II Nau Rêh Jêng 32:4 - Nau Brah Ndu Ngơi 2023

⁴ Bunuyh ƀon lan văch rgum âk râk, bât nkrŭl lĕ rngôch dak n'hor jêh ri n'hong dak hoch tâm nklang n'gor bri. Khân păng tâm ngơi ndrăng nơm: “Mâm ƀư he ăn hađăch Asiri tât ta aơ jêh ri dơi saơ dak âk?”

II Nau Rêh Jêng 32:4 ပူးပေါင်းရင်းမြစ်များ

I Phung Hađăch 19:21

Luh bơh Y-Êli, Y-Êlisê hăn sĭt ngih păng gay nhŭp du gu ndrôk sreh khân păng, jêh ri sŏk kai ƀư long gay gâm puăch ăn lĕ rngôch bunuyh sa. Jêh nây Y-Êlisê dâk hăn tĭng ndô̆ Y-Êli jêh ri pah kan ma păng.

I Phung Hađăch 3:9

Pôri, dăn ma Kôranh Brah ăn ma oh mon May nuih n'hâm gĭt mĭn gay phat nkra dôih phung ƀon lan May jêh ri tâm nkhah nau di jêh ri nau mâu di; yorlah mbu nơm dơi phat nkra dôih phung ƀon lan Kôranh Brah âk râk aơ?”

II Phung Hađăch 18:13

Tâm năm jât ma puăn rnôk rô̆ hađăch Hêsêkia chiă uănh, geh Y-Sênakêrip, hađăch Asiri, hăn lơh jêh ri pit sŏk ma lĕ rngôch ƀon dŭt nâp ngăn tâm n'gor Yuđa.

II Phung Hađăch 18:9

Tâm năm rơh puăn rnôk rô̆ hađăch Hêsêkia chiă uănh, di tâm năm rơh pơh rnôk rô̆ Y-Hôsêa, kon Y-Êla, hađăch Israel chiă uănh, pôri Y-Salmanêser, hađăch Asiri hăn lơh ma Samari jêh ri nchueng jŭm ƀon nây.

II Phung Hađăch 19:17

Ơ Brah Yêhôva, n'hêl nanê̆ phung hađăch Asiri hŏ ƀư rai jêh lĕ bri dak jêh ri n'gor neh khân păng,

II Phung Hađăch 20:20

Lĕ nau kan êng Y-Hêsêkia ƀư, nau ktang păng, nau păng ƀư nglao dak, jêh ri ƀư rmlông dak jêh ri n'hoch ăn tât dak tâm ƀon, mâu di hĕ bu hŏ nchih da dê tâm ndrom samƀŭt nau rêh jêng ma phung hađăch Yuđa?

II Nau Rêh Jêng 30:14

Khân păng ntơm phă lĕ nơng bu ndâk ma brah êng tâm ƀon Yêrusalem jêh ri lĕ rngôch nơng ƀư brah su ndơ ƀâu kah jêh ri klŭp mƀăr ndơ nây tâm rlŭng Kidrôn.

II Nau Rêh Jêng 32:1

Lôch kan aơ jêh ri nau răp jăp Y-Hêsêkia ƀư nây, geh Y-Sênakêrip hađăch Asiri văch tât lăp n'gor Yuđa, nchueng ŭch tâm lơh đah ƀon geh pôih tahan jêh ri đă bu ƀư rai ƀon nây.

II Nau Rêh Jêng 32:3

păng tâm chră đah phung kôranh jêh ri đah phung kôranh tahan janh ktang gay bât lơi tu dak ta mpâr ƀon. Khân păng kơl păng da dê.

II Nau Rêh Jêng 32:30

Y-Hêsêkia yơh bât n'hor dak Gihôn, jêh ri n'hoch păng hoch mŭr tâm dâng neh mpeh nhâp nar ƀon Đavit. Tâm lĕ kan Y-Hêsêkia ƀư dơi chăt jêng da dê.

Êsai 10:8

Yorlah păng lah: “Mâu di hĕ phung kôranh tahan gâp jêng hađăch da dê?

Êsai 22:11

Khân may lŏ ndâk ntu prăp dak vah vang bar tăp mpêr ƀon gay prăp dak bơh dak nglao ơm, ƀiălah khân may mâu rnơm ôh ma Nơm ƀư nau nây; khân may mâu uănh ma Nơm hŏ ŭch ƀư nau nây bơh kăl e.

Êsai 22:9

Khân may saơ âk trôm bluh tâm ƀon Đavit, rĭ dĭng têm dak tâm nglao ta tâm dâng.

Nahum 3:14

Bâk lor dak gay njrăng lah bu nchueng, Ndăp ăn nâp pôih may; Hăn hom sŏk neh uk, Pach bŏk jêh ri ndâk nkra tay năk ƀư ƀrĭk!