Hôr 25:28

Mbu nơm mâu blau chiă uănh nuih n'hâm păng nơm Nâm bu du rplay ƀon toyh lĕ rlâm, mpêr mâu nâp.

Yêrêmi 39:4

Lah saơ khân păng, Y-Sêdêkia, hađăch Yuđa, jêh ri lĕ rngôch phung tahan du krap luh du tă ƀon toyh. Dôl măng, khân păng tĭng trong tâm n'gar kao hađăch, rgăn mpông pêr vah vang bar mpêr jêh ri hăn rlet mpeh ma Arabah.

Yôel 2:8

Khân păng mâu tâm nklơ̆ tâm tom ndrăng nơm, ăp nơm hăn tĭng trong păng nơm; Khân păng rduh rgăn lĕ ndơ tâm lơh ƀiălah mâu nkân ôh.

Phung Kôranh Phat Dôih 9:6

Nôk nây, lĕ rngôch kôranh chiă uănh ƀon toyh Sichem jêh ri Bet-Milô văch ndrel n'grŭp, ta meng tơm si guyh ntŭk plơp lŭ ta Sichem gay yơk Y-Abimêlek njêng hađăch.